សុខភាព
សារៈសំខាន់នៃការដាក់ជនរងគ្រោះដេកផ្អៀង ដើម្បីជួយសង្គ្រោះបឋមភ្លាមៗ
គ្រប់គ្នា ក៏អាចជួយសង្គ្រោះអ្នកដែលសន្លប់ភ្លាមៗ ដោយមូលហេតុផ្សេងៗបានដែរ!
នៅពេលមានគ្រោះថ្នាក់ផ្សេងៗ ជំនួយសង្គ្រោះដែលមានប្រសិទ្ធភាព គឺជាការរួមផ្សំនៃការសង្គ្រោះនៅកន្លែងកើតហេតុ ការសង្គ្រោះនៅពេលដឹកបញ្ជូន និង ការសង្គ្រោះនៅមន្ទីរពេទ្យ។ ក្នុងករណីខ្លះដូចជាគ្រោះថ្នាក់ចរាចរជាដើម ការជួយសង្គ្រោះក្នុងពេល ១៥ ទៅ ៣០នាទីដំបូងអាចជួយសង្គ្រោះជីវិតជនរងគ្រោះ និងជួយកាត់បន្ថយពិការភាពរបស់គាត់នៅពេលអនាគតផង។
ការសិក្សាបានបង្ហាញថា ការជួយសង្គ្រោះដំបូងនេះ ដែលអនុវត្តដោយគ្រូពេទ្យជំនាញ និងការជួយដែលធ្វើដោយជនសាមញ្ញធ្លាប់បានរៀនអនុវត្ត មានប្រសិទ្ធភាពស្មើគ្នា។
នៅពេលដែលបាត់ស្មារតីភ្លាមៗ ដោយប្រការផ្សេងៗ ក្រោយប៉ះទង្គិចក្បាល ឬមានជំងឺក្នុងខួរក្បាលជាដើម អ្នករងគ្រោះភាគច្រើន ក្អួត។ ប្រសិនបើកម្អួតធ្លាក់ចូលបំពង់ខ្យល់ វានឹងធ្វើឲ្យដង្ហើមខ្យោយ ហើយនាំឲ្យឧស្ម័នកាបូនិកក្នុងឈាមកើនខ្ពស់ ដែលជាហេតុនាំឲ្យសម្ពាធក្នុងលលាដ៏ក្បាលកើនឡើង។ កំណើនសម្ពាធក្នុងលលាដ៏ក្បាលធ្វើឲ្យស្មារតីកាន់តែស្រុតចុះ ខួរក្បាលកាន់តែខូចខាត មុននឹងបានទទួលការព្យាបាលនៅមន្ទីរពេទ្យ។ អ្នករងគ្រោះអាចបាត់បង់ជីវិត ឬមានពិការភាពធ្ងន់ធ្ងរក្រោយការព្យាបាល។ គ្រាន់តែ ជូតសំអាតកម្អួត ឬវត្ថុដែលមានជាប់នៅក្នុងមាត់ចេញ និងដាក់ជនរងគ្រោះដែលមានស្មារតីមិនល្អឲ្យដេកផ្អៀង ក្បាលទាប កុំឲ្យកម្អួតចូលក្នុងបំពង់ខ្យល់ អាចចៀសវាងផលវិបាក និងគ្រោះថ្នាក់ខាងលើបាន។
ចំពោះអ្នកជំងឺដែលទទួលគ្រោះថ្នាក់បុកប៉ះដែលសង្ស័យថា មានបាក់ឆ្អឹងក គប្បីប្រយ័ត្នក្នុងការបង្វិលផ្អៀង។ ត្រូវបង្វិលព្រមគ្នាទាំងដងខ្លួន និងក្បាល។
វិធីអនុវត្ត៖
១) ប្រសិនជនរងគ្រោះមានពាក់វែនតា ត្រូវដោះចេញសិន
២) ដាក់ជនរងគ្រោះដេកផ្ងារ ទាញជើងឲ្យសណ្តូកជិតគ្នា
៣) អ្នកជួយអង្គុយពីម្ខាងជនរងគ្រោះលុតជង្គង់ក្បែរខ្លួនជនរងគ្រោះ
៤) ដាក់ដៃជនរងគ្រោះខាងអ្នកជួយសង្គ្រោះលាតបត់ ៩០អង្សាជាមួយខ្លួនគាត់
៥) ទាញដៃម្ខាងទៀតរបស់ជនរងគ្រោះមកដាក់ទ្រមុខរបស់គាត់ (ខ្នងដៃប៉ះថ្ពាល់)
៦) ទាញជង្គង់នៃជើងម្ខាងទៀត (ឆ្ងាយពីអ្នកជួយ)ឲ្យបត់បញ្ឈរ
៧) អ្នកជួយយកដៃម្ខាងចាប់ត្រង់ស្មា និងដៃម្ខាងទៀតចាប់ត្រង់ជង្គង់ដែលបញ្ឈរ រួចទាញបង្វិលឲ្យផ្អៀងក្នុងចលនាតែមួយ។ ក្នុងករណីរបួសក្បាល ឬ ក ពេលបង្វិលត្រូវរកអ្នកជួយទប់ក នឹងបង្វិលឲ្យបានព្រមគ្នា។
៨) ទាញជើងខាងដែលបត់ឲ្យលាតជ្រុលមកខាងមុខបន្តិចដើម្បីមានលំនឹង។
បើបងប្អូនបានជួបប្រទះអ្នកដែលសន្លប់បាត់បង់ស្មារតី ដោយមូលហេតុផ្សេងៗ ហើយស្ថិតក្នុងការរង់ចាំរថយន្តសង្គ្រោះមកដល់ សូមបងប្អូនមេត្តាអនុវត្តនូវវិធីជួយសង្គ្រោះបឋមដូចបានរៀបរាប់ខាងលើដើម្បីបញ្ចៀស នូវផលវិបាកនានា ដែលបណ្តាលមកពីការស្ទះផ្លូវដង្ហើម៕
អត្ថបទ៖ រស្មី
សូមចុចអាន៖ កុំមើលស្រាលលើ ជំងឺរលាកលំពែងស្រួចស្រាវ អាចវិវត្តន៍ទៅធ្ងន់ធ្ងរដល់អាយុជីវិត!
ពិភពលោកបង្ហាញសាមគ្គីភាព សម្រុកបញ្ជូនក្រុមសង្គ្រោះនិងជំនួយមនុស្សធម៌ ទៅមីយ៉ាន់ម៉ា
ក្រសួងការងារ នឹងពន្យារពេលនៃការផ្តល់បណ្ណការងារ និងសៀវភៅការងារជនបរទេសរហូតដល់ចុងខែមេសា
ចិនបណ្តាក់ទុនវិនិយោគបង្កើតមជ្ឈមណ្ឌលត្រួតពិនិត្យ ឧបករណ៍ពិសេសនៅកម្ពុជា
ការលក់ខុនដូរនៅក្រុងបាងកក រំពឹងធ្លាក់ចុះ ជុំវិញក្ដីបារម្ភពីការរញ្ជួយដី
រដ្ឋ Nevada អាមេរិក កើតរញ្ជួយដី ៤លើកផ្ទួនៗ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ