ព័ត៌មានអន្ដរជាតិ

ប៉ូលិសថៃ ប្រើឡានទឹកបំបែកហ្វូងបាតុករកំពុងសម្រុកទៅកាន់ព្រះបរមរាជវាំង

បានផុស

៤ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

ទីក្រុងបាងកក ប្រទេសថៃ កាលពីរាត្រីថ្ងៃអាទិត្យ កាន់តែតានតឹងខ្លាំង ក្រោយក្រុមបាតុករប្រជាធិបតេយ្យ បានព្យាយាមសម្រុកទៅកាន់ព្រះបរមរាជវាំង ដើម្បីដាក់បណ្តឹងទៅកាន់ព្រះមហាក្សត្រ ប៉ុន្តែត្រូវរារាំងដោយក្រុមប៉ូលិស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពតានតឹង បានបង្ខំឲ្យសមត្ថកិច្ចប្រើឡានទឹកបាញ់បំបែកហ្វូងបាតុករ ដែលកំពុងព្យាយាមសម្រុកទម្លុះរបាំងការពាររបស់ប៉ូលិស។ យ៉ាងណា មិនមានការប៉ះទង្គិចដោយហឹង្សាណាមួយកើតឡើងក្នុងការតវ់ានេះឡើង។

ជាមួយគ្នានេះដែរ ក្រុមបាតុករដែលស្មោះស្ម័គ្រនឹងរបបរាជានិយម ក៏បានលើកឡើងដែរថា ពួកគេកំពុងមានចេតនាដាក់លិខិតទៅកាន់នាយករដ្ឋមន្ត្រី និងមេបញ្ជាការយោធាដើម្បីប្រើប្រាស់អំណាចទាហានទប់ទល់ជាមួយក្រុមបាតុករប្រជាធិបតេយ្យ។

ក្រុមបាតុករប្រឆាំងរដ្ឋាភិបាលថៃ បានលើបដាជាមួយពាក្យថា “ប្រជាជន” និងបានប្រមូលផ្តុំគ្នានៅវិមានប្រជាធិបតេយ្យ ចាប់តាំងពីរសៀលថ្ងៃអាទិត្យ ដោយទាមទារឲ្យនាយករដ្ឋមន្ត្រីយោធាថៃ លោក ប្រាយុទ្ធ ចាន់អូចា ចុះចេញពីតំណែង រួមទាំងទាមទារឲ្យមានការធ្វើកំណែទម្រង់រដ្ឋធម្មនុញ្ញ និងស្ថាប័នរាជវង្សទៀតផង៕

ប្រែសម្រួល៖ សុភា
ប្រភព៖ Bangkok Post

Related Topics:បាតុកម្មនៅថៃ