សុខភាព

ភាពចាំបាច់នៃការពិនិត្យស្វែងរក ដើម្បីបង្ការជំងឺមហារីកពោះវៀនធំ !

បានផុស

៣ years មុន

នៅ

ថ្ងៃសុក្រ ២១ ឧសភា ២០២១

ដោយ

ជំងឺមហារីកពោះវៀនធំ គឺជាជំងឺមួយដែលកាចសាហាវ និងជួបជាញឹកញាប់។ យោងតាមការសិក្សារបស់អង្គការសុខភាពពិភពលោក(WHO) ជំងឺមហារីកពោះវៀនធំនេះឈរនៅលេខរៀងទី២ ចំពោះស្ត្រី និងលេខរៀងទី៣ ចំពោះបុរសនៃចំនួនជំងឺមហារីកទាំងអស់ ហើយវាបានឆក់យកជីវិតមនុស្សចំនួនជិត ៧សែននាក់នាឆ្នាំ២០១២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការសិក្សានិងស្រាវជ្រាវផ្សេងៗ គេសង្កេតឃើញថា កត្តាអាយុ និងកត្តា ហ្សែន(Genetic) គឺជាហានិភ័យចម្បងរបស់ជំងឺមហារីកនេះ។ មធ្យោបាយនៃការពិនិត្យស្វែងរកដើម្បីបង្ការជំងឺមហារីកពោះវៀនធំដែលល្អបំផុត គឺការពិនិត្យឆ្លុះក្នុងពោះវៀនធំដោយឧបករណ៍អង់ដូស្កូពីទំនើប ដើម្បីស្វែងរក និងកាត់ចេញដុំសាច់ Polyp មុននឹងវាអាចវិវត្តទៅជា ដុំសាច់មហារីក។ គេធ្វើជាពិសេសចំពោះមនុស្សដែលមានអាយុលើសពី៤៥ទៅ៥០ឆ្នាំ ដែលគ្មានរោគសញ្ញា ឬគ្មានហេតុផលណាដែលគាត់គិតថាមាន ជំងឺមហារីកនោះទេ។ ចំពោះបុគ្គលដែលមានហានិភ័យខ្ពស់៖

– មានឪពុកមា្តយកើតជំងឺមហារីកពោះវៀនធំ

– មានប្រវត្តិមានជំងឺរលាកពោះវៀនរ៉ាំរ៉ៃ៖ Crohn’s disease, Ulcerative colitis

តម្រូវឲ្យធ្វើការពិនិត្យនៅក្នុងអាយុក្មេងជាងនេះ។

ក្នុងនាមជាវេជ្ជបណ្ឌិតផ្នែកថ្លើម ក្រពះ ពោះវៀននៃមន្ទីរពេទ្យកាល់ម៉ែត សូមណែនាំដល់បងប្អូនប្រជាពលរដ្ឋខ្មែរ ដែលមានអាយុលើសពី៤៥ទៅ៥០ឆ្នាំ អញ្ជើញមកធ្វើការពិនិត្យ ស្វែងរកដើម្បីបង្ការ ជំងឺមហារីក ពោះវៀនធំ ក៏ដូចជាកាត់បន្ថយអត្រាស្លាប់នៃជំងឺមហារីកនេះផងដែរ។