កូវីដនៅ ប្រេស៊ីល ឆ្លងលើស ១៣ លានករណី ក្រោយរកឃើញថ្មីជិត ៣ ម៉ឺននាក់រយៈពេល ២៤ ម៉ោងចុងក្រោយ

ក្រសួងសុខាភិបាលបាននិយាយកាលពីថ្ងៃចន្ទថា ប្រទេសប្រេស៊ីលបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ២៨,៦៤៥ នាក់ និងស្លាប់បន្ថែម ១,៣១៩ ក្នុងរយៈពេល ២៤ ម៉ោងចុងក្រោយនេះ ។

ប្រេស៊ីលគឺជាប្រទេសអាមេរិកខាងត្បូងដែលរងគ្រោះខ្លាំងនូវជំងឺកូវីដ ១៩ ហើយជាប្រទេសទទួលរងនូវការផ្ទុះឡើងដ៏អាក្រក់បំផុតលំដាប់ទី ២ លើពិភពលោកទាំងការស្លាប់ និងករណីឆ្លង បន្ទាប់ពីសហរដ្ឋអាមេរិក ។

កាលពីសប្តាហ៍មុនមូលនិធិ Oswaldo Cruz ដែលជាស្ថាប័នសុខាភិបាលវិទ្យាសាស្ត្រ និងបច្ចេកវិទ្យាលេចធ្លោជាងគេនៅតំបន់អាមេរិកឡាទីនដែលមានទំនាក់ទំនងនឹងក្រសួងសុខាភិបាលប្រេស៊ីលបានព្រមានថា មន្ទីរពេទ្យនៅតាមតំបន់ភាគច្រើននៃប្រទេសនេះស្ថិតក្នុងស្ថានភាពធ្ងន់ធ្ងរដោយសារការឆ្លងរាលដាលនៃជំងឺកូវីដ ១៩ ខណៈគ្រែក្នុងបន្ទប់សង្គ្រោះបន្ទាន់ (ICU) ផ្ទុកទៅដោយអ្នកជំងឺលើសពី ៩០ ភាគរយ ។

គួរបញ្ជាក់ថា គិតត្រឹមពេលនេះប្រទេសប្រេស៊ីលមានករណីឆ្លងជំងឺកូវីដ ១៩ កើនឡើងដល់ ១៣,០១៣,៦០១ ករណី និងមានអ្នកស្លាប់សរុបចំនួន ៣៣២,៧៥២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ប្រេស៊ីល រកឃើញអ្នកឆ្លងកូវីដជាង ៩ ម៉ឺនករណីក្នុងរយៈពេល ២៤ ម៉ោងចុងក្រោយ

ចុចអាន ៖ ប្រេស៊ីល រកឃើញអ្នកឆ្លងកូវីដថ្មីប្រចាំថ្ងៃមិនធ្លាប់មានជាង ១០ ម៉ឺនករណី