សុខភាព

លោកជំទាវ ឱ វណ្ណឌីន បញ្ជាក់បន្ថែម ទាក់ទងនឹងការរៀបអាពាហ៍ពិពាហ៍

បានផុស

៥ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

ឆ្លើយតបទៅនឹងការចុះផ្សាយថា មានការហាមឃាត់ការរៀបអាពាហ៍ពិពាហ៍ ដោយសារការឆ្លងរីករាលដាលនៃកូវីដ-១៩ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាលតាមរយៈបណ្តាញសង្គម Telegram បានលើកឡើងថា “អ្នកសរសេរមិនអស់ នៅខ្វះការធ្វើគម្លាតសុវត្ថិភាពបុគ្គលពីមួយម៉ែត្រកន្លះឡើងទៅ រួមជាមួយ និងការវាស់កំដៅ ពាក់ម៉ាស់ និងការលាងសម្អាតដៃ ដោយអាល់កុល ឫជែល ដល់អ្នកចូលរួម ដោយមានការកម្រិតចំនួនអ្នកចូលរួមឱ្យតិច។ប្រសិនបើមានការចាំបាច់ក្នុងការធ្វើពិធីអ្វីមួយ ចៀសវាងការប្រមូលផ្តុំគ្នាច្រើនកុះករ ដែលអាចមានហានិភ័យ នៃការចម្លងវីរុសកូវីដ-១៩។ អរគុណ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍ខាងលើមានន័យថា ការរៀបចំអាពាហ៍ពិពាហ៍ គឺអាចរៀបចំបាន ប៉ុន្តែម្ចាស់រៀបចំកម្មវិធីចាំបាច់មានវិធានការការពារឆ្លងកូវីដ-១៩ និងត្រូវកម្រិតចំនួនអ្នកចូលរួមឱ្យតិច។

យោងតាមការចេញផ្សាយពីគេហទំព័រកម្ពុជាថ្មីកន្លងមកលោកជំទាវបានបន្ថែមថា «វិធានការបានដាក់ចេញហើយ ការអំពាវនាវក៏អំពាវនាវហើយដែរនៅឡើយតែបុគ្គលដែលត្រូវចូលរួមអនុវត្តប៉ុណ្ណោះ»។ បុគ្គលម្នាក់ៗត្រូវចេះភ្ញាក់រលឹក និងមានទំនួលខុសត្រូវ។ លោកស្រី វេជ្ជបណ្ឌិត ឱ វណ្ណឌីន បានណែនាំដល់ប្រជាពលរដ្ឋទាំងអស់ ត្រូវធ្វើយ៉ាងណាការពារខ្លួនឲ្យបានល្អនិងកុំចម្លងជំងឺទៅអ្នកដទៃ។

គិតត្រឹមថ្ងៃទី១០ ខែវិច្ឆិកា ឆ្នាំ២០២០នេះកម្ពុជាមានអ្នកឆ្លងវីរុសកូវីដ-១៩ ៣០០នាក់ ខណៈអ្នកជាសះស្បើយមានចំនួន ២៨៨នាក់។ បច្ចុប្បន្នមានអ្នកកំពុងសម្រាកព្យាបាលចំនួន ១២ នាក់ ក្នុងនោះមានស្រី ២ នាក់ ប្រុស ១០នាក់៕