ឆ្លងច្រើនពេក! មន្ទីរពេទ្យក្នុងទីក្រុង​ បាងកក ផ្អាកការធ្វើតេស្តសិន ព្រោះទប់មិនឈ្នះ

យ៉ាងហោចណាស់មានមន្ទីរពេទ្យចំនួន១២នៅក្នុងទីក្រុងបាងកក ប្រទេសថៃបាននិយាយនៅថ្ងៃសុក្រទី០៩ខែមេសានេះថា ពួកគេបានផ្អាកការធ្វើតេស្តរកជំងឺកូវីដ-១៩សិន ដោយសារតម្រូវការខ្ពស់និងកង្វះការផ្គត់ផ្គង់ ចំពេលករណីឆ្លងថ្មីហក់ឡើងកាន់តែខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យខ្លះ បានចេញសេចក្តីជូនដំណឹងនៅលើបណ្តាញសង្គមរបស់ពួកគេ និងលើកម្មវិធីផ្ញើសារក្នុងសប្តាហ៍នេះ ដោយខ្លះនិយាយថា ការពន្យារពេលនេះនឹងអូសបន្លាយត្រឹមតែពីរបីថ្ងៃប៉ុណ្ណោះ ខណៈមន្ទីរពេទ្យខ្លះទៀតមិនបានផ្តល់កាលបរិច្ឆេទសម្រាប់ការចាប់ផ្តើម ធ្វើតេស្តឡើងវិញនោះទេ។

ទីក្រុងបាងកក គឺជាចំណុចកណ្តាលនៃការផ្ទុះឡើងថ្មីក្នុងប្រទេសថៃ ដោយថ្ងៃនេះករណីសរុបទូទាំងប្រទេសបានហក់ឡើងដល់៥៥៩ករណីឯណោះ។ នេះជាហេតុជំរុញឲ្យរដ្ឋាភិបាល ព្យាយាមបង្កើនការធ្វើតេស្តនិង តាមដានរកករណីថ្មីៗ។

រដ្ឋាភិបាល បានរៀបចំការធ្វើតេស្តទ្រង់ទ្រាយធំដោយខ្លួនឯងផ្ទាល់ នៅតាមបណ្តាខណ្ឌនិងសង្កាត់នានាក្នុងទីក្រុងបាងកក។

គួរបញ្ជាក់ថា គិតត្រឹមថ្ងៃសុក្រទី ០៩ខែមេសានេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់៣០,៨៦៩ករណី។ មនុស្សចំនួន ២៨,១២៨នាក់បានជាសះស្បើយ ហើយអ្នកស្លាប់កើនដល់៩៦នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ថៃ បន្តរកឃើញអ្នកឆ្លងកូវីដថ្មី រហូតដល់ទៅ ៥៥៩ករណី និងស្លាប់ម្នាក់