សុខភាព

ពុលស្រាមានអាការៈម៉េចខ្លះ? អាចស្លាប់អត់? ត្រូវសង្គ្រោះម៉េចវិញ?

បានផុស

៤ years មុន

នៅ

ថ្ងៃសៅរ៍ ៥ មិថុនា ២០២១

ដោយ

Sonya

បច្ចុប្បន្នអារឿងផឹកស្រាពេញនិយមណាស់ ទាំងក្មេងទាំងចាស់ មិនថាស្រី មិនថាប្រុស ភាគច្រើនសុទ្ធតែមានជំនាញមែនទែន។ ប៉ុន្តែធ្លាប់ចាប់អារម្មណ៍ ឬឃើញគ្នាយើងផឹកស្រា ស្រាប់តែសន្លប់ ឬវង្វេងវង្វាន់លែងដឹងអ្វីភ្លាមៗដែរអត់? ចុះដឹងហេតុអ្វីទេ? អាការៈនេះ គេហៅថាពុលស្រា ភាគច្រើនកើតឡើងនៅពេលយើងផឹកស្រាច្រើនក្នុងរយៈពេលខ្លី។ អ្វីគួរឲ្យបារម្ភខ្លាំងនោះ ពុលស្រា គឺប៉ះពាល់សុខភាពធ្ងន់ធ្ងរណាស់ អាចបណ្តាលឲ្យស្លាប់បាន ហេតុនេះ កម្ពុជាថ្មី នឹងពន្យល់គ្នាយើងពីការពុលស្រា ក្នុងអត្ថបទខាងក្រោមនេះ។

Heavy drinking at young age can lead to long lasting medical issues | Express.co.uk

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- រោគសញ្ញាពុលស្រា

រោគសញ្ញាពុលស្រា អាចកើតឡើងភ្លាមៗ ដោយអាស្រ័យលើកម្រិតស្រាយើងផឹក និងស្ថានភាពសុខភាពយើងផ្ទាល់ ដោយរោគសញ្ញាមានដូចជា៖

– វង្វេងវង្វាន់
– ពិបាកក្នុងការនិយាយ
– បាត់បង់លំនឹងរាងកាយ
– ក្អួត
– ដកដង្ហើមមិនប្រក្រតី
– ខ្លួនចុះត្រជាក់
– ស្បែកឡើងស្លេក
– បាត់បង់ស្មារតី
– ភាំង ស្រឡាំងកាំង (Stupor)

Why Are More Young Adults Dying Of Alcohol-Related Liver Disease? : Shots - Health News : NPR

២- ពុលស្រាក្នុងស្ថានភាពណាចាំបាច់ត្រូវទៅពេទ្យ?

បើមានករណីផឹកច្រើនហួសហេតុ ឬឃើញមនុស្សពុលស្រា ត្រូវរកគ្រូពេទ្យឲ្យជួយភ្លាម ហើយនៅអំឡុងពេលរង់ចាំគ្រូពេទ្យ គួរធ្វើវិធីសង្គ្រោះបឋមដូចខាងក្រោមនេះ៖

– ត្រូវផ្អៀងជនរងគ្រោះទៅម្ខាង ក្នុងស្ថានភាពសុវត្ថិភាព (Recovery position) ហើយពិនិត្យមើល តើជនរងគ្រោះនៅដកដង្ហើមដែរអត់។

– បើនៅក្រោមកម្តៅថ្ងៃ ត្រូវយកជនរងគ្រោះមកកន្លែងម្លប់វិញ ហើយបើកម្ដៅរាងកាយចុះត្រជាក់ ត្រូវផ្ដល់កំដៅឲ្យជនរងគ្រោះ ដោយដណ្ដប់ភួយ ឬផ្លាស់ទីរងគ្រោះ ទៅជិតកន្លែងមានកម្តៅ។

Red Face from Alcohol: Causes, Symptoms, and More

– ត្រូវពិនិត្យមើលជនរងគ្រោះ និងតាមដានរោគសញ្ញា រហូតទាល់តែរថយន្តសង្គ្រោះបន្ទាន់មកដល់។ កម្រិតជាតិអាល់កុលនៅក្នុងឈាមជនរងគ្រោះ អាចនឹងកើនឡើងនៅចន្លោះពេល ៣០-៤០ នាទីក្រោយផឹក។ ករណីនេះ អាចធ្វើឲ្យស្ថានភាពកាន់តែអាក្រក់ខ្លាំងឡើង។

– មិនគួរឲ្យអាហារ ភេសជ្ជៈ ឬថ្នាំពេទ្យ ទៅជនរងគ្រោះឡើយ។ ត្រូវចាំថា មានតែពេលវេលាទេ ទើបអាចបន្សាបជាតិស្រវឹងបាន ហេតុនេះ ងូតទឹក ដើរ ឬផឹកកាហ្វេ សុទ្ធតែមិនអាចជួយឲ្យស្វាងបានឡើង ផ្ទុយមកវិញ កាន់តែធ្វើឲ្យប្រឈមគ្រោះថ្នាក់ខ្លាំងថែមទៀត។

៣- ការព្យាបាលនៅមន្ទីរពេទ្យ

Am I an Alcoholic? | Alcohol Rehab | Atlantic Recovery Center

នៅមន្ទីរពេទ្យ ជនរងគ្រោះ នឹងត្រូវតាមដានយ៉ាងម៉ត់ចត់ រហូតទល់តែការសង្គ្រោះបន្ទាន់ចប់ ហើយអាចនឹងមានការព្យាបាលបន្ថែមទៀត រួមមាន៖

– ដាក់បំពង់ចូលក្នុងមាត់ និងបំពង់ខ្យល់ ដើម្បីជួយផ្លូវដង្ហើមស្រលះ យកចេញអ្វីស្ទះ និងបង្កើនការដកដង្ហើម។
– ចាក់ព្យួរសេរ៉ូមតាមសរសៃ ដើម្បីផ្ដល់ជាតិទឹក បង្កើនជាតិស្ករក្នុងឈាម និងវីតាមីនរាងកាយកំពុងត្រូវការ។
– ដាក់បំពង់ស្ដើងចូលក្នុងបង្ហួរនោម ដើម្បីបញ្ចេញទឹកនោមចូលក្នុងថង់មួយ បែបនេះជនរងគ្រោះ នឹងមិនលេចនោមទេ។

៤- គ្រោះថ្នាក់ដោយការពុលស្រា

6 Warning Signs of Alcoholism | Michael's House Treatment Centers

បើយើងផ្ទាល់ ឬនរណាម្នាក់ពុលស្រា អាចមានអាការ ឬប្រឈមគ្រោះថ្នាក់ដូចជា៖

– ស្លាក់នឹងកម្អួត ឬហឺតយកកម្អួតខ្លួនឯង បណ្ដាលឲ្យស្លាប់ដោយសារស្ទះ និងខូតខាតសួត
– មានចង្វាក់ដង្ហើមមិនប្រក្រតី
– គាំងបេះដូង
– បាត់បង់ជាតិទឹកច្រើន ក្នុងករណីធ្ងន់ធ្ងរខ្លាំង អាចបណ្ដាលឲ្យខូចខួរក្បាលជារៀងរហូត
– រាងកាយចុះត្រជាក់ខ្លាំង
– ប្រកាច់ដោយសារជាតិស្ករក្នុងឈាមចុះទាប៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សម្គាល់មនុស្សញៀនស្រា អត់មិនបាន តាមរយៈអាការទាំងនេះ

ចុចអាន៖ ផឹកស្រាមិនអាចជួយបំបាត់ទុក្ខទេ តែធ្វើឲ្យមានវិបត្តិផ្លូវចិត្តកាន់តែធ្ងន់ធ្ងរ

Related Topics:ពុលស្រា