សុខភាព

ពេលឈឺក្បាល កោសខ្យល់នៅកញ្ចឹងក អាចគ្រោះថ្នាក់ធ្ងន់

បានផុស

៤ years មុន

នៅ

ថ្ងៃអាទិត្យ ៣០ ឧសភា ២០២១

ដោយ

Sonya

សម្រាប់ប្រជាជនខ្មែរយើង ជាពិសេសចាស់ៗ ចូលចិត្តណាស់ វិធីកោសខ្យល់នៅខ្នង ហើយលើទ្រូង ដើម្បីបំបាត់អាការៈអត់ស្រួលខ្លួនមួយចំនួនដោយមិនចាំបាច់ចាយលុយទិញថ្នាំ។ មានចាស់ៗមួយចំនួន និយមកោសខ្យល់នៅកញ្ចឹងក ពេលដែលឈឺក្បាល តើវិធីបំបាត់ការឈឺក្បាលនេះអាចប៉ះពាល់ដល់សុខភាពអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងបញ្ហានេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានពន្យល់ឲ្យដឹងថា អាការៈឈឺក្បាលជាសញ្ញាមួយដែលទាក់ទងនឹងជំងឺជាច្រើន ដូចជា លើសឈាមដែលតម្រូវឲ្យយើងធ្វើការពិនិត្យជាមុនសិន។ ការដែលចាស់ៗមួយចំនួននិយមកោសខ្យល់នៅកញ្ចឹងក ពេលឈឺក្បាល គឺអាចធ្វើឲ្យគាត់បាត់ការឈឺចាប់ក៏ពិតមែន តែអាចធ្វើឲ្យប៉ះពាល់ដល់សុខភាពធ្ងន់ធ្ងរ ដូចជា បណ្ដាលឲ្យដាច់សរសៃឈាមខួរក្បាល ប្រសិនបើគាត់មិនបានតាមដានសម្ពាធឈាមត្រឹមត្រូវ។ តាមពិតទៅ ការកោសខ្យល់មិនល្អទេ តែដោយសារតែវាជាទម្លាប់របស់ខ្មែរយើង ឈឺអីតិចតួចគឺនិយមកោសខ្យល់នេះ។

“តាមពិតទៅ ការកោសខ្យល់មិនល្អទេ តែដោយសារតែវាជាទម្លាប់របស់ខ្មែរយើង ឈឺអីក៏ដោយ យើងគួរតែទៅរកពេទ្យពិនិត្យត្រឹមត្រូវ និងលេបថ្នាំតាមមុខជំងឺ ទើបជាការល្អ”។

ស្របគ្នានេះដែរ លោកវេជ្ជបណ្ឌិត លី ឬទ្ធីគុណ ឯកទេសផ្នែកទូទៅ ការកោសខ្យល់មិនមែនជាវិធីល្អទេ បូករួមទាំងវត្ថុធាតុដើមដែលប្រើរួមមានប្រេងកូឡា ឬប្រេងខ្យល់ក៏មិនល្អចំពោះសុខភាពដែរ ហើយការកោសខ្យល់មិនមែនចេះតែកោសៗទេ អ្នកដែលមានជំងឺ ដូចជា ទឹកនោមផ្អែម លើសឈាម និងលើសជាតិខ្លាញ់ មិនគួរកោសខ្យល់ឲ្យទេ ព្រោះវាអាចមានគ្រោះថ្នាក់ដល់សុខភាពលើសដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ឧស្សាហ៍ឈឺក្បាល ប្រើវិធី៦ចំណុចនេះ លែងជាបញ្ហា

ចុចអាន៖ ជំងឺស្ទះសរសៃឈាមសួត ជាឃាតកលាក់មុខមួយដែលងាយនឹងមើលរំលង!!!