សុខភាព

វេជ្ជបណ្ឌិតព្រមានថា មនុស្សវ័យចំណាស់អាយុ ៦០ ឆ្នាំឡើង កុំទម្លាប់ធ្វើបែបនេះប្រយ័ត្នគ្រោះថ្នាក់ធំ

បានផុស

៤ years មុន

នៅ

ថ្ងៃសៅរ៍ ២២ ឧសភា ២០២១

ដោយ

ពេលវ័យកាន់តែចាស់ កម្លាំងកាយក៏ចាប់ផ្ដើមទ្រុឌទ្រោមជាបណ្ដើរៗ ដូច្នេះមនុស្សវ័យចំណាស់កុំទម្លាប់ធ្វើរឿងណាដែលអាចប៉ះពាល់ដល់សុខភាពឲ្យសោះ។

នេះជារឿងមិនគួរធ្វើសោះសម្រាប់មនុស្សវ័យចំណាស់៖

១ មិនអើពើនឹងជាតិទឹក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលអ្នកកាន់តែចាស់អារម្មណ៍នៃការស្រេកទឹកថយចុះ។ មនុស្សវ័យចំណាស់មានទំនោរខ្វះជាតិទឹកច្រើនជាងមនុស្សវ័យក្មេង ពីព្រោះចាស់ៗមិនសូវមានអារម្មណ៍ថាស្រេកទឹក។ កត្តានេះបណ្ដាលឲ្យមានបញ្ហាជាមួយនឹងការឆ្លងមេរោគលើផ្លូវបង្ហូរទឹកមូត្រ សំពាធឈាមនិងសកម្មភាពថយចុះ អស់កម្លាំងខ្លាំងជាដើម។

២ មិនផ្លាស់ប្តូរការហាត់ប្រាណ

មនុស្សគ្រប់គ្នាមានទម្លាប់ធ្វើលំហាត់ប្រាណដែលពួកគេបានធ្វើជារៀងរាល់ថ្ងៃ។ ប៉ុន្តែនៅពេលរាងកាយកាន់តែចាស់ សកម្មភាពទាំងនោះអាចបណ្ដាលឲ្យរងរបួសច្រើនជាងការមិនធ្វើ។ ចាស់ៗគួរតែចាប់ផ្ដើមផ្ដោតអារម្មណ៍លើការបណ្ដុះបណ្ដាល ឬផ្លាស់ប្ដូរលំហាត់ប្រាណណាងាយៗសម្រាប់រាងកាយវិញ។

៣ ប្រើថ្នាំច្រើនឆ្នាំ

គោលបំណងនៃការប្រើថ្នាំគឺដើម្បីបន្ថែមសុខភាពនាំរាងកាយឲ្យទៅជាប្រព័ន្ធ hemostasis ត្រឹមត្រូវ។ លោកវេជ្ជបណ្ឌិត Patel មានប្រសាសន៍ថា របបអាហារ ការធ្វើលំហាត់ប្រាណនិងការផ្លាស់ប្ដូររបៀបរស់នៅគឺជាវេជ្ជបញ្ជាចម្បងសម្រាប់បញ្ហាសុខភាពភាគច្រើន។ ដូច្នេះមនុស្សចាស់ព្យាយាមផ្ដាច់ថ្នាំឬបន្ថយកម្រិតដែលកំពុងប្រើសព្វថ្ងៃនេះ។

៤ មិនទៅពិនិត្យភ្នែកឲ្យបានទៀងទាត់

វេជ្ជបណ្ឌិត Ryan Young មានប្រសាសន៍ថា ការចុះខ្សោយនៃភ្នែកដែលទាក់ទងនឹងអាយុគឺជាកត្តានាំឲ្យមានភាពខ្វាក់ចំពោះមនុស្សដែលមានអាយុលើសពី ៥០ ឆ្នាំនៅសហរដ្ឋអាមេរិក។ ក្រោយមកទៀតនៅក្នុងដំណើរការជំងឺវាអាចបណ្ដាលភ្នែកព្រិលឬខូចទ្រង់ទ្រាយ ហើយនៅទីបំផុតអាចឈានទៅការបាត់បង់។ វាចាំបាច់ត្រូវធ្វើការពិនិត្យភ្នែកឲ្យបានទៀងទាត់ ដើម្បីការពារចក្ខុឲ្យសកម្ម ។

៥ គេងមិនគ្រប់គ្រាន់

គេងមិនគ្រប់នឹងទៅជាអស់កម្លាំង ហើយរាងកាយមិនអាចទ្រទ្រង់គ្នាបានឡើយ។ ក្នុងវ័យ៦០ឬលើសពីនេះ យើងនៅតែត្រូវកំណត់ការគេង ៧ ទៅ៩ ម៉ោងក្នុងមួយ១យប់ៗ។

៦ បញ្ឈប់រាល់ការស្ដីបន្ទោសអាយុខ្លួនឯង

វេជ្ជបណ្ឌិត Culler មានប្រសាសន៍ថា “ ជៀសវាងការស្ដីបន្ទោសអាយុខ្លួនឯង។ វិធីដែលយើងមើលអាយុអាចមានឥទ្ធិពលផ្ទាល់លើសុខភាព ហានិភ័យវង្វេងស្មារតី និងបញ្ហាច្រើនទៀត ។ វាជាគុណប្រយោជន៍ក្នុងការទទួលយកនូវទស្សនៈវិជ្ជមានបន្ថែមទៀត នៃបទពិសោធន៍វ័យចំណាស់ សុខភាពរបស់យើងពឹងផ្អែកលើវាទាំងស្រុង៕

ប្រែសម្រួល៖ សាងស្រីល័ក្ខ

ចុចអាន៖ភេសជ្ជៈសុខភាពទាំង ៥ សក្ដិសមបំផុតសម្រាប់ទទួលទាននៅរដូវក្ដៅនេះ

ចុចអាន៖ប្រយ័ត្ន! អាការច្បាស់ៗបញ្ជាក់ថា រាងកាយយើងមានជំងឺមហារីកកូនកណ្ដុរ