សុខភាព

រវាងខ្លាញ់ជ្រូក និងប្រេងឆាមួយណាល្អក្នុងការចម្អិនអាហារ?

បានផុស

៤ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

Sonya

អ្នកដែលមានភារកិច្ចក្នុងផ្ទះបាយ ដើម្បីចម្អិនអាហារសម្រាប់ក្រុមគ្រួសារតែងតែកើតមានចម្ងល់ទាក់ទងនឹងការធ្វើម្ហូប ថាតើរវាងខ្លាញ់សត្វ និងប្រេងឆា គួរប្រើមួយណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីស្រាយចម្ងល់នេះលោកវេជ្ជបណ្ឌិត លី ឫទ្ធីគុណ បានចូលខ្លួនមកបកស្រាយថា ទាំងខ្លាញ់សត្វ (ខ្លាញ់ជ្រូក) និងប្រេងឆា គឺមានផលប៉ះពាល់ចំពោះសុខភាពដូចគ្នា គ្រាន់តែប្រេងឆា មិនសូវប៉ះពាល់ខ្លាំងដូចខ្លាញ់ជ្រូកឡើយ។ ប្រេងឆាមានច្រើនប្រភេទដូចជា ប្រេងអូលីវ ប្រេងសណ្ដែក ប្រេងធម្មជាតិ ប្រេងផ្កាឈូករ័ត្ន និងប្រេងបន្លែ ចំណែកខ្លាញ់សត្វដែលប្រជាជនយើងពេញនិយមយកមកចម្អិនអាហារមានតែខ្លាញ់ជ្រូក។

វេជ្ជបណ្ឌិតផ្នែកទូទៅរូបនោះបានរៀបរាប់ពីគុណវិបត្តិរបស់ខ្លាញ់ទាំង ២ ថា ក្នុងចំណោមប្រេងទាំងអស់ អូលីវ គឺជាប្រេងល្អប្រើជាងគេ ដោយវាមានអូមេហ្កា ៣ និង ៦ ហើយលក្ខណៈពិសេសរបស់វាគឺការពារកម្ដៅបានខ្លាំងជាងប្រេងដទៃ ព្រោះប្រេងដទៃពេលដាក់ចូលខ្ទះក្ដៅទៅមិនងាយប្រែពណ៌ជាខ្មៅ។ គ្រប់ប្រេងទាំងអស់តែងមានទ្រីកូលីតស្រ្តេរីត និងកូឡេស្តរ៉លគ្រាន់តែអូលីវមានអត្ថប្រយោជន៍ច្រើន និងមានទ្រីកូលីតស្រ្តេរីត និងកូឡេស្តរ៉លតិចជាងគេ។

Mustard Oil Buy Mustard Oil for best price at INR 93 / Litre ( Approx )

ចំពោះសំណួរថាមួយណាល្អជាង គឺប្រេងឆានេះឯង ព្រោះខ្លាញ់សត្វសម្បូរទ្រីគ្លីសេរីត និងកូឡេស្តរ៉ល ដោយខ្លាញ់សត្វគ្មានការចម្រាញ់យក កូឡេស្តរ៉លចេញ ឬយកខ្លាញ់អាក្រក់ចេញ។

ម្ចាស់សេវាកម្មថែទាំមនុស្សចាស់តាមគេហដ្ឋានរូបនោះបន្តទៀតថា បើប្រៀបធៀបទៅប្រេងឆា គឺគេបានចម្រាញ់នៅក្នុងរោងចក្រដោយមានថ្នាំ រក្សាទុក មានលាយសារធាតុគីមីខ្លះមែន ហើយខ្លាញ់សត្វគឺធម្មជាតិ តែសត្វដែលស៊ីចំណីអ័រម៉ូន ដើម្បីធំធាត់ឆាប់រហ័ស ដូចនេះខ្លួនវាក៏ផ្ទុកពេញទៅដោយអ័រម៉ូន ហើយនៅពេលយើងញ៉ាំទៅធ្វើឲ្យឡើងគីឡូ។ រីឯទ្រីកូលីតស្រ្តេរីត និងកូឡេស្តរ៉លក្នុងខ្លាញ់សត្វនាំឲ្យកើតមានកើតមានជំងឺបេះដូង ស្ទះសរសៃឈាមបេះដូង ខ្លាញ់រុំថ្លើម រលាកថ្លើម ស្ទះសរសៃទឹកលំពែង រលាកលំពែង ឬអាចស្លាប់មួយរំពេច។