សុខភាព
ចង់ធ្វើការពត់ធ្មេញឲ្យត្រង់ជួរ តើមានផលលំបាកអ្វីខ្លះ និងត្រូវជួបបញ្ហាអ្វីខ្លះ?
ការពត់តម្រង់ធ្មេញ គឺពាក់ព័ន្ធទៅនឹងការលូតលាស់ឆ្អឹងផ្ទៃមុខ ការវិវត្តន៍នៃដំណុះធ្មេញ និងកំណាំធ្មេញ ការធ្វើរោគ វិនិច្ឆ័យការការពារ និងការព្យាបាលកែលំអធ្វើឲ្យប្រសើរឡើងនូវ កំណាំធ្មេញដែលខុសប្រក្រតី។
១) សារប្រយោជន៍នៃការពត់តម្រង់ធ្មេញមានអ្វីខ្លះ?
– ជួយបង្កើនសោភ័ណភាពធ្មេញ និងផ្ទៃមុខ
– កែលំអតួនាទីកំណាំធ្មេញ (Dental Occlusion) ដែលធ្វើឲ្យកម្លាំងទំពាបានទៅដល់គ្រប់ធ្មេញ
– បំបាត់នូវកំណាំធ្មេញដែលមិនល្អ ដែលធ្វើឲ្យប៉ះពាល់ដល់ធ្មេញ និងជាលិកាជុំវិញធ្មេញ។
២) តើមានមូលហេតុអ្វីខ្លះដែលធ្វើឲ្យ កំណាំធ្មេញខុសប្រក្រតី?
– បញ្ហាតំណពូជ(Genetic)
– បញ្ហាឆ្អឹងថ្គាមលើ និងក្រោមមានគំលាតឆ្ងាយពីគ្នា ឬការលូតលាស់ឆ្អឹងខុសប្រក្រតី
– បញ្ហាសាច់ដុំ និងជាលិកាលើផ្ទៃមុខ
– បញ្ហាធ្មេញ: ធ្មេញទឹកដោះឆាប់ដកចេញ ពេកឬ ក្រជ្រុះ ធ្មេញធំៗ ក្រអូមមាត់តូច ធ្មេញដុះខុសប្រក្រតី ធ្មេញដុះខុសទីតាំង
– ទម្លាប់: កូនក្មេងដែលបៀមដៃ
– បញ្ហាស្ទះផ្លូវដង្ហើម: ធ្វើឲ្យមុខវែង និងធ្មេញលយមកមុខ
៣) តើធ្មេញប្រភេទណាខ្លះដែលគួរតែពត់ធ្មេញ?
– ធ្មេញមុខដែលលយ ឬប៉ោងមកមុខខ្លាំង អាចជាធ្មេញមុខលើ ឬធ្មេញមុខក្រោម ឬប៉ោងទាំងលើ និងក្រោម
– ធ្មេញដុះខុសជួរ ដុះប្រជ្រៀតគ្នាដោយសារធ្មេញធំៗ ធ្មេញដុះលើស រឺដុះខុសទីតាំង
– ធ្មេញចំហ ដោយសារទំហំធ្មេញតូចៗធ្មេញមិនដុះ
– ធ្មេញលើ ឬក្រោមដែលខាំបុកអញ្ចាញពេលទំពាអាហារ
– កំណាំធ្មេញចំហ ចំពោះធ្មេញមុខ ឬធ្មេញថ្គាម
– ធ្មេញចង្កូមដែលជំពើសដុះខុសជួរ
៤) តើពេលណាល្អ សម្រាប់ការតាមដាន និងព្រឹក្សាពីការពត់តម្រងធ្មេញ?
– ពេលវេលាល្អបំផុតគឺ ពេលដែលកុមារចាប់ផ្តើម ផ្លាស់ប្តូរធ្មេញ ពីធ្មេញទឹកដោះទៅធ្មេញអចិន្ត្រៃយ៍ ចាប់ពីអាយុ ៦ឆ្នាំឡើងទៅ ដែលជាពេលវេលាមួយដែលត្រូវតាមដាន និងការឲ្យដំបូន្មានចំពោះកុមារ និងឪពុកម្តាយក្នុងការ ថែរក្សាសុខភាពមាត់ធ្មេញ ដែលជួយកុំឲ្យកំណាំធ្មេញខុសប្រក្រតីវិវត្តន៍ទៅរកភាពធ្ងន់ធ្ងរ។ ឧទាហរណ៍៖ ដូចជាការធ្វើការដកធ្មេញតាមលំដាប់ លំដោយទៅតាមអាយុ (Serial Extraction)
– ការព្យាបាលដោយឧបករណ៍ពត់តម្រង់ធ្មេញចាប់ផ្តើម ចាប់ពីអាយុចន្លោះ ១០ ទៅ១២ឆ្នាំឡើងទៅ។ ឧទាហរណ៍៖ ធ្វើ Space Maintainer ជាឧបករណ៍សម្រាប់រក្សាចន្លោះពេលដែលរង់ចាំធ្មេញស្រុកដុះ។
៥) តើមានអ្វីខ្លះយកមកសិក្សា និងវាយតម្លៃមុនពេលចាប់ផ្តើមពត់តម្រង់ធ្មេញ?
– សិក្សាពីកង្វល់អ្នកជំងឺ
– សិក្សាពីសុខភាពទូទៅ
– សិក្សាពីសុខភាពមាត់ធ្មេញ
– សិក្សាពីទម្រង់មុខ ឆ្អឹង និងសាច់ដុំមុខ (Extra Oral)
– សិក្សាពីកំណាំធ្មេញ ទម្រង់ធ្មេញ (Intra Oral)
– ការអង្កេតដោយធ្វើឡើងដូចជា៖
• ការថតរូបទុកជាឯកសារ
• ការចាក់ពុម្ពធ្មេញមកសិក្សា
• ការថតធ្មេញ Panoramic និង Cephalometric
– ធ្វើគម្រោងព្យាបាលត្រឹមត្រូវ
៦) តើឧបករណ៍ពត់តម្រង់ធ្មេញអ្វីខ្លះដែល កំពុងប្រើប្រាស់សព្វថ្ងៃ?
– Removable Appliance : ឧបករណ៍ពាក់ដោះចេញដោះចូល
– Functional Appliance : ឧបករណ៍កែតម្រូវឆ្អឹង និងធ្មេញពេលអ្នកជំងឺ កំពុងលូតលាស់
– Fixed Appliance : ប្រើប្រាស់ឧបករណ៍ ពាក់ជាប់ក្នុងមាត់ ដូចជាគ្រាប់ដែក គ្រាប់សេរាមិក កៅស៊ូ លួស និងឧបករណ៍ Mini Implant ព្រមទាំងសម្ភារៈមួយចំនួនផ្សេងទៀត។
– ការប្រើប្រាស់ Invisaligne ជាបច្ចេកវិទ្យាថ្មី
– ការប្រើប្រាស់ឧបករណ៍ដើម្បីព្យាបាលផ្សេងៗគ្នា ឬរួមគ្នាទៅតាមស្ថានភាពជាក់ស្តែងរបស់ករណី អ្នកជំងឺម្នាក់ៗ។
៧) តើការពត់តម្រង់ធ្មេញ ត្រូវតែដកធ្មេញឬ?
ការដកធ្មេញធ្វើឡើង តែក្នុងករណីមួយចំនួន ដើម្បីបានចន្លោះ សម្រាប់ទាញធ្មេញ ឬធ្វើចលនាធ្មេញ។ ករណីខ្លះទៀតមិនត្រូវការដកធ្មេញទេ ដោយមានវិធីសាស្ត្រផ្សេងក្នុងការព្យាបាល។
៨) តើការពត់តម្រង់ធ្មេញត្រូវការពេលវេលាប៉ុន្មាន?
– អាចចាប់ពី ៦ខែទៅ ២ឆ្នាំ ឬច្រើនជាងនេះអាស្រ័យទៅលើភាពស្មុគស្មាញករណីអ្នកជំងឺម្នាក់ៗ។
៩) តើការពត់តម្រង់ធ្មេញអាចព្យាបាលគ្រប់ករណីដែលនាំឲ្យមានកំណាំធ្មេញខុសប្រក្រតី ឬទេ?
ប្រសិនបើកំណាំធ្មេញខុសប្រក្រតីបណ្តាលមកពីទំនាក់ទំនងឆ្អឹងថ្គាមលើ និងក្រោម ការពត់ធ្មេញមួយមុខ មិនអាចធ្វើទៅរួចទេ គឺត្រូវធ្វើការវះកាត់កែតម្រូវឆ្អឹងថ្គាម (Orthognatic Surgerg) រួមផ្សំនឹងការពត់តម្រង់ធ្មេញ។
ជាអនុសាសន៍៖ សូមមាតាបិតាគ្រប់រូបចាប់អារម្មណ៍ ទៅលើធ្មេញកុមារ។ ការតាមដាន នឹងព្រឹក្សាជាមួយទន្តបណ្ឌិតជំនាញឯកទេសនៅមន្ទីរពេទ្យកាល់ម៉ែត គឺជួយកុមារមានសុខភាពមាត់ធ្មេញល្អ និងអាចបន្ថយនូវការវិវត្តន៍ទៅរកកំណាំធ្មេញខុសប្រក្រតីបានមួយចំនួនធំ ដែលផ្តល់ការងាយស្រួល ដល់ការព្យាបាល និងផាសុខភាពចំពោះកុមារ ដែលវិវត្តន៍ទៅរកវ័យជំទង់ ដែលត្រូវការ ការពត់តម្រង់ធ្មេញក្នុងករណីចាំបាច់៕
អត្ថបទ៖ រស្មី
សូមចុចអាន៖ មកដឹងពីជំងឺត្រអក ស្នាមក្រហមដែលមានពងទឹកតូចៗ
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់