ព័ត៌មានអន្ដរជាតិ
គណបក្សរបស់លោកស្រី ស៊ូជី អះអាងជ័យជម្នះក្នុងការបោះឆ្នោត មីយ៉ាន់ម៉ា
គណបក្សកាន់អំណាចរបស់ប្រទេសមីយ៉ាន់ម៉ាបាននិយាយនៅថ្ងៃចន្ទនេះថា ខ្លួនបានឈ្នះអាសនៈគ្រប់គ្រាន់នៅក្នុងសភាដើម្បីបង្កើតរដ្ឋាភិបាលថ្មី។
អ្នកនាំពាក្យគណបក្សលោក Myo Nyunt បានប្រាប់ Reuters ថា របាយការណ៍ផ្ទៃក្នុងបង្ហាញថា គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ដែលដឹកនាំដោយលោកស្រី អ៊ុង សានស៊ូជី បានឈ្នះអាសនៈចំនួន៣២២នៅក្នុងសភាដែលត្រូវការបើទោះបីជាពុំមានលទ្ធផលផ្លូវការណាមួយត្រូវបានប្រកាសដោយគណៈកម្មការរៀបចំការបោះឆ្នោតក៏ដោយ។
លោកនិយាយថា “យើងសូមអរគុណប្រជាជន។ សម្រាប់ប្រជាជន សម្រាប់គណបក្ស នេះគឺជាលទ្ធផលនៃការបោះឆ្នោតដ៏គួរឲ្យចាប់អារម្មណ៍”។
គណៈកម្មការរៀបចំការបោះឆ្នោតរំពឹងថានឹងប្រកាសលទ្ធផលជាផ្លូវការនៅយប់ថ្ងៃចន្ទនេះ។
ការបោះឆ្នោតកាលពីថ្ងៃអាទិត្យត្រូវបានគេមើលឃើញថាជាការធ្វើប្រជាមតិមួយលើរដ្ឋាភិបាលប្រជាធិបតេយ្យដែលដឹកនាំដោយលោកស្រីស៊ូជីនិងគណបក្ស NLD ដែលនៅតែមានប្រជាប្រិយភាពក្នុងប្រទេសប៉ុន្តែកេរ្តិ៍ឈ្មោះរបស់ខ្លួនបានធ្លាក់ចុះជ្រៅនៅក្រៅប្រទេសចំពេលមានការចោទប្រកាន់ពីអំពើប្រល័យពូជសាសន៍ប្រឆាំងនឹងជនជាតិភាគតិចមូស្លីមរ៉ូហ៊ីងយ៉ា។
អាសនៈដែលត្រូវប្រជែងគ្នាដណ្តើមក្នុងការបោះឆ្នោតនេះគឺមាន៣១៥អាសនៈនៅក្នុងសភាជាន់ទាបដែលមានសមាជិក៤២៥នាក់និង១៦១អាសនៈនៅក្នុងសភាជាន់ខ្ពស់ដែលមាន២១៧អាសនៈ។
គណបក្ស NLD បានឡើងកាន់អំណាចបន្ទាប់ពីឈ្នះឆ្នោតភ្លូកទឹកភ្លូកដីក្នុងឆ្នាំ២០១៥ដែលកាលនោះ ខ្លួនទទួលបានអាសនៈសរុបចំនួន៣៩០អាសនៈ។
ស្របពេលជាមួយគ្នានោះ អ្នកនាំពាក្យរបស់គណបក្សធំទី២គឺគណបក្សសាមគ្គីភាពនិងអភិវឌ្ឍន៍សហភាពដែលគាំទ្រដោយយោធាមិនអាចទាក់ទងសុំការអត្ថាធិប្បាយបានភ្លាមៗទេ៕
ប្រែសម្រួលដោយ៖ Vann Vann
ប្រភព៖ Reuters
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»