ព័ត៌មានអន្ដរជាតិ
ករណីកូវីដនៅសហរដ្ឋអាមេរិកកើនលើស១០លាននាក់ខណៈឆ្លងខ្លាំងអំឡុងពេលបោះឆ្នោត
ចំនួនមនុស្សដែលឆ្លងវីរុសកូរ៉ូណានៅសហរដ្ឋអាមេរិកបានកើនលើស១០លាននាក់ហើយគិតត្រឹមថ្ងៃអង្គារនេះ។ នេះបើយោងតាមការបូកសរុបដោយសាកលវិទ្យាល័យ Johns Hopkins។
សាកលវិទ្យាល័យដែលមានមូលដ្ឋាននៅរដ្ឋ Maryland មួយនេះបានកត់ត្រាករណីឆ្លងចំនួន១០,០១៨,២៧៨ករណីនិងការស្លាប់២៣៧,៧៤២នាក់ខណៈមនុស្សចំនួន៣,៨៨១,៤៩១នាក់បានជាសះស្បើយ។
Texas គឺជារដ្ឋដែលមានការឆ្លងច្រើនបំផុតចំនួន៩៩២,៧៤១ករណីបន្ទាប់មកគឺ California មាន៩៧៦,៥៧៦ករណីនិង Florida មាន៨៤៣,៨៩៧។
ករណីឆ្លងកូវីដដំបូងបំផុតនៅសហរដ្ឋអាមេរិកត្រូវបានគេរាយការណ៍នៅថ្ងៃទី២០ខែមករាក្នុងរដ្ឋ Washington។
ប្រទេសនេះមានករណីឆ្លងប្រចាំថ្ងៃជាង១០ម៉ឺនករណីក្នុងរយៈពេល៤ថ្ងៃចុងក្រោយខណៈករណីថ្មីចំនួន១០៥,៩២៧ករណីត្រូវបានរាយការណ៍កាលពីថ្ងៃអាទិត្យ។ ករណីថ្មីបានកើនឡើងយ៉ាងគំហុកដោយសារតែការជួបជុំធ្វើយុទ្ធនាការឃោសនាបោះឆ្នោត អំឡុងការបោះឆ្នោតនិងការធ្វើបាតុកម្មក្រោយការបោះឆ្នោត។
តួលេខចុងក្រោយនេះបានកើតឡើងនៅពេលដែលប្រធានាធិបតីជាប់ឆ្នោតលោក Joe Biden ប្រកាសថ្នាក់ដឹកនាំនៃក្រុមការងារប្រយុទ្ធប្រឆាំងនឹងវីរុសកូរ៉ូណារបស់គាត់កាលពីថ្ងៃអាទិត្យ។
ក្រុមការងារមានសមាជិកចំនួន១២នាក់របស់លោក Biden នឹងត្រូវដឹកនាំដោយលោកវេជ្ជបណ្ឌិត Vivek Murthy ដែលត្រូវបានបណ្តេញចេញបន្ទាប់ពីលោកប្រធានាធិបតី Donald Trump ចូលកាន់តំណែងនិងអតីតស្នងការរដ្ឋបាលចំណីអាហារនិងឱសថលោក David Kessler។
ដោយមានដើមកំណើតនៅទីក្រុង Wuhan ប្រទេសចិនកាលពីខែធ្នូ ជំងឺរាតត្បាតកូវីដ១៩បានសម្លាប់មនុស្សជាង១.២លាននាក់នៅក្នុងប្រទេសនិងតំបន់ចំនួន១៩០។
ការឆ្លងជាង៥០លានករណីត្រូវបានគេរាយការណ៍ទូទាំងពិភពលោកខណៈអ្នកជំងឺជាង៣៣លាននាក់បានជាសះស្បើយ៕
ប្រែសម្រួលដោយ៖ Vann Vann
ប្រភព៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ