ព័ត៌មានអន្ដរជាតិ

សង្ឃថៃមួយអង្គជាប់ក្នុងរូងភ្នំលិចទឹកត្រូវបានយកចេញដោយសុវត្ថិភាពថ្ងៃនេះ

បានផុស

៤ years មុន

នៅ

ថ្ងៃពុធ ៧ មេសា ២០២១

ដោយ

អ្នកសង្គ្រោះបានយកព្រះសង្ឃមួយអង្គចេញពីរូងភ្នំដែលលិចទឹកដោយសុវត្ថិភាពនៅ Phitsanulok នាថ្ងៃពុធនេះ ប៉ុន្មានថ្ងៃបន្ទាប់ពីព្រះអង្គបានជាប់នៅក្នុងរូបភ្នំដោយសារទឹកឡើងខ្ពស់ ក្រោយពេលព្រះអង្គចូលធ្វើសមាធិ។

ព្រះសង្ឃនាម Phra Ajarn Manas ព្រះជន្ម៤៦វស្សាបាននិមន្តចេញពីខេត្តមួយទៅខេត្តមួយ។ បន្ទាប់មកព្រះអង្គចូលក្នុងរូងភ្នំ Phra Sai Ngam នៅស្រុក Noen Maprang ដើម្បីធ្វើសមាធិកាលពីថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអាទិត្យភ្លៀងមួយមេខ្លាំង និងបានបន្តរហូតដល់ថ្ងៃអង្គារ ទឹកក៏បានហូរចូលទៅរូងភ្នំបានលិចផ្នែកខ្លះខាងក្នុងខណៈព្រះអង្គកំពុងគង់នៅខាងក្នុង។

ក្រុមអ្នកសង្គ្រោះមូលដ្ឋាន Prasat Bun Sathan បានប្រកាសតាមរយៈផេក Facebook ពីការយកព្រះអង្គចេញដោយសុវត្ថិភាព។

អ្នកស្រុកបានប្រាប់ក្រុមជួយសង្គ្រោះកាលពីថ្ងៃអង្គារ៍ថា ព្រះសង្ឃមួយអង្គបានជាប់នៅក្នុងរូងភ្នំ។ អ្នកសង្គ្រោះក៏បានចូលទៅរក ប៉ុន្តែគ្មានការទំនាក់ទំនងឡើយ បន្ទាប់ពីកម្រិតទឹកបានកំពុងឡើងក្នុងរយៈពេលលប្រហែលមួយម៉ោង។

នៅថ្ងៃពុធនេះ រូបភាពតាម Facebook បានបង្ហាញពីព្រះសង្ឃដែលកំពុងគង់នៅខាងក្នុងរូងភ្នំដែលមានអ្នកជួយសង្គ្រោះនៅជុំវិញព្រះអង្គ ហើយព្រះអង្គក៏មានសម្ពាធឈាមថែមទៀត។

ការប្រកាសបានឲ្យដឹងថា វេលាម៉ោង១១:៣០នាទីព្រឹក ព្រះអង្គត្រូវបានជួយសង្គ្រោះចេញពីរូងភ្នំដោយជោគជ័យ។ ព្រះអង្គកំពុងត្រូវបានជំនួញសង្គ្រោះជាបឋម។ អ្នកមុជទឹក៧នាក់បានចូលរួមក្នុងប្រតិបត្តិការសង្គ្រោះ និងយកព្រះចេញនេះ។

គេនៅចាំបានថា កាលពីឆ្នាំ២០១៨ ពិភពលោកបានចាប់អារម្មណ៍យ៉ាងខ្លាំងទៅលើប្រទេសថៃនៅពេលសមាជិកយុវជនក្រុមបាល់ទាត់១២នាក់ និងគ្រូបង្វឹកម្នាក់បានជាប់ក្នុងរូងភ្នំ Tham Luang ក្នុងស្រុក Mae Sai របស់ខេត្តឈៀងរ៉ៃ៕

ប្រែសម្រួល៖ វីរបុត្រ
ប្រភព៖ Bangkokpost

Related Topics:ប្រទេសថៃ