ថៃ​ រកឃើញអ្នកឆ្លងកូវីដ ២៥០ករណី សឹងតែទាំងអស់ជាការឆ្លងក្នុងសហគមន៍

នៅថ្ងៃអង្គារនេះ រដ្ឋាភិបាលថៃ បានកត់ត្រាករណីជំងឺកូវីដ-១៩ថ្មី ចំនួន២៥០ករណី ដែលក្នុងនោះមាន២៤៥ករណីគឺជាការឆ្លងក្នុងសហគមន៍ និង៥ករណីជាការនាំចូល។ 

តួលេខនេះ បាននាំឲ្យករណីសរុបរបស់ប្រទេសថៃ កើនដល់ ២៩,៥៧១ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ គ្មានអ្នកស្លាប់ថ្មីទេ ដែលធ្វើឲ្យចំនួនអ្នកស្លាប់រក្សានៅ ៩៥នាក់។

នាយកដ្ឋានប្រយុទ្ធប្រឆាំងនឹងជំងឺឆ្លងបាននិយាយថា​ ករណីថ្មីចំនួន ១៥៥ករណីត្រូវបានរកឃើញតាមរយៈការធ្វើតេស្តសកម្មដោយក្នុងនោះមាន ១១៩ករណីនៅទីក្រុងបាងកក, ៣០ករណីនៅ Narathiwat, ៣ករណីនៅ Chon Buri, ២ករណីនៅ Sa Kaeo និង១ករណីនៅ Samut Prakan។

៩០ករណីទៀត ត្រូវបានរាយការណ៍ដោយមន្ទីរពេទ្យ។ ក្នុងនោះមាន៣៧ករណីនៅបាងកក, ១៩ករណីនៅ Samut Prakan, ១៥ករណីនៅ Chon Buri, ៧ករណីនៅ Samut Sakhon, ២ករណីនៅ Chiang Mai និង Pathum Thani និង១ករណីនៅ Tak, Ayutthaya, Nonthaburi, Lop Buri, Kanchanaburi, Nakhon Pathom, Chaiyaphum និង Prachin Buri។

ចំណែកករណីនាំចូលទាំង៥គឺមកពីសាធារណរដ្ឋឆែក, ម៉ាដាហ្គាស្កា, ប៉ាគីស្ថាន, អារ៉ាប់រួមនិងទួរគី៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ធ្ងន់ធ្ងរហើយ! ថៃ ផ្ទុះឆ្លងកូវីដជាចង្កោមក្នុងកន្លែងកម្សាន្ត និងពន្ធនាគារ មុនបុណ្យចូលឆ្នាំថ្មី