ព័ត៌មានអន្ដរជាតិ

កូឡុំប៊ីអនុញ្ញាតឲ្យឯកជននាំចូលវ៉ាក់សាំងកូវីដ-១៩ បាន តែចាក់ឥតគិតថ្លៃ

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

ប្រទេសកូឡុំប៊ីបានអនុញ្ញាតឲ្យឯកជននាំចូលវ៉ាក់សាំងការពារកូវីដ-១៩បាន ប៉ុន្តែត្រូវចាក់ដល់មនុស្សដោយឥតគិតថ្លៃ។ នេះតាមការឲ្យដឹងពីរដ្ឋមន្ត្រីក្រសួងសុខាភិបាលនៅថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសមួយនេះគ្រោងចាក់វ៉ាក់សាំងឲ្យបានប្រមាណ៧០%នៃប្រជាពលរដ្ឋរបស់ខ្លួន៣៥លាននាក់នៅឆ្នាំនេះដែលស្ថិតក្រោមកម្មវិធីជាតិដោយឥតគិតថ្លៃ និងចាក់បានប្រហែល២.៤លាននាក់ហើយចាប់តាំងពីខែកុម្ភៈមក។

រដ្ឋមន្ត្រីក្រសួងសុខាភិបាលបាននិយាយក្នុងសេចក្តីព្រាងក្រឹត្យមួយថា ឯកជនដែលចង់បានវ៉ាក់សាំងប្រើប្រាស់ដោយខ្លួនឯងត្រូវគោរពតាមស្តង់ដាររដ្ឋាភិបាល និងមិនអាចប្រើសម្ភារៈទីកន្លែងរបស់កម្មវិធីជាតិបានឡើយ។

សេចក្តីព្រាងក្រឹត្យថា ៖«ដំណើរការចាក់វ៉ាក់សាំងរបស់ឯកជនត្រូវចាក់ដោយឥតគិតថ្លៃដល់អ្នកដែលទទួលចាក់»។

ក្រៅពីប្រទេសកូឡុំប៊ី ក៏មានប្រទេសប៉ាគីស្ថាន និងឥណ្ឌាបានកំពុងអនុញ្ញាតឲ្យក្រុមហ៊ុនឯកជនទិញវ៉ាក់សាំងកូវីដ-១៩ដែរ។

រដ្ឋាភិបាលបានចេញសេចក្តីព្រមានជុំវិញការកើនឡើងករណីឆ្លង បន្ទាប់ពីថ្ងៃពិធីបុណ្យស៊ុតអេស្ទើរ និងបានដាក់ការរឹតត្បិតជាមូលដ្ឋានដោយផ្អែកលើអត្រាគ្រប់គ្រងនៅក្នុងអង្គភាពថែទាំខ្លាំង។

រហូតដល់ពេលនេះ ប្រទេសកូឡុំប៊ីមានអ្នកស្លាប់ដោយកូវីដ-១៩ចំនួន៦៤០០០នាក់៕

ប្រែសម្រួល៖ វីរបុត្រ
ប្រភព៖ Reuters