ព័ត៌មានអន្ដរជាតិ

ប្រធានាធិបតីអាមេរិក ៤រូបចុងក្រោយ Donald Trump ជាប្រធានាធិបតីម្នាក់គត់ កាន់អំណាចបានត្រឹម ៤ឆ្នាំ

បានផុស

៤ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

បើទោះជាការបោះឆ្នោតនៅអាមេរិក អាណត្តិនេះហាក់មានភាពតានតឹង និងអូសបន្លាយពេលជាច្រើនថ្ងៃក៏ពិតមែន ប៉ុន្តែលទ្ធផលនៃការបោះឆ្នោត គឺបង្ហាញថា បេក្ខភាពប្រធានាធិបតីមកពីបក្សប្រជាធិបតេយ្យ ជាអ្នកឈ្នះភ្លូកទឹកភ្លូកដីក្នុងបណ្តារដ្ឋភាគច្រើននៅអាមេរិក ខណៈប្រធានាធិបតីអាមេរិក Donald Trump នៅតែចាញ់ដោយមកអស់ចិត្ត។

ទោះជាលោក Donald Trump នៅតែមិនអស់ចិត្ត និងប្តឹងផ្តល់ទាមទាររាប់សន្លឹកឆ្នោតតាមបណ្តារដ្ឋសំខាន់ៗមួយចំនួនដូចជា Georgia, Pennsylvania, Wisconsin ក៏ដូចជារដ្ឋ Nevada ក្តី ប៉ុន្តែលទ្ធផលនៅពេលនេះ បញ្ជាក់ច្បាស់ថាលោក Donald Trump គឺជាអ្នកចាញ់ទាំងស្រុង ខណៈអនាគតប្រធានាធិបតីទី ៤៦របស់អាមេរិក គឺជាលោក Joe Biden។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយលទ្ធផលបោះឆ្នោតនេះដែរ ក្រៅពីចាញ់ស្ពឹកមុខជាមួយការគាំទ្ររបស់ពលរដ្ឋអាមេរិក លោក Trump ក៏បានជាប់ឈ្មោះថ្មីមួយទៀតក្នុងប្រវត្តិសាស្ត្រអាមេរិក ជិត៣ទស្សវត្សរ៍ឆ្នាំចុងក្រោយ ជាប្រធានាធិបតីកាន់អំណាចបានត្រឹម ៤ឆ្នាំ ប៉ុណ្ណោះ ខណៈប្រធានាធិបតីមុនៗ សុទ្ធតែជាប់ឆ្នោត ៨ឆ្នាំ។

ចាប់តាំងពីមានការបោះឆ្នោតប្រធានាធិបតីអាមេរិក ឆ្នាំ១៩៩២មក លោក Bill Clinton ជាប្រធានាធិបតីអាមេរិក មកពីបក្សប្រជាធិបតេយ្យ និងលេចធ្លោរខ្លាំង ដោយកាន់កាប់អំណាចបាន ៨ឆ្នាំ (១៩៩៣-២០០១) បន្ទាប់មកពីលោក George W Bush មកពីបក្សសាធារណរដ្ឋ កាន់អំណាច ៨ឆ្នាំ (២០០១-២០០៩) ខណៈក្រោយមកទៀត គឺលោក Barack Obama ប្រធានាធិបតីស្បែកខ្មៅដំបូងបង្អស់ក្នុងប្រវត្តិសាស្ត្រអាមេរិក កាន់អំណាច ៨ឆ្នាំ (២០០៩-២០១៧) ដែលក្រោមយមកពីលោក Donald Trump យកឈ្នះបេក្ខភាពមកពីបក្សប្រជាធិបតេយ្យ គឺលោក ស្រី Hillary Clinton ក្នុងការបោះឆ្នោតប្រធានាធិបតីលើកទី ៥៨ ធ្វើឡើងចុងឆ្នាំ ២០១៦ ប៉ុន្តែបែរជាគ្រប់គ្រងអំណាចត្រឹម ៤ឆ្នាំប៉ុណ្ណោះ៕

ដោយ៖ សុភា
ប្រភព៖ List of US Presidents