ព័ត៌មានអន្ដរជាតិ

ប្រជាជនអាមេរិកកំពុងប្រឈមការឡើងទម្ងន់រៀងរាល់ថ្ងៃ អំឡុងការបិទប្រទេសដោយសារកូវីដ

បានផុស

៣ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

ប្រជាជននៅសហរដ្ឋអាមេរិកបានឡើងទម្ងន់ជាមធ្យម ១ គីឡូក្រាមក្នុងមួយខែ អំឡុងពេលស្នាក់នៅផ្ទះដើម្បីកាត់បន្ថយការរីករាលដាលកូវីដ នេះបើយោងតាមការសិក្សាចេញផ្សាយដោយ JAMA Network Open ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា អ្នកចូលរួមនៅក្នុងរដ្ឋចំនួន ៣៧ និងទីក្រុងវ៉ាស៊ីនតោនឌីស៊ីបានតាមដាននៅចន្លោះថ្ងៃទី ១ ខែកុម្ភៈនិងថ្ងៃទី ១ ខែមិថុនាឆ្នាំមុន ជាមធ្យមមនុស្សឡើងទម្ងន់ប្រហែល ៣០ក្រាមរៀងរាល់ ១០ ថ្ងៃបន្ទាប់ពីប្រទេសបានចាប់ផ្ដើមអនុវត្តការស្នាក់នៅផ្ទះតាមតំបន់។

អ្នកស្រាវជ្រាវបាននិយាយថា ការឡើងទម្ងន់នេះបានកើតឡើងដោយមិនគិតពីទីតាំងភូមិសាស្ត្រឬបញ្ហាសុខភាពដទៃទៀត ដែលអ្នកចូលរួមមានទាំងជំងឺបេះដូងនិងជំងឺទឹកនោមផ្អែម។

ទោះយ៉ាងណានៅក្នុងការស្ទង់មតិរបស់ Gallup លើមនុស្សពេញវ័យជាង ១ពាន់នាក់ដែលត្រូវបានចេញផ្សាយនៅក្នុងខែមករា ប្រហែលភាគរយដូចគ្នានៃអ្នកឆ្លើយសំណួរបានរាយការណ៍ថា ពួកគេលើសទម្ងន់ពី ៤០% នៅក្នុងឆ្នាំ ២០២០ ក្នុងអំឡុងពេលរាតត្បាតឆ្នាំ ២០១៩ ។ ការស្ទង់មតិលើកទី ២ លើមនុស្សពេញវ័យ ៣ពាន់នាក់ដែលត្រូវបានចេញផ្សាយដោយសមាគមចិត្តសាស្ត្រអាមេរិកកាលពីដើមខែនេះ ៦០% នៃអ្នកឆ្លើយសំណួរបាននិយាយថា ពួកគេមានការផ្លាស់ប្ដូរទម្ងន់ក្នុងកំឡុងពេលកូវីដ។

អ្នកឆ្លើយសំណួរក៏បាននិយាយផងដែរថាស្ត្រេសទាក់ទងនឹងរោគរាតត្បាតកំពុងបង្កឲ្យពួកគេបរិភោគនិងផឹកកាន់តែច្រើន។

លោក Marcus ប្រធានរងផ្នែកជំងឺបេះដូងនៅសាកលវិទ្យាល័យកាលីហ្វ័រញ៉ា និយាយថា ” គោលបំណងនៃការស្នាក់នៅផ្ទះគឺដើម្បីកាត់បន្ថយគ្រោះថ្នាក់ ប៉ុន្តែទិន្នន័យបង្ហាញថា ធ្វើឲ្យមនុស្សបែរជាឡើងកាឡូរីកាន់តែច្រើន។ ដូច្នេះត្រូវចាំថា កំឡុងពេលស្នាក់ផ្ទះ អ្នកបានកំណត់ពេលវេលាឲ្យត្រឹមត្រូវដើម្បីហាត់ប្រាណនិងធ្វើឲ្យរាងកាយមានសកម្មភាព ហើយជៀសវាងអាហារសម្រន់តាមដែលអាចធ្វើទៅបាន” ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖អ្នកជាសះស្បើយពីកូវីដ អាចប្រឈមបញ្ហាតម្រងនោមធ្ងន់ធ្ងរ

ចុចអាន៖គួរដឹង! គ្រូពេទ្យជំនាញណែនាំឲ្យអ្នកចាក់វ៉ាក់សាំងរួច ប្រើថ្នាំស្របតាមវេជ្ជបញ្ជាត្រឹមត្រូវ