វីដេអូគួរឲ្យសង្វេគ! ជនជាតិមីយ៉ាន់ម៉ា ភៀសខ្លួនទាំងទូកៗចូលព្រំដែនថៃ អ្នកខ្លះរបួសពេញខ្លួន

ប្រជាពលរដ្ឋប្រមាណ៣,០០០នាក់ បានរត់ភៀសខ្លួនឆ្លងកាត់ព្រៃ ដើម្បីស្វែងរកសុវត្ថិភាពចូលក្នុងព្រំដែនថៃ។

អ្នកនាំពាក្យក្រសួងការបរទេសថៃ លោក Tanee Sangrat បានច្រានចោលរបាយការណ៍ដែលថា អាជ្ញាធរថៃបានរុញច្រានជនភៀសខ្លួនទាំងនោះមកវិញ។

លោកនិយាយថា “អាជ្ញាធរថៃ នឹងបន្តមើលថែអ្នកដែលមកដល់ក្នុងប្រទេសថៃ ហើយវាយតម្លៃពីស្ថានភាពដែលកំពុងវិវត្តនិងតម្រូវការចាំបាច់”។

នៅក្នុងវីដេអូនេះ គេមើលឃើញជនភៀសខ្លួនមីយ៉ាន់ម៉ា ជិះទូកចូលមកដល់ព្រំដែនថៃ ហើយភាគីខាងថៃបានជួយសម្រួលឲ្យពួកគេឡើងគោក។

គេក៏ឃើញមានអ្នករបួសផងដែរ ដែលត្រូវបានអាជ្ញាធរថៃជួយយកដាក់ក្នុងឡាន នាំទៅព្យាបាលនៅមន្ទីរពេទ្យព្រំដែន។

ចំនួនអ្នកស្លាប់ក្នុងការបង្ក្រាបរបស់យោធាមីយ៉ាន់ម៉ា បានកើនឡើងលើស៥០០នាក់ហើយ។

ក្រុមអ្នកប្រឆាំងជនជាតិភាគតិចមួយក្នុងចំណោមក្រុមប្រឆាំងជនជាតិភាគតិចផ្សេងទៀតនៅមីយ៉ាន់ម៉ាបានអំពាវនាវឲ្យមានការគាំទ្រជាអន្តរជាតិសម្រាប់ប្រជាជនដែលភៀសខ្លួនពីការវាយប្រហារតាមអាកាសរបស់យោធា។

សហភាពជាតិការ៉ែន (KNU) បានចេញសេចក្តីថ្លែងការណ៍មួយកាលពីថ្ងៃអង្គារដោយអំពាវនាវដល់សហគមន៍អន្តរជាតិ ជាពិសេសប្រទេសថៃ ដើម្បីផ្តល់ជំនួយមនុស្សធម៌ដល់ប្រជាជនខ្លួន ។ ក្រុមនេះបាននិយាយថា កងទ័ពជើងគោកយោធារបស់មីយ៉ាន់ម៉ាកំពុងឈានទៅក្នុងទឹកដីរបស់ជនជាតិការ៉ែន។

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ក្រុមជនជាតិភាគតិច មីយ៉ាន់ម៉ា ទទូចសុំជំនួយពីអន្តរជាតិ ជាពិសេសប្រទេសថៃ