សុខភាព

វិធានការការពារប្រជាពលរដ្ឋមិនឱ្យឆ្លងជំងឺកូវីដ-១៩ នៅពេលទៅចាក់វ៉ាក់សាំង

បានផុស

៣ years មុន

នៅ

ថ្ងៃអង្គារ ២០ មេសា ២០២១

ដោយ

Sonya

ក្រសួងសុខាភិបាលនៃព្រះរាជាណាចក្រកម្ពុជា បានរៀបចំយុទ្ធនាការចាក់វ៉ាក់សាំងការពារកូវីដ-១៩ជូនប្រជាពលរដ្ឋ ឬបុគ្គលប្រឈមហានិភ័យឆ្លងខ្ពស់បានជាច្រើននាក់មកហើយ។ ដំណើរការនៃការចាក់វ៉ាក់សាំងបានប្រព្រឹត្តទៅរលូនផងដែរ នៅទីតាំងនានាក្នុងរាជធានី និងតាមបណ្ដាខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែភ្លាមៗ ពុំមានវ៉ាក់សាំងក្នុងចំនួនដូសគ្រប់គ្រាន់ជូនប្រជាជនទាំងអស់ រដ្ឋាភិបាលគ្រោងនឹងចាក់វ៉ាក់សាំងជាដំណាក់កាលៗ សម្រាប់ក្រុមអាទិភាពគឺជាក្រុមដែលត្រូវទទួលបានការចាក់វ៉ាក់សាំងមុនគេ។

យ៉ាងណាមិញ ក្នុងពេលថ្មីៗនេះ ក្រសួងបានរកឃើញអ្នកជំងឺឆ្លងកូវីដ-១៩ កំលុងទៅទទួលវ៉ាក់សាំង។ ដូច្នេះ វិធានការសុខភាពនៅកន្លែងចាក់វ៉ាក់សាំងកូវីដ-១៩ ត្រូវបានរឹតបន្តឹងទ្វេរឡើង ដើម្បីការពារសុវត្ថិភាពគ្រប់គ្នាទាំងបុគ្គលិកសុខាភិបាល ទាំងប្រជាពលរដ្ឋ។

ការចាក់វ៉ាក់សាំងនឹងធ្វើឡើងដោយគោរពតាមគោលការណ៍សុវត្ថិភាពយ៉ាងតឹងរឹង នៅតាមទីតាំងចាក់វ៉ាក់សាំង ដោយសមាជិកទាំងអស់របស់ក្រុមចាក់វ៉ាក់សាំងទាំងពេទ្យ ទាំងអ្នកទទួលវ៉ាក់សាំង នឹងទទួលបានម៉ាស អាល់កុលសម្រាប់លាងដៃ និងស្រោមដៃការពារខ្លួន ព្រមទាំងប័ណ្ណលេខរៀង។

ក្នុងនោះមុនពេលចូលទៅដល់ទីតាំងចាក់វ៉ាក់សាំង នឹងមានការវាស់សីតុណ្ហភាពនិងពិនិត្យបុគ្គលគ្រប់រូបដើម្បីធានាថា ពួកគេពិតជាបានប្រើម៉ាស ក៏ដូចជាលាងដៃជាមួយទឹកអាល់កុលឬជែល។ ក្រុមចាក់វ៉ាក់សាំងនឹងរៀបចំឱ្យបុគ្គលដែលទៅចាក់វ៉ាក់សាំងអង្គុយឃ្លាតគ្នាយ៉ាងហោចណាស់ ១.៥ ម៉ែត្រ ខណៈកំពុងរង់ចាំ មុនដល់វេនរបស់ពួកគេ៕