ព័ត៌មានអន្ដរជាតិ

ហ្វីលីពីន រកឃើញអ្នកឆ្លងកូវីដខ្ពស់បំផុតមិនធ្លាប់មានជាង ១៥,០០០ ករណីក្នុងរយៈពេល ២៤ ម៉ោងចុងក្រោយ

បានផុស

៤ years មុន

នៅ

ថ្ងៃសៅរ៍ ៣ មេសា ២០២១

ដោយ

ប្រទេសហ្វីលីពីនបានរាយការណ៍កាលពីថ្ងៃសុក្រពីករណីឆ្លងថ្មីនៃជំងឺកូវីដ ១៩ ចំនួន ១៥,៣១០ ករណីដែលជាតួលេខមួយខ្ពស់បំផុតនៅក្នុងតំបន់ ចាប់តាំងពីមានរោគរាតត្បាតរាតត្បាត ហើយបានធ្វើឲ្យចំនួនករណីឆ្លងសរុបនៃប្រទេសនេះឡើងដល់ ៧៧១,៤៩៧ ករណី ។

ទន្ទឹមនោះប្រទេសនេះក៏បានប្រកាសពីអ្នកស្លាប់ថ្មីចំនួន ១៧ នាក់ផងដែរដែលនាំឲ្យមានអ្នកស្លាប់សរុបឡើងដល់ទៅ ១៣,៣២០ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបាននិយាយថា ករណីឆ្លងថ្មីដែលត្រូវបានរាយការណ៍កាលពីថ្ងៃសុក្រមានការកើនឡើងចំនួន ៣,៧០៩ ករណី ខណៈកំណត់ត្រាមុនគឺមានតែជាង ១០,០០០ ករណីថ្មីប៉ុណ្ណោះ ។

ប្រទេសហ្វីលីពីនគឺជាប្រទេសមួយក្នុងចំណោមប្រទេសចំនួន ៤ រួមជាមួយប្រទេសបង់ក្លាដែស កេនយ៉ា និងប៉ាគីស្ថាន បានបន្ថែមទៅក្នុងបញ្ជីក្រហមរបស់អង់គ្លេសកាលពីថ្ងៃសុក្រ ។ ប្រជាជនដែលមកពីប្រទេសក្នុងបញ្ជីនេះត្រូវហាមឃាត់មិនឲ្យចូលប្រទេសអង់គ្លេសលើកលែងតែពួកគេជាជនជាតិអង់គ្លេស ឬអៀរឡង់ ខណៈការហាមឃាត់នេះចូលជាធរមានចាប់ពីម៉ោង ៤ ព្រឹកថ្ងៃទី ៩ ខែមេសា ។

បន្ថែមពីនេះទីក្រុងម៉ានីល និងខេត្តដែលជាប់ទីក្រុងចំនួន ៤ ដែលប្រារព្ធពិធីបុណ្យ Good Friday ក្រោមការបិទទ្វារយ៉ាងតឹងរ៉ឹង ខណៈរដ្ឋាភិបាលហ្វីលីពីនកំពុងញាប់ដៃញាប់ជើងទប់ស្កាត់ការកើនឡើងនៃករណីឆ្លងជំងឺកូវីដ ១៩ ។

ស្របពេលជាមួយគ្នានេះអ្នករស់នៅក្នុងតំបន់រដ្ឋធានី និងខេត្ត Bulacan ខេត្ត Cavite ខេត្ត Laguna និង ខេត្ត Rizal ត្រូវស្ថិតនៅក្រោមបម្រាមគោចរចាប់ពីម៉ោង ៦ ល្ងាចដល់ម៉ោង ៥ ព្រឹក ៕