ចំនួនអ្នកឆ្លងកូវីដសរុបនៅ ប្រេស៊ីល កើនលើស ១២.៥ លាននាក់ ក្រោយរកឃើញថ្មីជាង ៤ ម៉ឺនករណី

យោងតាមក្រសួងសុខាភិបាលរបស់ប្រទេសប្រេស៊ីលបានរាយការណ៍ថា ប្រទេសប្រេស៊ីលបានរកឃើញករណីឆ្លងថ្មីនៃជំងឺកូវីដ ១៩ ចំនួន ៤៤,៣២៦ ករណីក្នុងរយៈពេល ២៤ ម៉ោងកន្លងមកនេះដោយនាំឲ្យមានករណីឆ្លងសរុបកើនដល់ ១២,៥៣៤,៦៨៨ ករណី ។

ប្រទេសនេះក៏បានរាយការណ៍ថាមានអ្នកស្លាប់ថ្មីដោយសារជំងឺកូវីដ ១៩ ចំនួន ១,៦៥៦ នាក់ផងដែរដែលនាំឲ្យចំនួនអ្នកស្លាប់សរុបឡើងដល់ ៣១២,២០៦ នាក់ ។

ទន្ទឹមនោះប្រព័ន្ធមន្ទីរពេទ្យនៅប្រទេសប្រេស៊ីលបច្ចុប្បន្នមានចំនួនអ្នកជំងឺកូវីដ ១៩ យ៉ាងច្រើនលើសលប់ ខណៈអ្នកជំងឺកូវីដចន្លោះពី ៨០ ភាគរយទៅ ១០០ ភាគរយនៅក្នុងបន្ទប់សង្គ្រោះបន្ទាន់ (ICU) ។

រដ្ឋ Rio Grande do Sul ស្ថិតក្នុងសប្តាហ៍ទី ៤ នៃវិបត្តិអ្នកជំងឺក្នុងមន្ទីរពេទ្យពោលអ្នកជំងឺកូវីដមានរហូតដល់ ១១៤ ភាគរយក្នុងបន្ទប់ ICU ខណៈអ្នកជំងឺកូវីដច្រើនជាង ៣២០ នាក់ត្រូវរង់ចាំសម្រាប់គ្រែ និងឧបករណ៍សង្គ្រោះបន្ទាន់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ប្រេស៊ីល រកឃើញអ្នកឆ្លងកូវីដថ្មីប្រចាំថ្ងៃមិនធ្លាប់មានជាង ១០ ម៉ឺនករណី

ចុចអាន ៖ ប្រេស៊ីល ជាប្រទេសទី២ មានមនុស្សស្លាប់ដោយសារកូវីដលើស ៣០ម៉ឺននាក់