ព័ត៌មានអន្ដរជាតិ

គួរដឹង! គ្រូពេទ្យជំនាញណែនាំឲ្យអ្នកចាក់វ៉ាក់សាំងរួច ប្រើថ្នាំស្របតាមវេជ្ជបញ្ជាត្រឹមត្រូវ

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

អ្នកជំនាញផ្នែកវេជ្ជសាស្ត្រពន្យល់ថា ថ្នាំដែលមានវេជ្ជបញ្ជាត្រឹមត្រូវនឹងមានឥទ្ធិពលលើរាងកាយបន្ទាប់ពីចាក់វ៉ាក់សាំងកូវីដរួចរាល់ ហើយកម្រិតនៃការប្រើប្រាស់មិនបានបន្ថយប្រសិទ្ធភាពនៃការចាក់ថ្នាំការពារពីមេរោគឆ្លងនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Adam Berman ជាគ្រូពេទ្យផ្នែកសង្គ្រោះបន្ទាន់ នៃមជ្ឈមណ្ឌលវេជ្ជសាស្ត្រ Jewish នៅញូវយ៉កមានប្រសាសន៍ថា ជាការពិតដែលថាថ្នាំភាគច្រើនដែលយើងប្រើអាចប៉ះពាល់ដល់ប្រព័ន្ធភាពស៊ាំ។ ប៉ុន្តែវិធីដែលវ៉ាក់សាំងកូវីដអាចដំណើរការបានគឺថាពួកវានឹងបញ្ចេញក្នុងរាងកាយរបស់មនុស្សម្នាក់ទៅនឹងប្រូតេអ៊ីនតូចមួយ ពីមេរោគដែលបង្កឲ្យប្រព័ន្ធភាពស៊ាំចាប់ផ្ដើមប្រយុទ្ធប្រឆាំងនឹងវីរុស ។

អ្វីដែលសំខាន់គឺវ៉ាក់សាំងបង្កើតជាប្រព័ន្ធការពារនៃប្រព័ន្ធភាពស៊ាំរបស់មនុស្ស ហើយថ្នាំភាគច្រើនដែលអ្នកជំងឺប្រើ មិនមានផលប៉ះពាល់ដល់ប្រព័ន្ធភាពស៊ាំរបស់ពួកគេទេ។

ឧទាហរណ៍ថ្នាំ Statin ដែលប្រើដើម្បីការពារប្រឆាំងនឹងកូលេស្តេរ៉ុលគឺមិនមានអ្វីដែលត្រូវប៉ះពាល់ដល់ប្រព័ន្ធភាពស៊ាំឡើយ។ ថ្នាំ Warfarin ឬ Eliquis សម្រាប់អ្នកលើសឈាមដើម្បីគ្រប់គ្រងជំងឺទឹកនោមផ្អែម ថ្នាំ Metformin ធ្វើការលើការរំលាយអាហារគ្លុយកូសជាដើម។

ប៉ុន្តែក៏មានថ្នាំពេទ្យខ្លះដែលចេញដោយវេជ្ជបញ្ជា ក៏អាចធ្វើឲ្យថយចុះប្រសិទ្ធភាពវ៉ាក់សាំងបានដែរ ។ ដូចគ្នានឹងច្បាប់ភាគច្រើននៃវិទ្យាសាស្ត្រវេជ្ជសាស្ត្រមានករណីលើកលែងមួយចំនួន។

លោក William Schaffner, M.D, សាស្ត្រាចារ្យផ្នែករោគរាតត្បាតនិងជាសាស្ត្រាចារ្យផ្នែកថ្នាំបង្ការនៅសាកលវិទ្យាល័យ Vanderbilt មានប្រសាសន៍ថា សម្រាប់អ្នកជំងឺបានប្ដូរសរីរាង្គ ហើយកំពុងប្រើថ្នាំការពារប្រព័ន្ធភាពស៊ាំឬប្រើថ្នាំទាំងនោះដើម្បីព្យាបាលជំងឺអូតូអ៊ុយមីនឬកំពុងប្រើថ្នាំមហារីក។ ថ្នាំការពារភាពស៊ាំទាំងនោះនឹងមានឥទ្ធិពលលើប្រព័ន្ធភាពស៊ាំ ហើយវ៉ាក់សាំងក៏មិនអាចដំណើរការឬមានប្រសិទ្ធភាពឡើយ៕

ប្រែសម្រួល៖ សាង ស្រីល័ក្ខ

ប្រភព៖aarp

ចុចអាន៖ការសិក្សា ៖ កុមារមានអង់ទីគ័រខ្លាំងប្រឆាំងកូវីដជាងមនុស្សពេញវ័យ

ចុចអាន៖បកស្រាយ! តើអ្នកជាសះស្បើយពីកូវីដ-១៩ អាចលាប់ឡើងវិញដែរទេ?

Related Topics: