ព័ត៌មានអន្ដរជាតិ
ប្រេស៊ីល បង្ខំចិត្តជីកផ្នូរយកឆ្អឹងខ្មោចចំនួន១,០០០ចេញ ដើម្បីទុកកន្លែងដាក់អ្នកស្លាប់ដោយសារកូវីដ
ទីបញ្ចុះសពមួយនៅក្នុងប្រទេសប្រេស៊ីល ត្រូវបង្ខំចិត្តជីកយកឆ្អឹងខ្មោចចំនួន១,០០០ ដើម្បីទុកកន្លែងសម្រាប់ដាក់ជនរងគ្រោះដោយសារជំងឺកូវីដ-១៩ បន្ថែមទៀត។

ការជីកជាលក្ខណៈទ្រង់ទ្រាយធំដ៏គួរឲ្យរន្ធត់នេះ បានកើតឡើងស្របពេលប្រទេសអាមេរិកខាងត្បូងមួយនេះ កំពុងស្ថិតនៅលើផ្លូវឆ្ពោះទៅរកការក្លាយជាប្រទេសមានអ្នកស្លាប់ដោយសារជំងឺកូវីដ-១៩ ខ្ពស់បំផុតនៅលើពិភពលោក ខណៈបច្ចុប្បន្នមានអ្នកស្លាប់លើស៣២៨,០០០នាក់។

ក្រុមអ្នកជីកផ្នូរ ត្រូវបានគេឃើញចូលទៅក្នុងផ្នូរនៃទីបញ្ចុះសព Vila New Cachoeirinha នៃទីក្រុង Sao Paulo។

នៅក្នុងឈុតការពារពណ៌ស ពួកគេបានធ្វើការយ៉ាងមមាញឹក ដើម្បីបើកផ្នូរខ្មោច ដែលគេកប់កាលពីប៉ុន្មានឆ្នាំមុន ហើយនាំយកឆ្អឹងខ្មោចទៅដាក់នៅកន្លែងផ្សេង។

អ្វីដែលកាន់តែរន្ធត់ទៀតនោះគឺថា នៅ Vila Formosa ដែលជាទីបញ្ចុះសពធំបំផុតរបស់ប្រេស៊ីលក្នុងទីក្រុង Sao Paulo, កម្មករដែលពាក់ម៉ាសនិងឈុតការពារបិទជិត បានជីកផ្នូរនៅពេលយប់ក្រោមពន្លឺព្រះចន្ទពេញវង់ ក្នុងសប្តាហ៍នេះ។

កាលពីថ្ងៃព្រហស្បតិ៍ ទីក្រុងធំបំផុតរបស់ប្រេស៊ីលមួយនេះ បានបង្កើនកិច្ចខិតខំប្រឹងប្រែង ដើម្បីយកឆ្អឹងខ្មោចចេញពីផ្នូរចាស់ៗ ទុកកន្លែងទំនេរសម្រាប់អ្នកស្លាប់ដោយសារជំងឺកូវីដ-១៩ដែលកំពុងកើនឡើងយ៉ាងគំហុក។

គួរបញ្ជាក់ថា គិតត្រឹមថ្ងៃសៅរ៍ទី០៣ខែមេសានេះ ប្រទេសប្រេស៊ីល បានកត់ត្រាករណីឆ្លងជំងឺកូវីដ-១៩ចំនួន ១២,៩១២,៣៧៩ករណីនិងស្លាប់ ៣២៨,៣៦៦នាក់។

ប្រេស៊ីល ឈរនៅលំដាប់ទី២លើពិភពលោកជាប្រទេសមានអ្នកស្លាប់ដោយសារកូវីដ ច្រើនបំផុតបន្ទាប់ពី សហរដ្ឋអាមេរិក ដែលមាន ៥៦៧,៦១០៕
ប្រែសម្រួលដោយ៖ Vann Vann
ប្រភព៖ The Sun
ចុចអាន៖ ប្រេស៊ីល ជាប្រទេសទី២ មានមនុស្សស្លាប់ដោយសារកូវីដលើស ៣០ម៉ឺននាក់

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ