ព័ត៌មានអន្ដរជាតិ
ពួកឧទ្ទាម៣ក្រុមចេញមកគំរាមក្តែងៗ បើអំពើហិង្សានៅតែបន្ត មីយ៉ាន់ម៉ាមានសង្គ្រាមធំហើយ
ចំនួនអ្នកស្លាប់ក្នុងការបង្ក្រាបរបស់យោធាមីយ៉ាន់ម៉ា បានកើនឡើងដល់៥០០នាក់ហើយ ដែលជាហេតុជំរុញឲ្យក្រុមឧទ្ទាមគំរាមថា ពួកគេនឹងបាញ់ប្រហារទៅយោធាវិញ ប្រសិនបើការបង្ហូរឈាមមិនបានបញ្ឈប់ទេនោះ។
![This image has an empty alt attribute; its file name is TNLA-photo1-900x420-1.jpg](https://www.kampucheathmey.com/wp-content/uploads/2021/03/TNLA-photo1-900x420-1.jpg)
ការគំរាមនេះបានបង្កឲ្យមានការភ័យខ្លាចថា សង្គ្រាមស៊ីវិលនឹងផ្ទុះឡើងក្នុងទ្រង់ទ្រាយធំ។
កងជីវពលបះបោរប្រដាប់អាវុធ៣ក្រុមរបស់ប្រទេសនេះគឺ កងទ័ពរំដោះជាតិ Ta’ang, កងទ័ពសម្ព័ន្ធភាពប្រជាធិបតេយ្យជនជាតិមីយ៉ាន់ម៉ា និងកងទ័ព Arakan បានព្រមានថា ពួកគេនឹងចូលរួមជាមួយបាតុករដើម្បីប្រយុទ្ធជាលក្ខណៈទ្រង់ទ្រាយធំប្រសិនបើ អំពើហិង្សាមិនថមថយទេនោះ។
![This image has an empty alt attribute; its file name is 7f78ce90-046b-11e7-be53-dd0689cdbd13_image_hires-1024x686.jpg](https://www.kampucheathmey.com/wp-content/uploads/2021/03/7f78ce90-046b-11e7-be53-dd0689cdbd13_image_hires-1024x686.jpg)
ក្រុមឧទ្ទាមជនជាតិភាគតិចទាំងបី បានចេញសេចក្តីថ្លែងការណ៍រួមគ្នាមួយកាលពីថ្ងៃអង្គារ។ សេចក្តីថ្លែងការណ៍បាននិយាយថា “ប្រសិនបើពួកគេមិនឈប់ ហើយបន្តសម្លាប់ប្រជាជន យើងនឹងសហការជាមួយក្រុមអ្នកតវ៉ាហើយវាយបក តបតវិញ”។
លោកស្រី Debbie Stothard នៅសហព័ន្ធអន្តរជាតិដើម្បីសិទ្ធិមនុស្ស (FIDH) បានព្រមានថា ស្ថានភាពអាចនឹងឈានដល់សង្រ្គាមស៊ីវិល ប្រសិនបើក្រុមបែបនេះចាប់កាន់អាវុធ។
![This image has an empty alt attribute; its file name is 762A3A90-3E2A-4A4E-99E2-E6F8D421227A-1024x576.jpg](https://www.kampucheathmey.com/wp-content/uploads/2021/03/762A3A90-3E2A-4A4E-99E2-E6F8D421227A-1024x576.jpg)
ការបះបោររបស់ជនជាតិភាគតិចចំនួន២០ក្រុម បានផ្ទុះឡើងនៅក្នុងប្រទេសមីយ៉ាន់ម៉ាចាប់តាំងពីការទទួលបានឯករាជ្យក្នុងឆ្នាំ១៩៤៨មក ដោយពួកគេបានប្រយុទ្ធប្រឆាំងដើម្បីស្វ័យភាព អត្តសញ្ញាណជនជាតិភាគតិច និងធនធានធម្មជាតិ។
យោធាបានព្យាយាមកាត់ផ្តាច់កិច្ចព្រមព្រៀងជាមួយក្រុមប្រដាប់អាវុធមួយចំនួន ហើយនៅដើមខែនេះ បានដកកងទ័ព Arakan ចេញពីបញ្ជីអង្គការភេរវកម្ម។
![This image has an empty alt attribute; its file name is 0901.jpg](https://www.kampucheathmey.com/wp-content/uploads/2021/03/0901.jpg)
ប៉ុន្តែកាលពីចុងសប្តាហ៍នេះ យោធាបានបើកការវាយប្រហារពីអាកាសនៅរដ្ឋ Karen ភាគខាងកើត ដែលជាការវាយប្រហារលើកដំបូងបំផុតក្នុងរយៈពេល២០ឆ្នាំ ដោយផ្តោតលើកងពលតូចទី៥នៃ ក្រុមសហភាពជាតិ Karen បន្ទាប់ពីក្រុមនេះ ដណ្តើមកាន់កាប់មូលដ្ឋានយោធាមួយ៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ មើលទៅមិនស្រួល! សហរដ្ឋអាមេរិក បញ្ជាឲ្យជម្លៀសអ្នកការទូតចេញពី មីយ៉ាន់ម៉ា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២១ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច