ស្ងាត់ៗ! កូរ៉េខាងត្បូង បង្ហាញគំរូយន្តហោះចម្បាំងថ្មី ហើយគ្រោងបញ្ចប់ការអភិវឌ្ឍនៅឆ្នាំ ២០២៦

ប្រទេសកូរ៉េខាងត្បូងបានបង្ហាញគំរូយន្តហោះចម្បាំងដ៏អស្ចារ្យមួយ ហើយមានគោលបំណងបញ្ចប់ការអភិវឌ្ឍន៍នៅឆ្នាំ ២០២៦ ដើម្បីបង្កើនសមត្ថភាពការពារជាតិរបស់ខ្លួន ។

យន្តហោះ KF-21 ត្រូវបានបង្ហាញនៅក្នុងពិធីមួយនៅភាគខាងត្បូងទីក្រុង Sacheon កាលពីថ្ងៃសុក្រ ដោយមានការចូលរួមពីលោកប្រធានាធិបតី Moon Jae-in ។

យន្តហោះនេះត្រូវបានគេនិយាយថាធ្វើដំណើរលឿនជាងល្បឿនសម្លេងដល់ទៅ ១.៨ ដង និងបំពាក់ប្រព័ន្ធរ៉ាដាទំនើបៗ ។

យន្តហោះនេះកំពុងត្រូវបានអភិវឌ្ឍជាមួយប្រទេសឥណ្ឌូនេស៊ី ដោយចំណាយថវិកាប្រមាណ ៨.៨ ពាន់ពាន់លានវ៉ុន ឬ ៧.៩ ពាន់លានដុល្លារ ហើយយន្តហោះនេះប្រើប្រាស់បច្ចេកវិទ្យាកូរ៉េខាងត្បូងជាចម្បង ។

ទន្ទឹមនោះលោក Moon បានពិពណ៌នាថា វាជាយន្តហោះចម្បាំងល្បឿនលឿនជាងសម្លេងដែលបង្ហាញពីយុគសម័យថ្មីសម្រាប់ប្រទេសកូរ៉េខាងត្បូង ។ លោកបាននិយាយថា វានឹងមិនត្រឹមតែជួយបង្កើនសមត្ថភាពការពារជាតិប៉ុណ្ណោះទេ ថែមទាំងឧស្សាហកម្មដែលពាក់ព័ន្ធផ្សេងទៀតផងដែរ ។

បន្ថែមពីនេះកូរ៉េខាងត្បូងគ្រោងពង្រាយយន្តហោះចម្បាំង ៤០ គ្រឿងនៅឆ្នាំ ២០២៨ និង ១២០ គ្រឿងនៅឆ្នាំ ២០៣២ ។ ប៉ុន្តែមានការព្រួយបារម្ភខ្លះអំពីគម្រោងនេះ ខណៈប្រទេសឥណ្ឌូនេស៊ីត្រូវបានគេរាយការណ៍ថាមិនទាន់បានបង់ភាគហ៊ុនទាំងស្រុងនៃការចំណាយលើការអភិវឌ្ឍនេះនៅឡើយទេ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសមួយក្នុងតំបន់អាស៊ីត្រៀមអនុម័តប្រើប្រាស់វ៉ាក់សាំងចាក់តែមួយដូស Johnson & Johnson

ចុចអាន ៖ ក្ដៅៗ! រដ្ឋអាជ្ញាកូរ៉េខាងត្បូងរឹបអូស និងដាក់ដេញថ្លៃផ្ទះរបស់អតីតប្រធានាធិបតីលោកស្រី Park Geun-hye