ព័ត៌មានអន្ដរជាតិ

លោកពូទីនចុះហត្ថលេខាលើច្បាប់មួយអនុញ្ញាតឲ្យលោកដឹកនាំដល់ឆ្នាំ២០៣៦

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

លោកប្រធានាធិបតីរុស្ស៊ី វ៉្លាឌីមៀរ ពូទីន បានចុះហត្ថលេខាលើច្បាប់មួយដែលអាចឲ្យលោកកាន់តំណែងនៅវិមានក្រឹមឡាំងរហូតដល់ឆ្នាំ២០៣៦។ នេះបើតាមរដ្ឋាភិបាលបាននិយាយនៅថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្បាប់ថ្មីនេះនឹងអនុញ្ញាតឲ្យលោកបន្តកាន់តំណែងប្រធានាធិបតីពីរអាណត្តិទៀតដែលក្នុងមួយអាណត្តិមានរយៈពេល៦ឆ្នាំ ខណៈអាណត្តិបច្ចុប្បន្នត្រូវចប់នៅចុងឆ្នាំ២០២៤។ ច្បាប់នេះធ្វើតាមការផ្លាស់ប្តូររដ្ឋធម្មនុញ្ញកាលពីឆ្នាំមុន។

ការផ្លាស់ប្តូរទាំងនោះត្រូវបានគាំទ្រតាមរយៈការបោះឆ្នោតសាធារណៈមួយកាលពីរដូវក្តៅឆ្នាំមុន និងអាចអនុញ្ញាតឲ្យលោក ពូទីន អាយុ៦៨ឆ្នាំកាន់អំណាចរហូតដល់អាយុ៨៣ឆ្នាំ។

បច្ចុប្បន្ន លោកកំពុងកាន់តំណែងប្រធានាធិបតីពីរអាណត្តិជាប់គ្នា និងជាអាណត្តិទី៤របស់លោក។ ប្រសិនបើលោកអាចកាន់តំណែងបាន២អាណត្តិតាមច្បាប់ថ្មីទៀតនោះមានន័យថា លោកនឹងកាន់តំណែងប្រធានាធិបតីរុស្ស៊ី៦អាណត្តិ។

កំណែទម្រង់ដែលអ្នករិះគន់ថាជារដ្ឋប្រហាររដ្ឋធម្មនុញ្ញត្រូវបានវិចខ្ចប់ជាមួយនឹងវិសោធនកម្មផ្សេងៗដែលត្រូវបានគេរំពឹងថានឹងប្រមូលផ្តុំការគាំទ្រកាន់តែមានប្រជាប្រិយភាពដូចជាជំរុញការការពារប្រាក់សោធនជាដើម។

ច្បាប់ដែលត្រូវបានចុះហត្ថលេខាដោយលោក ពូទីន បានកំណត់អាណត្តិប្រធានាធិបតីនាពេលអនាគតត្រឹមតែពីរអាណត្តិប៉ុណ្ណោះ ប៉ុន្តែបានកំណត់ចំនួនអាណត្តិរបស់លោកឡើងវិញ។

ច្បាប់នេះក៏មិនអនុញ្ញាតឲ្យប្រជាពលរដ្ឋម្នាក់ដែលមានសញ្ជាតិបរទេសកាន់តំណែងប្រធានាធិបតីបានឡើយ៕

អានបន្ថែមព័ត៌មានអន្តរជាតិជាច្រើន សូមចុច៖ ទីនេះព័ត៌មានអន្តរជាតិសំបូរបែប

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសរុស្ស៊ី