សុខភាព

មានទម្លាប់ទទួលទានអាហាររបៀបនេះ ធានាថារាងកាយអាចទ្រុឌទ្រោមទាំងវ័យក្មេងមិនខាន

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

មិនមែនឲ្យតែអាហារមានសុខភាពល្អ អាចផ្ដល់ផ្ដល់ផលល្អដល់រាងកាយបានទេ។ តួយ៉ាងអាហារខ្លះហូបច្រើនពេក ហូបតិចពេក ឬមិនហូបសោះ ក៏អាចធ្វើឲ្យរាងកាយមានជំងឺឬមានបញ្ហាទៅថ្ងៃមុខដែរ។

១ មិនបរិភោគខ្លាញ់ឲ្យគ្រប់គ្រាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណែនាំរបបអាហារដំបូងរបស់អាមេរិកត្រូវបានចេញផ្សាយក្នុងឆ្នាំ ១៩៨០ ខ្លាញ់ត្រូវបានគេចាត់ទុកថាគួរជៀសវាង។ ការសិក្សាចង្អុលបង្ហាញថា ជាតិស្ករអាចជាកត្តាបង្កឲ្យធាត់ធំជាងខ្លាញ់ក្នុងរបបអាហារ ហើយខ្លាញ់ដែលមានសុខភាពល្អមួយចំនួន ពិតជាអាចជួយអ្នកបញ្ចុះទម្ងន់បាន។ ខ្លាញ់ដែលមានជាតិ monounsaturated មានសុខភាពល្អដូចជាខ្លាញ់ដែលមាននៅក្នុងប្រេងអូលីវ ប្រេងអាល់ម៉ុន សណ្ដែកដី និងផ្លែបឺរ។

២ បរិភោគប្រូតេអ៊ីនច្រើនពេក

ប្រូតេអ៊ីនគឺជាសារធាតុផ្សំសំខាន់ជួយបង្កើតសាច់ដុំគ្មានខ្លាញ់ ដុតបំផ្លាញកាឡូរីនៅពេលសម្រាកនិងអាចជួយឲ្យអ្នកស្រកទម្ងន់បាន។ ប៉ុន្តែអាចមិនល្អបើទទួលទានច្រើនពេក។ ការហូបប្រូតេអ៊ីនច្រើនពេក អាចចូលរួមចំណែកដល់ខ្លាញ់ក្នុងរាងកាយដោយសារវាមានកាឡូរីច្រើន។

៣ ដាក់កម្រិតទទួលទានអាហារពេក

មនុស្សមួយចំនួនសន្មតថាបើកាត់បន្ថយកាឡូរី នាំឲ្យបាត់បង់ទម្ងន់ ទាំងនេះសុទ្ធតែមិនពិត។ ការសិក្សាមួយដែលចុះផ្សាយក្នុងទស្សនាវដ្ដីចិត្តវិទ្យាបានរកឃើញថា អ្នកដែលទទួលទានអាហារមានកាឡូរីទាបមិនឡើងទម្ងន់ក្នុងរយៈពេលវែង ដោយសារការផលិតអរម៉ូន cortisol ស្ត្រេសច្រើនពេក។ នៅពេលដែលរាងកាយរបស់អ្នកបញ្ចេញអ័រម៉ូន cortisol ច្រើនពេក វាផ្ដល់សញ្ញាដល់រាងកាយក្នុងការផ្ទុកជាតិខ្លាញ់ ជាពិសេសនៅក្នុងពោះរបស់អ្នក។

៤ ញ៉ាំច្រើនពេកក្រោយពេលហាត់ប្រាណ

របបហាត់ប្រាណទៀងទាត់ គឺជាផ្នែកមួយដ៏សំខាន់នៃកម្មវិធីសម្រកទម្ងន់ ប៉ុន្តែមិនមែនមានន័យថា ក្រោយហាត់ប្រាណហើយសម្រុកហូបនោះទេ។ ប្រយ័ត្នក្រពះពោះវៀនធ្វើទុក្ខ។

៥ បរិភោគអាហារមានគ្រឿងផ្សំច្រើន

ប្រយ័ត្នចំពោះអាហារដែលមានស្លាក“ ខ្លាញ់ទាប”“ គ្មានជាតិស្ករ” ឬ“ គ្មានជាតិស្អិត Gluten” ។ ដោយសារតែពពួកអាហារអស់នោះត្រូវបានគេលក់នៅលើទីផ្សារថាជាអាហារបំប៉ន។ ភាគច្រើននៃអាហារទាំងនេះត្រូវបានកែច្នៃខ្ពស់និងមានគ្រឿងផ្សំមិនល្អច្រើន។ យកល្អគួរតែនៅទទួលទានម្ហូបដែលមិនមែនជាអាហារកញ្ចប់ និងមានគ្រឿងផ្សំតិចបំផុត។

៦ មិនបរិភោគក្នុងកម្រិតមធ្យម

អាហារដែលមានផែសុខភាពល្អក៏អាចនាំឲ្យឡើងទម្ងន់។ ផ្លែប័រ សណ្ដែកដី និងចេកជាដើមទាំងនេះនៅតែមានកាឡូរីក្រាស់ និងអាចបណ្ដាលឲ្យឡើងទម្ងន់ ប្រសិនបើអ្នកមិនប្រយ័ត្ន។ សូមរីករាយជាមួយអាហារទាំងនេះ ប៉ុន្តែត្រូវប្រាកដថាមានទំហំសមល្មមនិងកម្រិតមធ្យមមិនច្រើនពេក៕

ប្រែសម្រួល៖ សាង ស្រីល័ក្ខ

ចុចអាន៖ប្រយ័ត្ន! ប្រភេទអាហារមិនគួរទទួលទានក្នុងរដូវនេះ អាចមានអាក្រក់ចំពោះពោះវៀនធ្ងន់ធ្ងរ

ចុចអាន៖អ្នកនិយមផឹកកាហ្វេ មកមើលឥទ្ធិពលសំខាន់ពីភេសជ្ជៈមួយនេះ