សុខភាព

អ្នកនិយមផឹកកាហ្វេ មកមើលឥទ្ធិពលសំខាន់ពីភេសជ្ជៈមួយនេះ

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

អ្នកស្រាវជ្រាវនៅសាកលវិទ្យាល័យជុងអាន ប្រទេសកូរ៉េ សហការជាមួយទីភ្នាក់ងារត្រួតពិនិត្យនិងការពារជំងឺ បានធ្វើការសិក្សាថ្មីមួយដែលត្រូវបានបោះពុម្ពផ្សាយនៅក្នុងការចេញផ្សាយចុងក្រោយបង្អស់នៃទស្សនាវដ្ដីអាហារូបត្ថម្ភនិងបណ្ឌិតសភាវិទ្យាសាស្ត្រ។ ដោយការស្រាវជ្រាវនេះបានធ្វើជាពិសេសទៅលើប្រជាជនរបស់ពួកគេ ការសិក្សានេះមានគោលបំណងស្វែងយល់ឲ្យកាន់តែច្បាស់ពីការផ្សារភ្ជាប់គ្នារវាងការប្រើប្រាស់កាហ្វេ និងផលប៉ះពាល់សុខភាពដែលទាក់ទងនឹងការស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សានេះមានការចូលរួមពីមនុស្ស ១១០,៩២០ នាក់ មានអាយុលើសពី ៤០ ឆ្នាំ ដែលមិនត្រូវបានគេធ្វើរោគវិនិច្ឆ័យថាមានជំងឺទឹកនោមផ្អែម ជំងឺមហារីកឬជំងឺសរសៃឈាមបេះដូង។ អ្នកស្រាវជ្រាវបានតាមដានការទទួលទានកាហ្វេប្រចាំថ្ងៃរបស់អ្នកចូលរួម និងអត្រាមរណភាពរបស់ពួកគេជាមធ្យម ៩.១ ឆ្នាំ។

លទ្ធផលនៃការសិក្សានេះ បើយោងតាមកាសែតកូរ៉េ Herald បានលើកឡើងថា ហានិភ័យនៃការស្លាប់ពីបុព្វហេតុទាំងអស់បានធ្លាក់ចុះ ២១ ភាគរយ ចំពោះអ្នកចូលរួមផឹកកាហ្វេច្រើនជាង ៣ ពែងក្នុងមួយថ្ងៃ ។ លើសពីនេះទៅទៀត កាហ្វេមានទំនាក់ទំនងយ៉ាងសំខាន់ជាមួយនឹងការកាត់បន្ថយជំងឺសរសៃឈាមបេះដូង។ កាហ្វេមួយកែវក្នុងមួយថ្ងៃត្រូវបានផ្សារភ្ជាប់ជាមួយនឹងការថយចុះនៃការស្លាប់ ដោយសារជំងឺទាក់ទងនឹងបេះដូង ៤២ ភាគរយ៕

ប្រែសម្រួល៖ សាង ស្រីល័ក្ខ

ចុចអាន៖ពិតអត់ ផឹកកាហ្វេរាល់ថ្ងៃធ្វើឲ្យចំណង់ផ្លូវភេទធ្លាក់ចុះ?

ចុចអាន៖ផឹកកាហ្វេធ្វើឲ្យស្រួលបត់ជើង ពិតអត់?