ព័ត៌មានអន្ដរជាតិ

អាមេរិកស្លាប់ដោយកូវីដ-១៩ឡើងដល់៥សែន៥ម៉ឺននាក់គិតត្រឹមយប់មិញ

បានផុស

៤ years មុន

នៅ

ថ្ងៃពុធ ៣១ មីនា ២០២១

ដោយ

តួលេខពលរដ្ឋអាមេរិកស្លាប់ដោយកូវីដ-១៩ឡើងដល់៥៥០ ០០០នាក់គិតត្រឹមយប់ថ្ងៃអង្គារ ទី៣០ ខែមីនា។ នេះបើយោងតាមមជ្ឈមណ្ឌលវិទ្យាសាស្ត្រ និងវិស្វកម្មប្រព័ន្ធ (CSSE) របស់សាកលវិទ្យាល័យ Johns Hopkins University។

សម្រាប់តួលេខករណីឆ្លងទូទាំងសហរដ្ឋអាមេរិកឡើងដល់៣០.៣លាននាក់ អ្នកស្លាប់ឡើងដល់ ៥៥០ ០៧៣នាក់កាលពីយប់មិញ។ នេះបើតាមទិន្នន័យរបស់ CSSE។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋកាលីហ្វញ៉ាមានអ្នកស្លាប់ខ្ពស់ជាងគេបំផុតដែលមានដល់ ៥៩០៣០នាក់។ រដ្ឋញូវយ៉កស្ថិតនៅលំដាប់លេខ២មានអ្នកស្លាប់ ៥០ ១៥៨នាក់ ហើយលេខ៣រដ្ឋតិចសាសមានអ្នកស្លាប់៤៨១៣៤នាក់ និងរដ្ឋហ្លរីដាលេខ៤ដែលមានអ្នកស្លាប់៣៣២៤៧នាក់។

សម្រាប់រដ្ឋដែលមានអ្នកស្លាប់ច្រើនជាង១៧០០០នាក់មានដូចជា Pennsylvania, New Jersey, Illinois, Georgia, Ohio, Massachusetts និង Michigan។

សហរដ្ឋអាមេរិកនៅតែជាប្រទេសធ្ងន់ធ្ងរជាងគេបំផុតក្នុងពិភពលោកដោយកូវីដ-១៩រាប់ទាំងអស់ស្លាប់ និងអ្នកឆ្លង ដែលមានជាង២៣%នៃករណីឆ្លងជាសកល និងជិត២០%នៃករណីស្លាប់ជាសកល។

ការស្លាប់ដោយកូវីដ-១៩ នៅអាមេរិកឈានដល់កន្លះលាននាក់កាលពីថ្ងៃទី២២ ខែកុម្ភៈ។

រដ្ឋបាលសន្តិសុខដឹកជញ្ជូនបានរាយការណ៍ពីកំណត់ត្រាពីការធ្វើដំណើរតាមផ្លូវអាកាសថ្មីកំឡុងពេលកូវីដ-១៩ មានអ្នកធ្វើដំណើរជាង១.៥លាននាក់នៅទូទាំងព្រលានយន្តហោះសហរដ្ឋអាមេរិកកាលពីថ្ងៃអាទិត្យ។

អ្នកជំនាញសុខភាពអាមេរិកបានព្រមានថា ការធ្វើដំណើរផ្លូវអាកាសមមាញឹកទូទាំងប្រទេសក្នុងរដូវលំហើយនេះអាចជាមូលហេតុមួយស្ថិតនៅពីក្រោយនៃការផ្ទុះករណីឆ្លងថ្មី។

គំរូដែលធ្វើបច្ចុប្បន្នភាពដោយវិទ្យាស្ថានវាស់វែងសុខភាព និងការវាយតម្លៃនៅសាកលវិទ្យាល័យវ៉ាស៊ីនតោនបានប៉ាន់ស្មានថា តួលេខអ្នកស្លាប់សរុបអាចឡើងដល់៦០០ ១៩៥នាក់ នៅសហរដ្ឋអាមេរិកត្រឹមថ្ងៃទី១ ខែកក្កដា ដោយផ្អែកលើស្ថានភាពបច្ចុប្បន្ន។

ប្រទេសប្រេស៊ីលឈរនៅលំដាប់លេខ២ជាសកលជាមួយនឹងករណីឆ្លងសរុប១២.៦លាននាក់ និងអ្នកស្លាប់៣១៤ពាន់នាក់ ហើយលេខ៣ប្រទេសឥណ្ឌាដែលមានករណីឆ្លង១២.១លាននាក់ និងអ្នកស្លាប់១៦២ពាន់នាក់ និងលេខ៤ប្រទេសបារាំងឆ្លងសរុប៤.៥៩លាននាក់ និងស្លាប់ជាង៩៥ពាន់នាក់៕

ប្រែសម្រួល៖ វីរបុត្រ
ប្រភព៖ xinhuanet & Google