សុខភាព

ចំណីចំណុក ៥ យ៉ាងដែលឪពុកម្ដាយមិនគួរឲ្យកូនតូចញ៉ាំ

បានផុស

៤ years មុន

នៅ

ថ្ងៃចន្ទ ២៦ មេសា ២០២១

ដោយ

Sonya

ការរៀបចំចំណីចំណុកកូនតូច ទាមទារម៉ាក់ៗយកចិត្តទុកដាក់បំផុត។ ព្រោះតែបែបនេះហើយបានជាលោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ បានណែនាំថា អាហារូបត្ថម្ភសម្រាប់កុមារគួរតែប្រភេទអាហារសម្បូរជីវជាតិ ចៀសវាងជាគ្រឿងកំប៉ុង ឬពពួក Fast food ឡើយ។ ខាងក្រោមគឺជាអាហារដែលម៉ាក់ៗមិនគួរឲ្យកូនញ៉ាំទាំងនៅខ្ចីវ័យ៖

១- មី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មីមិនមែនជាអាហារល្អចំពោះកូនក្មេងឡើយ ព្រោះវាត្រូវបានផលិតឡើងដោយដាក់សារធាតុគីមីមួយចំនួន ទើបអាចរក្សាទុកបានយូរ។ មីមិនងាយរំលាយឡើយ ហើយប្រព័ន្ធរំលាយអាហារកូនមិនទាន់រឹងមាំល្អដូចមនុស្សពេញវ័យ ដូចនេះកុំទាន់ប្រញាប់ឲ្យចេះញ៉ាំអី។

២- Fast food

ដំឡូងបំពង់ ភ្លៅ ឬស្លាបមាន់ចៀន បឺរហ្គ័រ សុទ្ធតែចម្អិនដោយប្រើខ្លាញ់ ហើយភាគច្រើនមិនមែនប្រើម្ដង តែអាចប្រើច្រើនថ្ងៃ។ ពពួកអាហារបែបនេះមិនល្អចំពោះខួរក្បាលទារកឡើយ ហើយថែមទាំងអាចប៉ះពាល់ដល់ក្រពះពោះវៀនទៀតផង។

៣- ភេសជ្ជៈផ្សេងៗ

Little Asian Boy Drinking Soda, Stock Footage Video (100% Royalty-free) 1009157258 | Shutterstock

ទឹកក្រូចកំប៉ុង ភេសជ្ជៈប៉ូវកម្លាំង តែ កាហ្វេ មិនមែនជាភេសជ្ជៈចាំបាច់សម្រាប់កុមារទេ ផ្ទុយទៅវិញកុមារតូចៗគួរតែផឹកទឹកផ្លែឈើ និងផ្លែឈើស្រស់គឺគ្រប់គ្រាន់ហើយ។ បានជាកុមារមិនត្រូវការភេសជ្ជៈកំប៉ុង ព្រោះពួកគេមិនទាន់បានបញ្ចេញកម្លាំងពលកម្មខ្លាំងឡើយ ហើយបើបណ្ដោយឲ្យកូនផឹកគ្រឿងកំប៉ុងអស់ទាំងនោះ អាចបណ្ដាលឲ្យកើតជំងឺទឹកនោមផ្អែម និងបញ្ហាប្រព័ន្ធរំលាយអាហារ។

៤- អាហារផ្អាប់

ចំណីអាហារផ្អាប់មិនល្អចំពោះសុខភាពកូនឡើយ ព្រោះវាអាចធ្វើឲ្យក្រពះ ពោះវៀនមានបញ្ហា ដោយសារដំណើរការផ្អាប់វាអាចឡើងមេ។ អាហារដែលកូនតូចមិនគួរញ៉ាំមានដូចជា ជ្រក់ត្រសក់ ម៉ាំ ក្ដាមត្រាំ និងស្វាយត្រាំជាដើម។

៥- ទឹកកក

414 Asian Kid Drink Chocolate Stock Photos, Pictures & Royalty-Free Images - iStock

ក្មេងផឹកទឹកកកអាចឆ្លងជំងឺផ្ដាសាយ ក្អក ក្ដៅខ្លួន ឬហៀរសំបោរជាដើម ដែលនោះមួយផ្នែកមកពីដោយសារប្រព័ន្ធការពារខ្លួនឯង មិនទាន់រឹងមាំដូចក្មេងដែលមានអាយុចាប់ពី ៥ ឆ្នាំឡើងទៅ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បើគិតថាខ្លួនធាត់ ហាត់ប្រាណតាមវិធីទាំងនេះអាចជួយឲ្យគីឡូថេរ ឬស្រកបាន

ចុចអាន៖ ជម្រើសអាហារគួរញ៉ាំ និងមិនគួរញ៉ាំក្នុងវិបត្តិកូវីដ-១៩