សុខភាព
ភ្ញាក់ផ្អើលមិនខាន បើដឹងពីគុណប្រយោជន៍ស្លឹកគ្រៃចំពោះស្បែក និងប្រព័ន្ធរំលាយអាហារ
គ្នាយើងជាពិសេសស្រីៗ ពិតជាបានដឹងច្បាស់ណាស់ថាស្លឹកគ្រៃត្រូវបានប្រើយ៉ាងទូលំទូលាយសម្រាប់ការចម្អិនអាហារប្រចាំថ្ងៃ។ ប៉ុន្តែគ្នាយើងមានធ្លាប់អាន ឬបានដឹងពីគុណប្រយោជន៍របស់ស្លឹកគ្រៃលើសុខភាពស្បែក និងការសម្រកទម្ងន់ដែរទេ? នេះគុណសម្បត្តិ ៥យ៉ាង គ្នាយើងគួរស្វែងយល់។
១. ជួយដល់បញ្ហារំលាយអាហារ
តាមការស្រាវជ្រាវបង្ហាញថា ស្លឹកគ្រៃត្រូវបានគេប្រើដើម្បីជួយព្យាបាលបញ្ហាទាក់ទងនឹងការរំលាយអាហារ ដូចជាបញ្ហាទល់លាមក ហើមពោះ ឬអាការៈមិនរំលាយអាហារ ជាដើម។ ស្លឹកគ្រៃ មានផ្ទុកសារធាតុសំខាន់មួយហៅថា citral ដែលមានប្រយោជន៍ជួយដោះស្រាយបញ្ហាទាក់ទងនឹងប្រព័ន្ធរំលាយអាហារ។ ក្រៅពីនេះស្លឹកគ្រៃក៏មានសារធាតុប្រឆាំងអុកស៊ីតកម្ម និងសាធាតុប្រឆាំងការរលាក យើងថាបើយើងញ៉ាំស្លឹកគ្រៃជាប្រចាំនឹងមានប្រយោជន៍ច្រើនដល់សុខភាព។
២. ជួយបញ្ហាស្លេកស្លាំង (anemia)
តាមការស្រាវជ្រាវ ការផឹកតែធ្វើពីស្លឹកគ្រៃរៀងរាល់ថ្ងៃ ក្នុងរយៈពេលមួយខែ បានជួយបង្កើនកម្រិត haemoglobin បង្កើនកម្រិតកោសិកាឈាមក្រហម ក្នុងរាងកាយ។ គ្នាយើងដឹងទេថានៅក្នុងស្លឹកគ្រៃមានផ្ទុកសារធាតុចិញ្ចឹមល្អៗដូចជាអាស៊ីដហ្វូលិក វីតាមីនB1 ជាតិដែក និងស័ង្កសី ជាដើម។ ដូចនេះគ្នាយើងនៅចាំអីទៀត ញ៉ាំតែធ្វើពីស្លឹកគ្រៃនឹងជួយកម្ចាត់បញ្ហាស្លេកស្លាំងបាន។
៣. ជួយសម្រកទម្ងន់
កាន់តែពិសេសសម្រាប់គ្នាយើង ការញ៉ាំតែធ្វើពីស្លឹកគ្រៃនេះ ក៏បានជួយដល់ការធ្វើមេតាប៉ូលិស និងមានប្រយោជន៍ដល់ការសម្រកទម្ងន់។ ក្រៅពីនេះតែស្លឹកគ្រៃ ក៏បានជួយបញ្ចេញជាតិទឹកដែលលើស និងធ្វើឲ្យយើងឡើងគីឡូ ចេញពីរាងកាយដែរ។
៤. ជួយគ្រប់គ្រងសម្ពាធឈាម
ស្លឺកគ្រៃមានផ្ទុកសារធាតុប៉ូតាស្យូមច្រើន ដែលនេះមានប្រយោជន៍ដល់ការគ្រប់គ្រងសម្ពាធឈាមរបស់យើង។ ជាតិប៉ូតាស្យូមជួយបង្កើនការផលិតទឹកនោម និងជួយធ្វើឲ្យចរន្តឈាមដើរបានល្អ ដែលជួយបញ្ចុះសម្ពាធឈាមរបស់យើង និងជួយសម្អាតថ្លើមផងដែរ។
៥. ជួយស្បែកមានសុខភាពល្អ
ដូចជាភ្ញាក់ផ្អើលបន្តិចដែរ ពេលយើងឮថាស្លឹកគ្រៃមានប្រយោជន៍ដល់ស្បែក និងសក់។ តាមពិតទៅក្រៅពីប្រយោជន៍ផ្សេងៗបានរៀបរាប់ខាងលើ ស្លឹកគ្រៃក៏នៅជួយពង្រឹងដល់ការប្រឆាំងបាក់តេរី ក៏ដូចជាការប្រឆាំងនឹងផ្សិតផងដែរ ដែលនេះជាវិធីល្អ មួយជួយសម្អាតស្បែករបស់យើង។ យើងអាចលាយប្រេងស្លឹកគ្រៃពីរបីដំណក់ ចូលជាមួយប្រេងលាបស្បែករបស់យើងផ្សេងទៀត រួចលាបលើស្បែក ដើម្បីជាប្រយោជន៍ដល់ស្បែករបស់យើង៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ផ្លែ ញ មិនសូវមានអ្នកចូលចិត្តពិតមែន តែជាឱសថព្យាបាលរោគដ៏មានប្រសិទ្ធភាព
ចុចអាន៖ ការសិក្សា៖ ញ៉ាំម្ទេសរាល់ថ្ងៃ ជួយឲ្យមនុស្សយើងមានអាយុវែង
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៧ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ