ជនជាតិថៃ ១០នាក់ រកឃើញឆ្លងកូវីដបំប្លែងខ្លួនអាហ្វ្រិកខាងត្បូង ពេលវិលចូលប្រទេសវិញ

មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បាននិយាយនៅថ្ងៃសុក្រនេះថា ជនជាតិថៃចំនួន១០នាក់ដែលធ្វើដំណើរចូលប្រទេសវិញ ត្រូវបានគេរកឃើញថា ឆ្លងជំងឺកូវីដ-១៩បំប្លែងខ្លួនអាហ្វ្រិកខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យ CCSA លោក Taweesin Visanuyothin បាននិយាយថា អ្នកជំងឺទាំងនេះ បានវិលត្រឡប់មកពីប្រទេសតង់សានី ម៉ូសំប៊ិកនិងអារ៉ាប់រួម ហើយភាគច្រើនជាបុរសដែលមានអាយុចន្លោះពី២៣ដល់៦៦ឆ្នាំ។

លោកក៏បាននិយាយផងដែរថា អ្នកជំងឺពាក់កណ្តាលគឺមិនបង្ហាញរោគសញ្ញាទេ ហើយពាក់កណ្តាលទៀតមានអាការក្អកស្លេស្ម គ្រុនក្តៅនិងឡើងកន្ទួល។

ទោះបីជាយ៉ាងណាក៏ដោយ អ្នកនាំពាក្យរូបនេះ មិនបានបញ្ជាក់ថាតើអ្នកជំងឺទាំងនេះ មកដល់ប្រទេសថៃពេលណានោះទេ៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ គ្រាប់បែកដៃនិងគ្រាប់កាំភ្លើងជាង៦,០០០គ្រាប់ ដឹកទៅ មីយ៉ាន់ម៉ា ត្រូវ ថៃ ស្ទាក់ចាប់បាន