សុខភាព
ចង់បានសុខភាពល្អ កុំចោលទម្លាប់ទាំង៦នេះ
ពិតណាស់ថាមនុស្សយើងគ្មានអ្នកណាម្នាក់មិនចង់បានសុខភាពល្អនោះទេ តែមិនមែនគ្រប់គ្នាសុទ្ធតែអនុវត្តបានទម្លាប់ល្អដើម្បីរក្សាសុខភាពឲ្យនៅរឹងមាំនោះទេ។ ទម្លាប់មួយចំនួនថ្វីដ្បិតតែមើលទៅសាមញ្ញ តែមនុស្សមិនតិចនាក់ទេមិនអាចធ្វើបាន ជាហេតុនាំឲ្យសុខភាពក៏មិនល្អទៅតាមហ្នឹងដែរ។ តើទម្លាប់អ្វីខ្លះជួយឲ្យមនុស្សយើងមានសុខភាពល្អ?
១. ញ៉ាំអាហារពេលព្រឹក
វាជាការចាំបាច់ណាស់ដែលយើងត្រូវមានអ្វីទ្រាប់ពោះនៅពេលព្រឹក ដើម្បីមានដំណើរការមេតាប៉ូលិស និងចៀសវាងញ៉ាំអាហារច្រើននៅពេលបន្ទាប់។ ការសិក្សាមួយចំនួនបានកឃើញថាមនុស្សពេញវ័យដែលបានញ៉ាំអាហារពេលព្រឹកអាចបំពេញការងារបានល្អជាងអ្នកមិញ៉ាំ ហើយកូនក្មេងដែលញ៉ាំអាហារពេលព្រឹកប្រឡងបានលទ្ធផលល្អជាងក្មេងមិនបានញ៉ាំអាហារពេលព្រឹក។
២. មានផែនការអាហារ
ការចេះរៀបចំផែនការអាហារ នឹងជួយយើងសន្សំបានទាំងថវិកា និងពេលវេលា។ ការគិតទុកមុនថាត្រូវញ៉ាំអ្វី អាចជួយយើងដឹងថាអាហារណាគួរញ៉ាំ និងមិនគួរញ៉ាំ។ ដូចជាយើងចង់ស្រកទម្ងន់ យើងត្រូវកាត់បន្ថយអាហារមានជាតិផ្អែម ខ្លាញ់ និងកាបូអ៊ីដ្រាត ឬបើយើងត្រូវការវីតាមីនបន្ថែម យើងក៏បានដឹងមុនដូចគ្នា។ ការមានផែនការអាហារ ជួយឲ្យយើងអាចគ្រប់គ្រងរបបអាហារបានត្រឹមត្រូវ។
៣. ផឹកទឹកគ្រប់គ្រាន់
ការផឹកទឹកបានច្រើនមិនត្រឹមតែជួយរក្សារាងកាយមិនឲ្យខ្វះជាតិទឹកនោះទេ តែថែមទាំងអាចជួយឲ្យយើងស្រកគីឡូដែរ។ គ្នាយើងកុំគិតថាការផឹកភេសជ្ជៈកំប៉ុងអាចជំនួសទឹកបាននោះ ភេសជ្ជៈប៉ូវកម្លាំងមានទំនាក់ទំនងនឹងជំងឺធាត់ និងជំងឺទឹកនោមផ្អែមប្រភេទ២។ ការបំពេញជាតិទឹកដល់រាងកាយមិនមែនតែការផឹកទឹកតែមួយមុខនោះទេ តែយើងអាចញ៉ាំផ្លែឈើដូចជាផ្លែក្រូច ឪឡឹក ឬត្រសក់បន្ថែម ដើម្បីបំពេញជាតិទឹកដែរ។
៤. ហាត់ប្រាណ
ពេលនិយាយដល់រឿងហាត់ប្រាណ មិនមែនគ្រប់គ្នាសុទ្ធតែអាចធ្វើបាននោះទេ។ ប៉ុន្តែសម្រាប់អ្នកស្រឡាញ់សុខភាព គឺពិតជាអាចធ្វើបាន។ ការហាត់ប្រាណដូចជារត់ រាំ ឬជិះកង់សុទ្ធតែមានប្រយោជន៍ដល់សុខភាពរាងកាយ និងផ្លូវចិត្ត។ បើសិនជាយើងមិនចង់រត់ ឬជិះកង់ យើងអាចចំណាយពេលដើរប្រហែល៣០នាទីក្នុងមួយថ្ងៃ ក៏មានប្រយោជន៍ចំពោះសុខភាពដូចគ្នា។
៥. មិនជក់បារី
បើសិនជាយើងជាអ្នកជក់បារី គួរបញ្ឈប់ទៅដើម្បីសុខភាពរបស់យើង។ ការឈប់ជក់បារី នឹងជួយឲ្យសុខភាពយើងបានល្អឡើងវិញ ព្រោះថារាងកាយយើងនឹងជួសជុលការខូចបានបានលឿន។ គ្នាយើងនឹងទេថា គ្រាន់តែ២០នាទីក្រោយពីយើងឈប់ជក់បារី ចង្វាក់បេះដូង និងសម្ពាធឈាមរបស់យើងក៏ចាប់ផ្ដើមធ្លាក់ចុះដែរ។ កុំនៅចាំអីទៀត ឆាប់ផ្ដាច់បារី បើគ្នាយើងធ្វើមិនបាន គ្រូពេទ្យអាចជួយណែនាំយើងបាន។
៦. គេងបានគ្រប់គ្រាន់
ការគេងបានស្កប់ស្កល់មានប្រយោជន៍ច្រើនដល់សុខភាព ដូចជាជួយឲ្យយើងមានអារម្មណ៍ស្រស់ស្រាយ ការចងចាំល្អ មានការផ្ដោតអារម្មណ៍បានល្អ និងអាចជួយឲ្យយើងរៀនអ្វីថ្មីបានលឿនផងដែរ។ មួយវិញទៀត ការគេងបានគ្រប់គ្រាន់ក៏ជួយឲ្យយើងបន្ថយហានិភ័យកើតជំងឺបេះដូងទៅថ្ងៃមុខផងដែរ។ ក្នុងមួយយប់ យើងគួរគេងឲ្យបានចន្លោះពីប្រាំពីរ ទៅប្រាំបួនម៉ោង៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ៥ យ៉ាងងាយៗ សុខភាពល្អមិនបាច់ចំណាយច្រើន
ចុចអាន៖ ទម្លាប់មិនល្អទាំងនេះ មានន័យថាយើងកំពុងបំផ្លាញប្រព័ន្ធភាពស៊ាំខ្លួនឯង
ឧបការីរដ្ឋមន្រ្តីក្រសួងសន្តិសុខសាធារណៈចិនទស្សនៈកិច្ចនៅច្រកទ្វាអន្តរជាតិប៉ោយប៉ែត
មេបញ្ជាការកងទ័ពជើងគោកកម្ពុជា ណែនាំឱ្យកងទ័ព រក្សាទំនាក់ទំនងល្អជាមួយភាគីថៃ មិនបំពានគ្នា
ប្រធានកិត្តិយសនៃសមាគមមូលនិធិអភិរក្សដំរីអៃរាវត្តាខ្មែរ ទៅមើលផ្ទាល់ការថែទាំកូនដំរីឈ្មោះ«លំផាត់» នៅសួនសត្វភ្នំតាម៉ៅ
ជនជាតិចិនម្នាក់ ត្រូវនគរបាលបណ្ដេញចេញពីប្រទេសកម្ពុជា
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ