អ្នកទោសជិត២,០០០នាក់ រត់ចេញពីពន្ធនាគារក្នុងការវាយប្រហារទ្រង់ទ្រាយធំនៅ នីហ្សេរីយ៉ា

អ្នកទោសជាង១,៨០០នាក់ បានរត់ចេញពីពន្ធនាគារមួយនៅក្នុងប្រទេសនីហ្សេរីយ៉ា បន្ទាប់ពីវាត្រូវបានវាយប្រហារដោយខ្មាន់កាំភ្លើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកវាយប្រហារត្រូវបានគេរាយការណ៍ថា បានចូលបរិវេណពន្ធនាគារនៅភាគខាងត្បូងឆៀងខាងកើតនៃទីក្រុង Owerri ដោយប្រើគ្រឿងផ្ទុះ។

អ្នកទោស៦នាក់ បានវិលត្រឡប់មកវិញខណៈ ៣៥នាក់បានបដិសេធរត់គេចខ្លួន។

ប៉ូលិសបានចោទប្រកាន់ក្រុមបំបែកខ្លួន “ជនជាតិដើមភាគតិច Biafra” ចំពោះការធ្វើសកម្មភាពវាយប្រហារនេះ។

សេវាកម្មកែប្រែនីហ្សេរីយ៉ា បានបញ្ជាក់ថា អ្នកទោសចំនួន១,៨៤៤នាក់ បានរត់ចេញពីពន្ធនាគារនៅរដ្ឋ Imo។

បុរសប្រដាប់អាវុធធុនធ្ងន់បានជិះឡានភីកអាប់និងឡានក្រុងទៅវាយលុក ពន្ធនាគារ Owerri Custodial Centre នៅព្រឹកព្រលឹមថ្ងៃចន្ទ។

អ្នកនាំពាក្យប៉ូលិសបាននិយាយថា ក្រុមអ្នកវាយប្រហារបានប្រើគ្រាប់បែក កាំភ្លើងយន្ត គ្រឿងផ្ទុះនិងកាំភ្លើងក្នុងហេតុការណ៍នេះ។

លោកប្រធានាធិបតី Muhammadu Buhari បានហៅការវាយប្រហារនេះថាជា “អំពើភេរវកម្ម” ដែលធ្វើឡើងដោយក្រុម “អនាធិបតេយ្យនិយម”។ លោកបានអំពាវនាវឲ្យកងកម្លាំងសន្តិសុខចាប់អ្នកវាយប្រហារនិងអ្នកទោសដែលរត់គេចខ្លួន៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ រកឃើញក្រុមនៅពីក្រោយការចាប់ជម្រិតក្មេងសិស្សសាលានីហ្សេរីយ៉ាជាង៣០០នាក់