ព័ត៌មានអន្ដរជាតិ

សប្បាយហួសហេតុពេក ប៉ូលិសទៅបំបែកហ្វូងមនុស្សនៅកណ្តាលទីក្រុង Manchester

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

chean virakbot

មនុស្សរាប់ពាន់នាក់បានប្រមូលផ្តុំជួបជុំគ្នាដែលមានឥរិយាបថខុសច្បាប់នៅកណ្តាលទីក្រុង Manchester។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសត្រូវបានដាក់ពង្រាយនៅកន្លែងកើតហេតុដែលមនុស្សច្រើកកកកុញនៅ Castlefield Bowl កាលពីយប់ថ្ងៃពុធ។ វីដេអូបានបង្ហាញពីហ្វូងមនុស្សនាំគ្នាផឹកស៊ី និងរាំកម្សាន្តយ៉ាងសប្បាយរីកដែលគ្មានខ្វល់អ្វីសោះនៅក្នុងការប្រគំតន្ត្រីដោយឌីជេម្នាក់។

រូបភាពជាច្រើនបានបង្ហាញពីលទ្ធផលនៃការជួបជុំលើសកម្រិតបន្សល់ទុកសំបកដក និងសំរាមព្រោងព្រាតនៅលើដី។

តាមព័ត៌មាន Manchester Evening News បានផ្សាយថថា ប៉ូលិសបានទៅដល់កន្លែងកើតហេតុ និងបានបំបែកហ្វូងមនុស្សនៅវេលាម៉ោងជាង១០យប់។

យោងតាមអ្នកស្រុកម្នាក់ឲ្យដឹងថា សូម្បីឌីជេដែលប្រគំតន្ត្រីមួយនៅពេលនោះគឺខុសច្បាប់។

លោក Joan Davies សមាជិកក្រុមប្រឹក្សា Deansgate ថ្កោលទោសចំពោះព្រឹត្តិការណ៍នេះដោយនិយាយថា «យើងចង់ឲ្យអ្នករាល់គ្នាសប្បាយរីករាយខ្លួនឯង ប៉ុន្តែនៅក្នុងកម្រិតមួយដែលអាចទទួលយកបាន។ ខ្ញុំគិតថា ប៉ូលិសពិតជាពិបាកណាស់ ពួកគេត្រូវធ្វើម្តេចឲ្យមានតុល្យភាព»។

ការឆ្លងកូវីដ-១៩នៅចក្រភពអង់គ្លេសឥឡូវនេះបានធ្លក់ចុះទាបជាងប្រទេស២៥ក្នុងចំណោមប្រទេសអឺរ៉ុបចំនួន២៧ ខណៈករណីឆ្លងប្រចាំថ្ងៃនៅចក្រភពអង់គ្លេសបានធ្លាក់ចុះ២៨%ក្នុងសប្តាហ៍នេះ។

អ្នកស្រីវេជ្ជបណ្ឌិត Yvonne Doyle មកពីសុខាភិបាលសាធារណៈរបស់ ប្រទេសអង់គ្លេសបានព្រមានថា ៖«បំរាមរឹតត្បិតបានបន្ធូរបន្ថយ និងបរិយាកាសល្អប្រសើរមែន តែយើងមិនអាចឈប់ប្រុងប្រយ័ត្នបានទេ។ យើងមិនអាចសប្បាយ ភ្លេចខ្លួនឡើយ»។

អ្នកស្រីនិយាយថា ៖«មានមនុស្សជាច្រើនស្ថិតនៅមន្ទីរពេទ្យនៅឡើយឥឡូវនេះ ដោយសារការផ្ទុះលើកទី២ ហើយមនុស្សរាប់ពាន់នាក់នៅតែឆ្លងជារៀងរាល់សប្តាហ៍ ហើយក៏មានច្រើនកំពុងធ្ងន់ធ្ងរ»។

អ្នកស្រីវេជ្ជបណ្ឌិតនៅតែជំរុញឲ្យពលរដ្ឋអង់គ្លេសលាងដៃឲ្យបានញឹកញាប់ ពាក់ម៉ាសការពារខ្លួន និងនៅគម្លាតឆ្ងាយពីគ្នាដើម្បីការរីករាលដាលជាថ្មី៕