សុខភាព

ផឹកកាហ្វេប៉ុនណាមិនលើសកម្រិត? នរណាខ្លះមិនត្រូវផឹកកាហ្វេ?

បានផុស

៤ years មុន

នៅ

ថ្ងៃអង្គារ ១ មិថុនា ២០២១

ដោយ

Sonya

ផឹកកាហ្វេកំពុងក្លាយជាទម្លាប់របស់អ្នកធ្វើការ និងនិស្សិត ប៉ុន្តែសួរថា ផឹកប៉ុនណាទើបល្អ ហើយប៉ុនណាទើបគ្រោះថ្នាក់ដល់សុខភាព ខណៈដែលកាហ្វេសម្បូរដោយជាតិកាហ្វេអ៊ីន។

១- គួរផឹកជាតិកាហ្វេអ៊ីនប៉ុន្មានទើបសមល្មម?

Wallpaper Asian girl drink coffee, cafe, table 3840x2160 UHD 4K Picture, Image

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្រិតស្តង់ដារសមស្របបំផុតចំពោះសុខភាពមនុស្សពេញវ័យ គឺខ្ពស់បំផុតត្រឹម ៤០០ មិល្លីក្រាមប៉ុណ្ណោះ អាចប្រមាណកាហ្វេ ៤ កូនពែង កូកាកូឡា ១០ កំប៉ុង ឬភេសជ្ជៈប៉ូវកម្លាំង ២ កំប៉ុង។

បរិមាណកាហ្វេអ៊ីនក្នុងភេសជ្ជៈ មិនស្មើគ្នាទេ ដើម្បីដឹងច្បាស់ពីកម្រិតផឹក ត្រូវពិនិត្យនៅលើកំប៉ុងត្រង់តារាងធាតុផ្សំ។ ចាំថា បើមានរោគសញ្ញាឈឺក្បាលប្រកំាង គេងមិនលក់ ថប់បារម្ភ មួម៉ៅឆាប់ខឹង ឡេះឡះ ចង់ក្អួត បញ្ហានោម បេះដូងលោតញាប់ជាងធម្មតា ឬចង់រមួលសាច់ដុំ (ក្រពើ) ជាដើម ត្រូវកាត់បន្ថយការញ៉ាំកាហ្វេអ៊ីនភ្លាម។

បម្រាម៖ មិនគួរយកកាហ្វេអ៊ីនទៅលាយជាមួយ ស្រា ឬភេសជ្ជៈមានជាតិអាល់កុលនោះឡើយ។

20 of the best coffee shops in Hong Kong to grab your caffeine fix

២- នរណាខ្លះមិនគួរញ៉ាំជាតិកាហ្វេអ៊ីន?

420 Asian Kid Drink Chocolate Stock Photos, Pictures & Royalty-Free Images

– ក្មេង៖ ដោយសាររាងកាយ និងប្រព័ន្ធភាពស៊ាំក្មេងៗនៅខ្ចីមិនអាចទប់ទល់នឹងឥទ្ធិពលជាតិកាហ្វេអ៊ីន ដែលផលិតឡើងសម្រាប់មនុស្សពេញវ័យបានទេ។

– មានបញ្ហាការគេង៖ កាហ្វេអ៊ីនជាសាធាតុប្រឆាំងការគេង ធ្វើឲ្យគេងមិនលក់។ បើយើងកំពុងតែរឿងពិបាកគេងហើយ នៅឆ្លៀតផឹកកាហ្វេ ឬញ៉ាំជាតិកាហ្វេអ៊ីនទៀត ត្រូវចាត់ទុកទម្លាប់អាក្រក់បំផុត ដូចជាកំពុងធ្វើបាបខ្លួនឯងអ៊ីចឹង។

– កំពុងប្រើថ្នាំ៖ ថ្នាំពេទ្យ និងថ្នាំរុក្ខជាតិមួយចំនួន អាចមានប្រតិកម្មនឹងជាតិកាហ្វេអ៊ីន ដូចជាថ្នាំ Ephedrine (ថ្នាំការពារកុំឲ្យសម្ពាធឈាមធ្លាក់ចុះ) នឹងធ្វើឲ្យយើងប្រកាច់ ឬបញ្ហាសរសៃឈាមបេះដូង។ ថ្នាំ Theophylline (ថ្នាំហឺត) នឹងធ្វើឲ្យជាតិកាហ្វេអ៊ីន ប្ដូរទៅជាឥទ្ធិពលប៉ះពាល់រាងកាយ បង្កឲ្យមានអាការៈ ដូចជា ក្អួតចង្អោរ ឬញ័រទ្រូងជាដើម។ ឯពពួកឱសថរុក្ខ Echinacea បណ្ដាលឲ្យកើនឡើងកំហាប់កាហ្វេអ៊ីន ក្នុងឈាម។

៣- គួរគ្រប់គ្រងបញ្ហាញៀនជាតិកាហ្វេអ៊ីនដោយវិធីណា?

Asian Woman Drinking Coffee by Chalit Saphaphak

ឲ្យតែមានពាក្យ “ញៀន” មួយម៉ាត់ អមមកជាមួយ ចង់កាត់បន្ថយប្រហែលជាមិនសូវស្រួលប៉ុន្មានទេ។ ដោយសារតែ កាហ្វេអ៊ីន ជួយរាងកាយយើងច្រើន ដូច្នេះបើយើងធ្លាប់តែញ៉ាំរាល់ថ្ងៃ ហើយកាត់បន្ថយ ឬផ្អាកតែម្ដង វានឹងចេញជារោគសញ្ញា ឈឺក្បាល អស់កម្លាំង ល្ហិតល្ហៃ ឆាប់មួម៉ៅ ហើយការផ្ចង់អារម្មណ៍ក៏ធ្លាក់ចុះដូចគ្នា។ យ៉ាងណាក៏ដោយ បញ្ហានេះមិនធ្ងន់ធ្ងរទេ អ្វីៗនឹងវិលមកភាពប្រសើរវិញនៅ ២-៣ ថ្ងៃបន្ទាប់។

ខាងក្រោមនេះ ជាគន្លឹះមួយចំនួនដើម្បីគ្រប់គ្រងជាតិកាហ្វេអ៊ីន៖

Premium Photo | Asian young couple enjoying together with coffee in the morning in badroom, concept of leisure, couple, relationship and valentine. photograph with copy space

– ដឹងចំនួន៖ ដូចបញ្ជាក់ខាងលើ បើអត់ចាប់អារម្មណ៍ពីបរិមាណកាហ្វេអ៊ីនញ៉ាំរាល់ដង ថាមានកម្រិតប៉ុន្មានទេ ត្រូវមើលលើតារាងធាតុផ្សំលើកំប៉ុង ហើយបូកខ្លួនឯង ធ្វើម៉េចកុំឲ្យលើស ៤០០ មិល្លីក្រាម/ថ្ងៃ។
– បន្ថយទម្លាប់ផឹក៖ ត្រូវតាំងចិត្តខ្លួនឯង បន្ថយម្ដងបន្ដិចៗ ពីមួយថ្ងៃទៅមួយថ្ងៃ រហូតស្ថិតត្រឹមកម្រិតមួយលែងធ្វើទុក្ខក្នុងខ្លួន។
– កុំប្រើថ្នាំលាយ៖ ថ្នាំបំបាត់ការឈឺចាប់ មិនគួរប្រើលាយជាមួយជាតិកាហ្វេអ៊ីនទេ។
– ជម្រើសផ្សេង៖ ត្រៀមទទួលរសជាតិប្លែកបន្តិច ប្តូរពីតែ កាហ្វេ មិនជាតែឱសថរុក្ខជាតិគ្មានជាតិកាហ្វេអ៊ីនវិញ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកនិយមផឹកកាហ្វេ មកមើលឥទ្ធិពលសំខាន់ពីភេសជ្ជៈមួយនេះ

ចុចអាន៖ ពិតអត់ ផឹកកាហ្វេរាល់ថ្ងៃធ្វើឲ្យចំណង់ផ្លូវភេទធ្លាក់ចុះ?

Related Topics:កាហ្វេ