ព័ត៌មានអន្ដរជាតិ

Update: រថភ្លើងធ្លាក់ផ្លូវនៅ តៃវ៉ាន់ ព្រឹកនេះ អ្នកស្លាប់ឡើងដល់៣៦នាក់

បានផុស

៤ years មុន

នៅ

ថ្ងៃសុក្រ ២ មេសា ២០២១

ដោយ

យ៉ាងហោចណាស់មនុស្ស៣៦នាក់បានស្លាប់ និងរបួសជាច្រើននាក់ បន្ទាប់ពីរថភ្លើងដឹកមនុស្ស៣៥០នាក់បានធ្លាក់ផ្លូវនៅតៃវ៉ាន់នាព្រឹកថ្ងៃសុក្រ ទី២ ខែមេសា។ នេះបើតាមការបញ្ជាក់ពីក្រសួងដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងប្រតិបត្តិការសង្គ្រោះចុងក្រោយបំផុតបានធ្វើបច្ចុប្បន្នភាព ប៉ូលិសបាននិយាយថា អ្នកដំណើរ៣៦នាក់ដែលបានដឹកទៅមន្ទីរពេទ្យគ្មានសញ្ញាណាមួយបញ្ជាក់ពីជីវិតរស់នៅឡើយ។

ប៉ូលិសនិយាយក្នុងសេចក្តីថ្លែងការណ៍ថា មនុស្ស៧២នាក់នៅតែបន្តជាប់នៅខាងក្នុងទូរថភ្លើង និង៦១នាក់ត្រូវបានបញ្ជូនទៅកាន់មន្ទីរពេទ្យ។

រថភ្លើងដែលបានកំពុងដឹកអ្នកដំណើរប្រហែល៣៥០នាក់បានធ្លាក់ផ្លូវនៅភាគខាងកើតកោះតៃវ៉ាន់ប្រហែលជាម៉ោង៩:៣០នាទីព្រឹក។

តាមរបាយការណ៍ថា រថយន្តដឹកទំនិញមួយគ្រឿងបានធ្លាក់ពីច្រាំងចោទខាងលើ និងបានធ្លាក់ចូលទៅលើផ្លូវដែក ដែលរថភ្លើងមួយគ្រឿងចេញពីផ្លូវរូងក្រោមដីបុកតែម្តង។ ទូរថភ្លើងជាច្រើននៅតែបន្តជាប់ក្នុងផ្លូវរូងក្រោមដី អ្នកដំណើរបានព្យាយាមទម្លុះទ្វារ បង្អូច និងដំបូលរកផ្លូវចេញដើម្បីសុវត្ថិភាព។

រដ្ឋបាលរថភ្លើងតៃវ៉ាន់បានសេចក្តីថ្លែងការណ៍ដាច់ដោយឡែកមួយដោយនិយាយថា មនុស្សជាច្រើនគ្មានសញ្ញានៃជីវិតរស់ឡើយ៕