សុខភាព

ព្រីងជាផ្លែឈើតូចមែនពិត តែមានអត្ថប្រយោជន៍ច្រើនយ៉ាងចំពោះសុខភាពទាំងវ័យក្មេងនិងចាស់

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

រដូវព្រីងបានមកដល់ហើយ នៅកន្លែងណាក៏យើងឃើញមានលក់ដែរ។ ចំពោះអ្នកចូលចិត្តហូបព្រីង តិចអត់ដឹងថាព្រីងមានអត្ថប្រយោជន៍ច្រើនយ៉ាងចំពោះសុខភាពទាំងវ័យក្មេងនិងចាស់។

ធ្លាប់តែហូបតែអត់ដឹងពីវា kpt plus សូមណែនាំពីអត្ថប្រយោជន៍ពីផ្លែឈើតូចមួយនេះ ថាតើវាជួយអីចំពោះសុខភាពរបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ជំងឺមហារីក

ផ្លែឈើនេះផ្ទុកនូវសារធាតុប្រឆាំងអុកស៊ីតកម្មដ៏ច្រើន ដែលប្រឆាំងនឹងរ៉ាឌីកាល់ដែលបង្កគ្រោះថ្នាក់នៅក្នុងខ្លួន។ ដោយសារតែបញ្ហានេះ ការលូតលាស់និងការរីករាលដាលនៃកោសិកាមហារីកដែលអាចកើតមានត្រូវបានរារាំងដោយផ្លែព្រីង។

២ ល្អសម្រាប់ជំងឺទឹកនោមផ្អែម

ការបំបែកជាតិស្ករក្នុងខ្លួនមនុស្សមួយទៅជាថាមពលដែលត្រៀមរួចជាស្រេច ដើម្បីប្រើប្រាស់គឺអាចធ្វើទៅបានតាមរយៈសារជាតិ alkaloid jambolin glycosides និងសារជាតិ jambosin ដែលតែងមានវត្តមានជាចម្បងនៅក្នុងផ្លែព្រីងពេលអ្នកទទួលទាន ។

៣ ជួយសុខភាពបេះដូង

ប៉ូតាស្យូមដែលមាននៅក្នុងផ្លែឈើនេះនឹងទទួលខុសត្រូវដោយធ្វើឲ្យបេះដូងមានដំណើរការល្អ។ អ្វីដែលសំខាន់បំផុតនោះគឺវាជួយឲ្យបេះដូងមានសុខភាពល្អគ្រប់ពេល។

៤ ល្អសម្រាប់ការទល់លាមក

នៅពេលអ្នកហូបផ្លែព្រីងវាមានឥទ្ធិពលខ្លាំងក្នុងការប្រយុទ្ធប្រឆាំងនឹងអាការទល់លាមកបានយ៉ាងពូកែ។ ព្រីងសំបូរទៅដោយជាតិសរសៃធ្វើឲ្យលំហូរនៃកាកសំណល់រាងកាយមានភាពងាយស្រួល។ ចលនាពោះវៀនទៀងទាត់ក៏ដូចជាសកម្មភាពរំលាយអាហារធម្មតាត្រូវបានបំពេញបន្ថែម។

៥ ការពារឆ្អឹងឲ្យរឹងមាំ

ជាតិកាល់ស្យូមជាតិដែកនិងផូស្វ័របញ្ចូលគ្នាមាននៅក្នុងផ្លែឈើត្រូពិកនេះមានឥទ្ធិពលធ្វើឲ្យសកម្មភាពការពារឆ្អឹងឲ្យរឹងមាំ។

៦ សម្រាប់ស្បែក

តាមរយៈវីតាមីន C ដែលមានវត្តមាននៅក្នុងព្រីង នឹងធ្វើឲ្យស្បែកមានសភាពរលោងស្អាតដូចធម្មជាតិ។

៧ ពង្រឹងប្រព័ន្ធភាពស៊ាំ

បើប្រព័ន្ធភាពស៊ាំខ្លាំងជាងមុន ជំងឺនឹងនៅឆ្ងាយពីយើងមិនខាន។ ដើម្បីធ្វើដូចនេះអ្នកត្រូវតែហូបព្រីងដែលជាផ្នែកមួយនៃផែនការរបបអាហារ ព្រោះវាសំបូរទៅដោយវីតាមីន C និងវីតាមីនដទៃទៀតចម្រុះគ្នា។

៨ កាត់បន្ថយការឈឺក្រពះ

សារជាតិ Anthocyanin អាស៊ីដ ellagic និងមាតិកា kaempferol នៃព្រីង គឺល្អឥតខ្ចោះក្នុងការកាត់បន្ថយភាពតានតឹងសកម្មភាពហួសប្រមាណ និងការឈឺចាប់ទូទៅនៅក្នុងក្រពះ។

៩ ជួយការបង្កើតកោសិកាឈាមក្រហម

កោសិកាឈាមក្រហមឬ RBC ត្រូវបានបង្កើតឡើងតាមរយៈការហូបព្រីង។ ដោយសារតែបញ្ហានេះអ្នកអាចរួចផុតពីបញ្ហាសុខភាពជាច្រើនដូចជាភាពស្លេកស្លាំងកង្វះជាតិដែក។

១០ ក្អករ៉ាំរ៉ៃ

ការក្អករ៉ាំរ៉ៃអាចនាំឲ្យមានអាឡ័កស៊ីឬផ្ដាសាយ ប៉ុន្តែនៅពេលអ្នកហូបព្រីងវាសារធាតុក្នុងផ្លែឈើតូចនេះនឹងទៅបញ្ឈប់អាការទាំងនោះ។ ព្រីងសំបូរទៅដោយវីតាមីន C រួមជាមួយគ្រឿងផ្សំផ្សេងៗទៀតអាចបញ្ឈប់ការក្អករ៉ាំរ៉ៃ៕

ប្រែសម្រួល៖ សាង ស្រីល័ក្ខ

ប្រភព៖practicalhealth

ចុចអាន៖វ័យ ៥៥ ឡើងទៅ ហាមធ្វើរឿងទាំងនេះ បើមិនចង់ឲ្យសុខភាពបេះដូងកាន់តែយ៉ាប់ជាងមុន

ចុចអាន៖សាច់មាន់បំពងឬចៀន ហូបច្រើនសឹងរាល់ថ្ងៃ នឹងមានបញ្ហាសុខភាពពិបាកតែខ្លួនឯង