សុខភាព
ឈឺខ្នងអាចជាសញ្ញាជំងឺមហារីកសួត គ្នាយើងគួរប្រយ័ត្ន
ដោយសារតែសួតមានចុងសរសៃប្រសាទតិចតួច ជំងឺមហារីកសួតភាគច្រើនមិនមានចេញរោគសញ្ញារហូតដល់ជំងឺនេះឈានដល់ដំណាក់កាលចុងក្រោយ។ ការឈឺចាប់នៅក ឬខ្នងក៏អាចជាសញ្ញាបង្ហាញថាជំងឺមហារីកបានរាលដាលដល់ឆ្អឹងខ្នង។
ជាក់ស្ដែង ជំងឺមហារីកសួតសម្លាប់មនុស្សច្រើនជាងជំងឺមហារីកពោះវៀនធំ សុដន់ និងមហារីកក្រពេញប្រូស្តាតទៅទៀត។ ជាទូទៅ វាមិនបង្ហាញរោគសញ្ញាខុសប្រក្រតីទេ រហូតដល់វារាលដាលដល់ផ្នែកផ្សេងទៀតនៃរាងកាយ។ ដោយសារតែសួតមានចុងសរសៃប្រសាទតិចតួច ដុំសាច់ធំលូតលាស់យ៉ាងស្ងៀមស្ងាត់ ដោយមិនបង្ហាញរោគសញ្ញាអ្វីឡើយ។ កត្តានេះធ្វើឲ្យពិបាកក្នុងការធ្វើរោគវិនិច្ឆ័យនៅដំណាក់កាលដំបូង។ យ៉ាងណាមិញ ប្រសិនបើគ្នាយើងទទួលរងការឈឺខ្នងខុសប្រក្រតី វាក៏អាចជាសញ្ញាដែលបង្ហាញថា ជំងឺមហារីកសួតបានរាលដាលដល់ឆ្អឹងខ្នង។
អាការៈឈឺខ្នង និងជំងឺមហារីកសួតមានអ្វីទាក់ទងគ្នា?
នៅពេលដែលមហារីកសួតរាលដាលដល់ឆ្អឹងខ្នង វាបង្កើតបានជាសម្ពាធលើឆ្អឹងខ្នង និងខួរឆ្អឹងខ្នងដែលបណ្ដាលឲ្យឈឺចាប់ត្រង់ក ឬ ខ្នង។ ខ្នង និងករបស់យើងអាចមានអារម្មណ៍ស្ពឹក ចុះខ្សោយ និងចុករោយ។ អាការៈឈឺចាប់នេះអាចរាលដាលដល់ដៃ គូទ ឬ ជើងផងដែរ។
ប៉ុន្តែ មិនមែនរាល់ការឈឺខ្នងសុទ្ធតែបញ្ជាក់ពីជំងឺមហារីកសួតនោះទេ។ រាល់ការរងរបួសឆ្អឹងខ្នង ឬ ការរលាក ក៏អាចបណ្ដាលឲ្យឈឺខ្នងដូចគ្នា។ ក្នុងករណីដែលយើងមានអាការៈឈឺខ្នងលើសពី៣សប្ដាហ៍ឡើងទៅ ចូរពិគ្រោះយោបល់ជាមួយនឹងគ្រូពេទ្យជំនាញ។ ប្រសិនបើការឈឺចាប់នេះកើតឡើងដោយយើងមិនបានបញ្ចេញសកម្មភាពណាមួយ និងកាន់តែយ៉ាប់យ៉ឺន ខណៈពេលដែលយើងគេង ដកដង្ហើមវែងៗ ឬនៅពេលយប់ វាអាចជាសញ្ញាដែលបង្ហាញពីជំងឺមហារីកសួត។
រួមជាមួយនឹងការឈឺខ្នង រោគសញ្ញាទូទៅនៃជំងឺមហារីកសួត រួមមាន៖
- ក្អកមិនបាត់
- ហត់
- ឧស្សាហ៍ឈឺទ្រូង
- ស្រកទម្ងន់
- អស់កម្លាំងរ៉ាំរ៉ៃ
- ក្អកឈាម
- បាត់បង់ចំណង់អាហារ។
មូលហេតុបង្កជាជំងឺមហារីកសួត
ការជក់បារី គឺជាមូលហេតុចម្បងមួយដែលនាំឲ្យកើតជំងឺមហារីកសួត។ ពិតណាស់ ប្រហែល៨០% នៃការស្លាប់ដោយសារជំងឺមហារីកសួត គឺបណ្ដាលមកពីការជក់បារី។ ទោះជាយ៉ាងនេះក្ដី មានមនុស្សជាច្រើនដែលមិនជក់បារីទាល់តែសោះ ក៏អាចកើតជំងឺមហារីកសួតដែរ ហើយវាអាចមកពីការប៉ះពាល់នឹងរ៉ាដុន ផ្សែងបារី ខ្យល់ពុល ឬកត្តាផ្សេងទៀត។
តិចនិកការពារហានិភ័យនៃជំងឺមហារីកសួត
ទោះបីជាមិនមានវិធីក្នុងការការពារជំងឺមហារីកសួតបានទាំងស្រុងក្ដី ប៉ុន្តែគ្នាយើងអាចកាត់បន្ថយហានិភ័យនៃជំងឺដ៏កាចសាហាវមួយនេះបាន ប្រសិនបើ៖
- មិនជក់ ឬឈប់ជក់បារី
- ជៀសវាងប៉ះពាល់ផ្សែងបារី
- ជៀសវាងភ្នាក់ងារបង្កជំងឺមហារីកនៅកន្លែងធ្វើការ
- ញ៉ាំរបបអាហារសុខភាព
- ហាត់ប្រាណជាទៀងទាត់៕
អត្ថបទផ្ដល់សិទ្ធិ៖ Hello គ្រូពេទ្យ
ជិះទូកអ្នកនេសាទពីកំពង់ផែទេសចរណ៍អន្តរជាតិខេត្តកំពតចំណាយពេលតែ ២០ទៅ ៣០នាទីអាច មកកម្សាន្តព្រៃកោងកាង តាមសហគមន៍
កម្ពុជា ឈ្នះ ទីម័រខាងកើត បាន៣ពិន្ទុបន្ថែមបន្តក្តីសង្ឃឹមឡើងវគ្គបន្ត
សហជីព និងអ្នកជំនាញថា ការចុះឈ្មោះអ្នកសេដ្ឋកិច្ចក្រៅប្រព័ន្ធ គឺជាគោលនយោបាយលើកកម្ពស់ជីវភាព និងជំរុញការអប់រំបណ្តុះបណ្តាលជំនាញដល់ពួកគាត់
IMF បន្តជួយកម្ពុជាឱ្យរក្សាបានភាពរឹងមាំផ្នែកហិរញ្ញវត្ថុ
អ្នកឃ្លាំមើល៖ អ្នកនយោបាយរត់ចោលស្រុក មូរ សុខហួរ មិនញញើតនឹងញុះញង់ពលរដ្ឋ ក្រោមលេសព្រំដែន
ស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
អ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
អាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
បើករថយន្ដក្នុងល្បឿនលឿន បុករះចូលស្ថានីយលក់ប្រេង បង្កឲ្យមនុស្ស៥នាក់របួសធ្ងន់ស្រាល
ជាថ្មីម្ដងទៀត! លោក ហ្សេលេនស្គី អញ្ជើញសម្ដេចតេជោ ធ្វើទស្សនកិច្ចនៅអ៊ុយក្រែន តែសម្តេចឆ្លើយថា រង់ចាំពេលសមស្របសិន
-
ព័ត៌មានអន្ដរជាតិ១ សប្តាហ៍ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៧ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ១ សប្តាហ៍ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៥ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
វប្បធម៌ ជំនឿ៥ ថ្ងៃ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
ព័ត៌មានអន្ដរជាតិ៦ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ១ សប្តាហ៍ agoប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ
-
ព័ត៌មានជាតិ១ សប្តាហ៍ agoក្រសួងអប់រំ ហាមលក់ ផ្សព្វផ្សាយភេសជ្ជៈប៉ូវកម្លាំង ជាប់បរិវេណសាលារៀន