ជ្រើសរើស​ម្សៅ​ទឹកដោះគោ​ម៉េច​ទើប​ល្អ កូន​ម៉ឹម​ទៅ​មិន​មាន​បញ្ហា​សុខភាព​ផ្សេងៗ? – Kampuchea Thmey Daily
Connect with us

សុខភាព

ជ្រើសរើស​ម្សៅ​ទឹកដោះគោ​ម៉េច​ទើប​ល្អ កូន​ម៉ឹម​ទៅ​មិន​មាន​បញ្ហា​សុខភាព​ផ្សេងៗ?

Published

on

បច្ចុប្បន្ន​បច្ចេកវិទ្យា​កាន់​តែ​ទំនើប ផលិត​ផល​ចំណី​អាហារ​កាន់​តែ​សម្បូរ​បែប ក្នុង​នោះ​ផលិត​ផល​ម្សៅ​​ទឹកដោះ​សម្រាប់​ក្មេង​មាន​ច្រើន​ម៉ាក ច្រើន​ជម្រើស។ បើ​ម្សៅ​ទឹកដោះ​គោ​មាន​ច្រើន​ប្រភេទ​បែប​ហ្នឹង តើ​គួរ​ជ្រើស​រើស​មួយ​ណា ទើប​សមស្រប​សម្រាប់​កូន​យើង ម៉ឹម​ទៅ​មិន​សូវ​មាន​បញ្ហា​ប្រឈម​នោះ?

ប្រធាន​ផ្នែក​សម្ភព និង​រោគស្ត្រី នៃ​មន្ទីរពេទ្យ​បង្អែក​មិត្តភាព​កម្ពុជា-សែនសុខ លោកវេជ្ជបណ្ឌិត ចាន់ ស៊ីណេត បាន​ពន្យល់​ថា ទឹកដោះ​ជា​ជម្រើស​ទី២​ប៉ុណ្ណោះ ហោចណាស់​ម្តាយ​ត្រូវ​បំបៅ​ដោះ​កូន​ឲ្យ​បាន​យ៉ាង​តិច​ក៏ ៦ ខែ ​ដែរ ដោយ​ហេតុ​ថា ម្សៅ​ទឹក​ដោះ​គោ​មិន​អ្វី​ពិសេស​​ដូច​ទឹកដោះ​ម្តាយ​នោះ​ទេ គ្រាន់​តែ​សម្បូរ​ពពួក​វីតាមីន ជាតិរ៉ែ និង​កាឡូរី​ដែល​ក្មេង​ត្រូវ​ការ​ប៉ុណ្ណោះ។

និយាយ​ពី​របៀប​ជ្រើស​រើស​ម៉ាកម្សៅ​ទឹកដោះ​វិញ លោក​វេជ្ជបណ្ឌិត​ថា យើង​ត្រូវ​ស្វែង​ពី​សុខភាព​កូន​យើង និង​ក្រុមហ៊ុន​ផលិត តើ​មាន​ការ​ទទួល​ស្គាល់​ទូលំ​ទូលាយ​អត់ ជា​ជាង​ការ​ទិញ​តាមៗ​គ្នា ឬ​ជឿ​ងប់​ងល់​លើ​ការ​ផ្សព្វផ្សាយ​ពាណិជ្ជកម្ម។ បើ​សិន​ជា​ក្រពះ​ពោះវៀន​កូន​ដំណើរ​ការ​មិន​សូវ​ល្អ ឧស្សាហ៍​ទល់​លាមក​ញឹក​ញាប់ លោក​វេជ្ជបណ្ឌិត​ណែនាំ​ឲ្យជ្រើស​រើស​ប្រភេទ​ម្សៅ​ទឹកដោះ​ដែល​ផលិត​ឡើង​សម្រាប់​ក្មេង​ក្តៀន ដែល​សម្បូរ​ជាតិ​សរសៃ (Fiber) នោះ​ទើប​កូន​ចៀស​ផុត​ពី​បញ្ហា​ទល់​លាមក។

“រូបមន្ត​ផ្សំ​ម្សៅ​ទឹក​ដោះ​គោ​ក្មេង​មិន​សូវ​ខុសគ្នា​ប៉ុន្មាន ស្រដៀងគ្នា គ្រាន់​តែ​​ទឹកដោះ​ខ្លះ​គេ​ថែម​រូបមន្ត​ផ្សំ​សម្រាប់​ក្មេ​ងរាក ក្មេង​ក្តៀន ទឹក​ដោះ​សម្រាប់​ក្មេង​អាលែកហ្ស៊ី​ជាដើម អ៊ីចឹង​បើ​កូន​យើង​មាន​បញ្ហា​ណា​មួយ ត្រូវ​ទៅ​សួរ​ពេទ្យ ឬ​ពិនិត្យ​លើ​កំប៉ុង​ទៅ តើ​សារធាតុ​អស់​នោះ​គ្រប់​គ្រាន់ ឬ​ក៏​មាន​អ្វី​ដែល​កូន​យើង​ត្រូវការ​អត់”។ លោកវេជ្ជបណ្ឌិត ចាន់ ស៊ីណេត រៀបរាប់។

បន្ថែម​ពី​នោះ​លោក​វេជ្ជបណ្ឌិត​បាន​ណែនាំ​ឲ្យ​ម៉ាក់ប៉ា​ពិនិត្យរូបមន្ត​ផ្សំ​លើ​សំបក​កំប៉ុង​ដែរ តើ​ទឹកដោះគោ​ប្រភេទ​នោះ​មាន​ជាតិ​ដែក​គ្រប់​គ្រាន់សម្រាប់​កូន​យើង​អត់ ដើម្បី​បង្ការ​កូន​ម៉ឹម​ទៅ​ស្លេក​ស្លាំង លូត​លាស់​មិន​បាន​ល្អ។

បើ​តាម​ការ​ប្រកាស​របស់​ក្រសួង​ពាណិជ្ជ កម្រិត​ជាតិ​ដែក​កំណត់​ដោយ​ស្តង់ដារ​កូដិច​អន្តរជាតិ តម្រូវ​ឲ្យ​មាន​យ៉ាង​តិច ២,២៨ មិល្លីក្រាម/១០០ក្រាម សម្រាប់​ផលិត​ផល​ម្សៅ​ទឹកដោះ​លេខ ១ (ទារក​ពេល​កើត ដល់អាយុ ៦ខែ) និង​យ៉ាង​តិច ៤,៧២ មិល្លីក្រាម/១០០ក្រាម សម្រាប់​ផលិត​ផល​ម្សៅ​ទឹកដោះ​លេខ ២ (ទារកអាយុ ៦-១២ ខែ)៕
អត្ថបទផ្ដល់សិទ្ធិដោយ៖ Hellokrupet

ចុច Like Facebook កម្ពុជាថ្មី

ព័ត៌មានជាតិ8 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ8 hours ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ9 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ9 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ10 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម