សុខភាព

ការមានផ្ទៃពោះលើសខែ ក៏ជាសញ្ញាគ្រោះថ្នាក់ចំពោះអ្នកម្តាយ!

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

ជាទូទៅស្ត្រីដែលមានផ្ទៃពោះគ្រប់ខែ គឺត្រូវធ្វើការសម្រាលបុត្រនៅគភ៌មានអាយុចន្លោះពី ៣៧ ទៅ ៤0សប្តាហ៍។ ក្នុងករណីស្ត្រីមានផ្ទៃពោះដែលធ្វើការសម្រាលបុត្រលើសពីអាយុ ៤១សប្តាហ៍ឡើងទៅ នោះគេហៅថាផ្ទៃពោះលើសខែ។ ការមានផ្ទៃពោះលើសខែនេះ គឺមិនត្រឹមតែមានគ្រោះថ្នាក់សម្រាប់ទារកនោះទេ អ្នកម្តាយក៏នឹងអាចប្រឈមនឹងគ្រោះថ្នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) ផលវិបាក៖

សម្រាប់ស្ត្រីជាម្តាយ អាចប្រឈមនឹងៈ

– ការវះកាត់យកកូនកាន់តែច្រើនឡើង

– ការដាច់រហែកទ្វារមាសកម្រិត ៣ និង ៤

– ការធ្លាក់ឈាមក្រោយសម្រាល

– មានជំងឺ Chorioamniotite

– ការបង្ករោគនៅក្នុងភ្នាសស្បូន (endométrite)

ខ) ការតាមដានអ្នកម្តាយមានផ្ទៃពោះលើសខែ៖

– ត្រូវធ្វើការតាមដានផ្ទៃពោះឲ្យបានកាន់តែជាប់លាប់ ចាប់ពីអាយុគភ៌ ៤១សប្តាហ៍

– គួរធ្វើការតាមដាន ២-៣ដង ក្នុង១សប្តាហ៍

– វិធីសាស្ត្រក្នុងការធ្វើការតាមដាន៖

• ការថយចុះនៅចលនាបម្រាសរបស់កូនក្នុងពោះ ដែលធម្មតាស្ត្រីត្រូវការតាមដានក្នុងមួយថ្ងៃ (កូនត្រូវមានចលនាបម្រាសលើសពី ៣ដងក្នុងរយៈពេល ១ម៉ោង)។

• ការធ្វើការវិភាគតាមរយៈ Monitoring នៅលើចង្វាក់បេះដូងកូន

• ការធ្វើការវិភាគ Iformatisé du RCF

• ការធ្វើអេកូសាស្ត្រ ដើម្បីស្វែងរកនៅការថយចុះបរិមាណទឹកភ្លោះដែលត្រូវធ្វើ ២ ទៅ ៣ដង ក្នុង១សប្តាហ៍ ចាប់ពីអាយុគភ៌៤១សប្តាហ៍ឡើងទៅ (ករណីមានការខ្វះទឹកភ្លោះ ត្រូវធ្វើការជំរុញឲ្យឈឺពោះសម្រាល និងបន្ថែមការតាមដាន)។

ចំណាំ៖ អ្នកម្តាយទាំងឡាយត្រូវចងចាំអំពីកាលបរិច្ឆេទនៃពេលសម្រាល ដែលកំណត់ដោយគ្រូពេទ្យជំនាញ និងទុកដាក់ឯកសារឲ្យបានត្រឹមត្រូវ។ ក្នុងករណីអ្នកម្តាយមានផ្ទៃពោះលើសខែ គួរគប្បីរួសរាន់មកជួបជាមួយគ្រូពេទ្យជំនាញសម្ភពនៃមន្ទីរពេទ្យកាល់ម៉ែត ដើម្បីធ្វើការពិនិត្យ និងតាមដានឲ្យបានត្រឹមត្រូវ ដែលអាចជៀសផុតពីគ្រោះថ្នាក់ដល់ម្តាយ និងទារកក្នុងផ្ទៃ៕

អត្ថបទ៖ រស្មី

សូមចុចអាន៖ បញ្ហាខ្វះគ្រាប់ឈាមក្រហម អំឡុងពេលមានផ្ទៃពោះ!