មូលហេតុចម្បងៗដែលអ្នកវិទ្យាសាស្ត្របន្តអភិវឌ្ឍវ៉ាក់សាំងកូវីដ ទោះបច្ចុប្បន្នបង្ហាញប្រសិទ្ធភាពខ្ពស់

ខណៈប្រសិទ្ធភាពនៃវ៉ាក់សាំងការពារកូវីដ-១៩ បានផ្ដល់ក្ដីសង្ឃឹមដល់មនុស្សជុំវិញពិភពលោក និងកំពុងចរាចររាប់លានដូស អ្នកវិទ្យាសាស្រ្តនៅតែមមាញឹកអភិវឌ្ឍថ្នាំបង្ការនេះនៅឡើយ។

ទោះបីបច្ចុប្បន្នវ៉ាក់សាំងកូវីដ-១៩បានបង្ហាញអត្ថប្រយោជន៍សំខាន់ៗរួចហើយក៏ដោយ ក៏អ្នកជំនាញខាងឱសថរនៅតែបន្តស្រាវជ្រាវបន្ថែមមិនឈប់ ស្របពេលដែលវាបានជោគជ័យទៅហើយ។ ហេតុអ្វី? ខាងក្រោមជាមូលហេតុ៖

-តាមដានប្រសិទ្ធភាពនៃវ៉ាក់សាំងដែលមានស្រាប់ អាចប្រឆាំងនឹងវីរុសបំប្លែងខ្លួនកម្រិតណា

-ការអភិវឌ្ឍវ៉ាក់សាំងដើម្បីពង្រឹងភាពស៊ាំប្រឆាំងនឹងមេរោគបំប្លែងខ្លួនថ្មីៗ

-បន្ថែមប្រសិទ្ធភាពនៃវ៉ាក់សាំងក្នុងការការពារការចម្លងវីរុសរួមទាំងប្រសិទ្ធភាពក្នុងចំណោមមនុស្សដែលកំពុងមានរោគសញ្ញាកូវីដ

-តាមដានប្រសិទ្ធភាពនៃវ៉ាក់សាំងនៅពេលចាក់មិនគ្រប់ចំនួនដូស ឬចាក់មិនត្រូវតាមការកំណត់

-អភិវឌ្ឍថ្នាំដែលមានសុវត្ថិភាពនិងប្រសិទ្ធភាពចំពោះកុមារនិងមនុស្សវ័យជំទង់ (មិនទាន់មានវ៉ាក់សាំងសម្រាប់ក្មេងតូចៗ)

លើសពីនេះ FDA និង CDC កំពុងបន្តកម្មវិធីជាច្រើនដែលតាមដានការឆ្លើយតបរបស់វ៉ាក់សាំងដើម្បីប្រមូលរបាយការណ៍អំពីផលប៉ះពាល់អវិជ្ជមាននៃថ្នាំ និងធ្វើការជាមួយអ្នកផ្តល់សេវាថែទាំសុខភាពដើម្បីធានាថាកម្មវិធីចាក់វ៉ាក់សាំងមានសុវត្ថិភាព១០០%សម្រាប់គ្រប់គ្នា៕

ប្រែសម្រួល៖ សន្យា

ចុចអាន៖ វេជ្ជបណ្ឌិត៖ គេងមិនគ្រប់ក្រោយចាក់វ៉ាក់សាំង ​អាចបន្ថយប្រសិទ្ធភាពរបស់ថ្នាំ

ចុចអាន៖ គន្លឹះគួរយល់ដឹងនៅពេលអ្នកចាក់វ៉ាក់សាំងគ្រប់ដូស (CDC)