សុខភាព

តើមានអ្វីកើតឡើង ប្រសិនបើអ្នកមិនចង់ចាក់វ៉ាក់សាំង?

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

Sonya

ពុំមាននរណាម្នាក់នឹងត្រូវបានគេបង្ខំឱ្យចាក់វ៉ាក់សាំងឡើយ។ ការចាក់វ៉ាក់សាំងធ្វើឡើងដោយស្ម័គ្រចិត្ត ប៉ុន្តែ គួបផ្សំនឹងវិធានការដទៃទៀត វ៉ាក់សាំងគឺជាឧបករណ៍មួយដ៏សំខាន់ ដើម្បីការពារខ្លួនយើង គ្រួសាររបស់យើង សហគមន៍របស់យើងពីជំងឺកូវីដ-១៩ និងជួយសង្គ្រោះអាយុជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងដែលដាក់ឱ្យប្រើប្រាស់ទាំងអស់ សុទ្ធតែបានបង្ហាញពីប្រសិទ្ធភាពក្នុងការកាត់បន្ថយការឆ្លងជំងឺ ហើយវាភាគច្រើនក៏មានការទទួលស្គាល់ពីអង្គការសុខភាពពិភពលោក (WHO) ផងដែរ។ ត្បិតតែតែគ្មានវ៉ាក់សាំងណាមួយអាចផ្ដល់ការការពារបាន ១០០% បានពិតមែន ប៉ុន្តែការចាក់វ៉ាក់សាំងនឹងផ្ដល់នូវសុវត្ថិភាពខ្ពស់ដល់អ្នក ដើម្បីបង្ការការចម្លងវីរុសកូវីដ-១៩។

ប្រជាពលរដ្ឋជាច្រើននៅតែមានការសង្ស័យចំពោះវ៉ាក់សាំងបច្ចុប្បន្ន តែយ៉ាងណា គ្រប់គ្នាគួរដឹងថា ពុំមានវ៉ាក់សាំងកូវីដ-១៩ ណាដែលកំពុងដាក់ឱ្យប្រើប្រាស់សព្វថ្ងៃនេះ ឬទំនងជាយកមកប្រើប្រាស់នាពេលអនាគតយកមានផ្ទុកវីរុសរស់ ដែលអាចបង្កឱ្យមានជំងឺកូវីដ-១៩ នោះឡើយ។ នេះមានន័យថា វ៉ាក់សាំងកូវីដ-១៩ មិនអាចធ្វើឱ្យអ្នកកើតជំងឺកូវីដ-១៩ នោះទេ។ ក្នុងករណីដែលកម្រកើតមានមួយចំនួន អ្នកនៅតែអាចឆ្លងជំងឺកូវីដ-១៩ ក្រោយពេលចាក់វ៉ាក់សាំងរួច ហេតុនេះហើយទើបអ្នកត្រូវបន្តប្រុងប្រយ័ត្ន អនុវត្តវិធានការដទៃទៀត ដូចជា ការលាងសម្អាតដៃ ការពាក់ម៉ាស និងការរក្សាគម្លាតសុវត្ថិភាព។