សុខភាព

ទទួលទានអាហារប៉ុន្មានមុខនេះអាចបង្កើនប្រព័ន្ធភាពស៊ាំក្នុងរាងកាយ ហើយជួយទប់ស្កាត់ហានិភ័យឆ្លងកូវីដក៏តិច

បានផុស

៤ years មុន

នៅ

ថ្ងៃអង្គារ ១៣ មេសា ២០២១

ដោយ

យោងទៅតាមអ្នកជំនាញខាងចំណីអាហារ ដែលបានចុះបញ្ជីឈ្មោះ Elisa Bremner បានបញ្ជាក់ថា មនុស្សគួរដាក់កំហិតលើអាហារកែច្នៃ ដោយការបរិភោគក្នុងកម្រិតមធ្យមនិងគួរងាកមកទទួលទានអាហារនិងបន្លែស្រស់ដែលអាចជួយគាំទ្រដល់មុខងារនៃប្រព័ន្ធភាពស៊ាំក្នុងរាងកាយបានល្អ។

វាចាំបាច់ណាស់ក្នុងការដឹងពីអ្វីដែលអ្នកអាចធ្វើបាននៅពេលនេះ ដើម្បីកាត់បន្ថយហានិភ័យនៃការឆ្លងកូវីដ១៩ នៅពេលដែលករណីនៅតែបន្តកើនឡើងជារៀងរាល់ថ្ងៃ។

១ ផ្សិត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សិតល្បីឈ្មោះយូរមកហើយ សម្រាប់គាំទ្រមុខងារភាពស៊ាំ ហើយថ្មីៗនេះអ្នកវិទ្យាសាស្ត្របាននិយាយថា ផ្សិតជាចំណីអាហារដែលជួយកាត់បន្ថយហានិភ័យនៃការឆ្លងកូវីដ។ ផ្សិតមិនត្រឹមតែផ្សារភ្ជាប់ទៅនឹងការបង្កើនកោសិកានៃប្រព័ន្ធភាពស៊ាំរបស់រាងកាយប៉ុណ្ណោះទេ ប៉ុន្តែវាក៏ជាប្រភពអាហារធម្មជាតិតែមួយគត់នៃ D។

២ ម្ទេសប្លោកក្រហម

ភាគច្រើននៅពេលមនុស្សគិតអំពីវីតាមីន C ច្រើនតែគិតថាជាក្រូចឆ្មារ ប៉ុន្តែមិនមែនទាំងអស់ទេ។ លោកវេជ្ជបណ្ឌិត Fauci បាននិយាយថា ម្ទេសប្លោកក្រហមត្រូវបានគេចាត់ទុកជាពពួកវីតាមីន C ផងដែរ។ ម្ទេសប្លោកជាអង់ទីអុកស៊ីដង់ដ៏ល្អមួយ ដែលមានន័យថាវាអាចជួយប្រឆាំងនឹងរ៉ាឌីកាល់សេរីនៅក្នុងខ្លួនដែលអាចបង្កជាជំងឺ ។

៣ ខ្ទឹមស

ខ្ទឹមសជាឱសថបុរាណមានប្រវត្តិសាស្ត្រដ៏យូរអង្វែង ហើយត្រូវបានអ្នកជំនាញជាច្រើនដកស្រង់សម្ដីក្នុងការសិក្សាជាច្រើនចំពោះលក្ខណៈសម្បត្តិជួយបង្កើនភាពស៊ាំដល់រាងកាយ។ យោងតាមលោក Alicia Galvin អ្នកជំនាញនៃមន្ទីរពិសោធន៍សាធារណបានបញ្ជាក់ថា ខ្ទឹមសមានសមាសធាតុមួយហៅថាអាលីស៊ីលីន ដែលមិនត្រឹមតែប្រឆាំងនឹងបាក់តេរីប៉ុណ្ណោះទេ ប៉ុន្តែវាក៏ប្រឆាំងនឹងការរលាកផងដែរ ។

៤ ខ្ញី

លក្ខណៈសម្បត្តិប្រឆាំងនឹងការរលាករបស់ខ្ញី អាចជួយបន្ថយរោគសញ្ញាផ្លូវដង្ហើមផ្នែកខាងលើដែលត្រូវបានផ្សារភ្ជាប់ជាមួយនឹងកូវីដ ជាពិសេសជួយប្រយុទ្ធប្រឆាំងនឹងការគំរាមកំហែងរបស់បាក់តេរី។ Bremner សង្កេតឃើញថា“ នៅពេលដែលអ្នកហូបខ្ញី អ្នកមានអារម្មណ៍ថាក្ដៅ ហើយនោះគឺថាវាកំពុងតែប្រយុទ្ធ” ។ ការស្រាវជ្រាវបានបង្ហាញថា ខ្ញីអាចជួយគ្រប់គ្រងជំងឺលើសឈាមដែលបង្កជាហានិភ័យយ៉ាងខ្លាំងដល់អ្នកដែលកើតជំងឺរាតត្បាតនេះ។

៥ ផ្កាខាត់ណាខៀវ

Bremner បានចង្អុលបង្ហាញថា ” ការរួមផ្សំនៃវីតាមីន A , C និង E ដែលវីតាមីនទាំងអស់ត្រូវបានគេដឹងថា ជួយបង្កើនមុខងារប្រព័ន្ធភាពស៊ាំ។ ជាពិសេសវីតាមីន A នៅក្នុងផ្កាខាត់ណាខៀវ អាចជួយកាត់បន្ថយហានិភ័យនៃការឆ្លងកូវីដ និងគាំទ្រដល់ជាលិកាខាងក្នុងដែលមានសុខភាពល្អរួមទាំងស្រទាប់ផ្លូវដង្ហើម។

៦ ទឹកដោះគោជូរ ឬយ៉ាអួរ

ទឹកដោះគោជូរឬយ៉ាអួរសំបូរទៅដោយប្រូតេអ៊ីននិងវីតាមីនរួមទាំងធាតុ trace ដែលទាំងអស់នេះចាំបាច់សម្រាប់រក្សាការឆ្លើយតបភាពស៊ាំល្អបំផុត។ សំខាន់ជាងនេះទៅទៀតទឹកដោះគោឬយ៉ាអួរគឺជាប្រភពដ៏អស្ចារ្យនៃសារធាតុ probiotics ដែលជួយទ្រទ្រង់អតិសុខុមប្រាណរបស់ពោះវៀន ក្នុងការគាំទ្រដល់មុខងារប្រព័ន្ធភាពស៊ាំ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖អ្នកចាក់វ៉ាក់សាំងរួចគួរទទួលទានអាហារមួយមុខនេះជាចាំបាច់ ដើម្បីបន្ថែមការបង្កើនភាពស៊ាំដល់រាងកាយ

ចុចអាន៖អាហារងាយស្រួលរកប៉ុន្មាននេះ ជាថ្នាំបំប៉នជួយឲ្យផ្លូវដង្ហើមមានសុខភាពល្អ

Related Topics:អាហារសុខភាព