សុខភាព

ជំងឺខាន់លឿងលើទារក អាចគ្រោះថ្នាក់ដល់ជីវិត!

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

គឺជាការកើតឡើងនូវពណ៌លឿងនៅលើស្បែក ឬភ្នែករបស់ទារក។ ជាធម្មតាលើសពីពាក់កណ្តាលនៃទារកទើបនឹងកើតអាចមានខាន់លឿង ដែលស្តែងឡើងនៅថ្ងៃទី២ ឬទី៣ រួចបាត់ទៅវិញនៅមួយសប្តាហ៍ក្រោយកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) មូលហេតុអ្វីបានជាទារកកើតខាន់លឿង?

ដោយសារតែថ្លើមទារកទើបនឹងកើតនៅមានភាពខ្ចី ដែលមិនអាចបំលែង ឬបញ្ចេញសារជាតិម្យ៉ាងហៅថា ប៊ីលីរុយប៊ីន ដែលជាផលិតផលមួយបាន ក្រោយពីគ្រាប់ឈាមក្រហមបែក ឬស្លាប់។

២) តើក្រុមគ្រួសារធ្វើដូចម្តេចដើម្បីដឹងថាទារកមានខាន់លឿង?

ត្រូវចេះសង្កេតមើលពណ៌សម្បុរទារក ឬផ្នែកពណ៌សនៃគ្រាប់ភ្នែកទារក (ករណីធ្ងន់ធ្ងរ) ដែលប្តូរទៅជាពណ៌លឿង។

៣) តើខាន់លឿងអាចបង្កគ្រោះថ្នាក់ដល់ទារកឬទេ?

ពិតជាអាច ប្រសិនបើកម្រិត ប៊ីលីរុយប៊ីន ក្នុងឈាមឡើងខ្ពស់ពេក។ គ្រោះថ្នាក់អាចធ្វើឲ្យទារកស្លាប់ ឬពិការភាព ប្រសិនបើមិនបានទទួលការពិនិត្យព្យាបាលឲ្យបានត្រឹមត្រូវ និងទាន់ពេលវេលា។

៤) ប្រសិនបើទារកមានខាន់លឿង តើក្រុមគ្រូពេទ្យនឹងធ្វើអ្វីខ្លះ?

ជាទូទៅគ្រូពេទ្យនឹងវាស់កម្រិតជាតិលឿង ប៊ីលីរុយប៊ីន ជាមុនសិន ដោយប្រើឧបករណ៍ដែលមិនធ្វើឲ្យទារកឈឺចាប់ហៅថា ប៊ីលីហ្វ្លាស (Biliflash) ឧបករណ៍សម្រាប់តាមដានជាតិលឿងនៅស្បែក (BTC: Bilirubin Trans Cutene)។ ក្រោយពីដឹងកម្រិតជាតិលឿងហើយ គ្រូពេទ្យនឹងផ្តល់ជាយោបល់បន្ថែមលើការព្យាបាលចំពោះទារក។

៥) តើខាន់លឿងត្រូវព្យាបាលយ៉ាងដូចម្តេច?

ប្រសិនបើគ្រូពេទ្យរកឃើញកម្រិតជាតិលឿងឡើងខ្ពស់ខ្លាំង គេអាចដាក់ទារកឲ្យសម្រាកព្យាបាលដោយកាំរស្មីពន្លឺពណ៌ខៀវ។ កាំរស្មីពន្លឺនេះនឹងជួយទារកសម្រួលក្នុងការបញ្ចេញនូវជាតិប៊ីលីរុប៊ីន។

៦) តើទារកទទួលរងនូវការឈឺចាប់ ឬផលប៉ះពាល់ដោយការព្យាបាលពីកាំរស្មីពន្លឺ ឬទេ?

មិនមានទេ ការព្យាបាលដោយបញ្ចាំងកាំរស្មីពន្លឺជាការព្យាបាលមួយដែលមិនមានការប៉ះពាល់ និងការឈឺចាប់នោះទេ។

“ ការយកចិត្តទុកដាក់ពីភាពបម្រែបម្រួលមិនធម្មតារបស់ទារក គឺជាកាតព្វកិច្ចរបស់មាតាបិតាគ្រប់រូប មុននឹងឈានដល់ការពិគ្រោះ និងប្រឹក្សាជាមួយក្រុមគ្រូពេទ្យជំនាញនៃមន្ទីរពេទ្យកាល់ម៉ែតប្រកបដោយប្រសិទ្ធភាព និងទាន់ពេលវេលា ”៕

អត្ថបទ៖ រស្មី

សូមចុចអាន៖ មកដឹងសញ្ញានៃ អាការៈឈឺចាប់របស់ទារក ដែលឪពុកម្ដាយគ្រប់រូបគួរយល់ដឹង!

Related Topics:ជំងឺខាន់លឿងទារក