Connect with us

សុខភាព

ហេតុអ្វីបាន​ជា ​ស្ដ្រី​មាន​ផ្ទៃ​ពោះ​ត្រូវ​ធ្វើ​ពិនិត្យ​អេកូច្រើនដង?

បានផុស

នៅ

​ការពិនិត្យ​អេកូ​ទារក​ក្នុង​ផ្ទៃ​មាន​សារៈសំខាន់​ណាស់ មិនអាច​ខ្វះ​បាន សម្រាប់​ការអនុវត្ត​ជាក់ស្តែង​នៅ​ផ្នែក​សម្ភព​។ គឺជា​ការផ្តល់​ភាព​សុក្រឹត និង​អត្ថប្រយោជន៍​ជាច្រើន ក្នុងករណី​មានការ​ចូលរួម​ពី​លោក​-​លោកស្រី​ជា​មាតា បិតា​។ ខាងក្រោម​នេះ​ជាការ​ណែនាំ​នូវ​ចំណុច​ទាំងឡាយ​ដែល​លោក​-​លោកស្រី​គួរ​ចងចាំ នៅពេល​ពិនិត្យ​អេកូ​៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) ការពិនិត្យ​ដើម្បី​រក​អាយុ​គភ៌ និង​កាលបរិច្ឆេទ​គ្រប់​ខែ​៖

​ស្ត្រី​ដែលមាន​ផ្ទៃពោះ​ទាំងអស់ ចាំបាច់​គួរ​ពិនិត្យ​នៅពេល​គភ៌​មាន​អាយុ​ពី ១១ ទៅ​១៤​សប្ដាហ៍ គឺជា​ការពិនិត្យ​ដែល​ផ្តល់​ភាព​សុ​ក្រិត​ជាងគេ ហើយ​ស្ត្រី​ត្រូវ​ចងចាំ​នូវ​កាលបរិច្ឆេទ​គ្រប់​ខែ​នោះ​រហូត​ដល់ពេល​សម្រាល​កូន​។​

២) ការពិនិត្យ​កាយសម្បទា​របស់​ទារក​ក្នុង​ផ្ទៃ​៖

​ស្ត្រី​ដែលមាន​ផ្ទៃពោះ​គួរ​ធ្វើការ​ពិនិត្យ​នៅ​សប្តាហ៍​ទី​២២ ដល់ ២៤ គឺជា​ពេលវេលា​សមស្រប ដែល​អាចឲ្យ​យើង​ពិនិត្យ បាន​ងាយស្រួល ព្រោះ​សរីរាង្គ​ទារក​ធំ​ល្មម និង​បរិដ្ឋាន​ជុំវិញ​ទារក​មាន​សភាព​ស្រឡះ​ល្អ​។ ការពិនិត្យ​មុន ឬ​ក្រោយ ពេលនេះ​មាន​លក្ខណៈ​ពិបាក និង​មិន​សព្វ​ជ្រុងជ្រោយ​។ ៨០%​នៃ​ជំងឺ​របស់​ទារក​ក្នុង​ផ្ទៃ ត្រូវបាន​ពិនិត្យឃើញ ដោយសារ​ការធ្វើ​អេកូ​សាស្ត្រ​។​

៣) ការពិនិត្យ​សម្រាប់​វាយ​តម្លៃ​ការ​សម្រាល​៖

​ការពិនិត្យ​អេកូ​ត្រូវធ្វើឡើង​នៅ​ចន្លោះ​ពី ៣២ ទៅ ៣៤ សប្តាហ៍ ព្រោះ​អាច​ឲ្យ​យើង​ដឹង​អំពី​ទម្រង់ ទំហំ ទម្ងន់​របស់​ទារក ទីតាំង​សុក និង​បរិមាណ​ទឹកភ្លោះ ដែលមាន​ទំនាក់ទំនង​យ៉ាង​ជិតស្និទ្ធ​ទៅនឹង​លទ្ធភាព​នៃ​ការ​សម្រាលកូន​។​

៤) ការណែនាំ​ផ្សេងៗ​ទៀត​៖

– ការពិនិត្យ​អេកូ​ផ្ទៃពោះ​មិនមាន​ផលប៉ះពាល់​ដល់​សុខភាព​របស់​ម្តាយ និង​ទារក​ឡើយ​។​

– ការពិនិត្យ​អេកូ​ត្រូវធ្វើឡើង​យ៉ាងតិច​៣​ដង ក្នុងអំឡុងពេល​ពី​មាន​ផ្ទៃពោះ​រហូតដល់​គ្រប់​ខែ ក្នុងករណី​ការវិវត្តន៍​របស់ ផ្ទៃពោះ​ធម្មតា​។ គ្រប់ការ​ពិនិត្យ​អេកូ​ត្រូវមាន​ការណែនាំ​ជាមុន​ពី​គ្រូពេទ្យ​ជំនាញ ដើម្បី​ជៀសវាង​ការពិនិត្យ​ច្រើនដង ឥតប្រយោជន៍​ខាត​ពេលវេលា​និង​ថវិកា​។ ករណី​ផ្ទុយ​ពីនេះ ការពិនិត្យ​អេកូ​ត្រូវធ្វើឡើង​បន្ថែមទៀត តាម​ការតាមដាន​រប​ស់​គ្រូពេទ្យ​ជំនាញ ទៅតាម​ករណី​ដែល​បាន​ជួបប្រទះ​។​

– គ្រប់ការ​ពិនិត្យ​អេកូ​ផ្ទៃពោះ​មិនចាំបាច់​ពិសា​ទឹកជា​មុន ដើម្បី​ឲ្យ​មាន​ទឹកនោម​ក្នុង​ប្លោកនោម​ទេ​។ លើកលែងតែ​ក្នុង​ករណី​ការពិនិត្យ​អេកូ​ផ្ទៃពោះ​ក្នុង​ខែ​ដំបូង ការពិនិត្យ​ទីតាំង​សុក និង​វាស់​ប្រវែង​របស់​មាត់ស្បូន​។​

“​រាល់ពេល​មក​ពិគ្រោះ​ជាមួយ​អ្នកជំនាញ​រោគ​ស្ត្រី និង​សម្ភព និង​មក​ទទួល​ពិនិត្យ​អេកូ​សាស្ត្រ​ទារក​នៅ​មន្ទីរពេទ្យ​កាល់ម៉ែត សូម​លោក​-​លោកស្រី ជម្រាប​គ្រប់​ព័ត៌មាន​អំពី​ស្ថានភាព​សុខភាព​នៃ​មាតា និង​បម្រែបម្រួល​នៃ​ទារក​”៕

អត្ថបទ៖ ​រស្មី

សូមចុចអាន៖ ​វិធីសាស្ត្រក្នុងការតាមដាន និងព្យាបាលដុំពកសាច់ក្នុងថង់ទឹកប្រមាត់

Helistar Cambodia - Helicopter Charter Services
Sokimex Investment Group
ព័ត៌មានជាតិ១៦ វិនាទី មុន

មេទ័ពជើកគោកម៉ាឡេស៊ី នឹងបំពេញទស្សនកិច្ចនៅកម្ពុជា ពិភាក្សាស៊ីជម្រៅកិច្ចសហប្រតិបត្តិការយោធា

ព័ត៌មានជាតិ៥៦ នាទីutes មុន

លោក អ៊ុំ រាត្រី សសើរដល់កងកម្លាំង និងមន្ត្រីពាក់ព័ន្ធទាំងអស់ ដែលរក្សាសុខសុវត្ថិភាពបានយ៉ាងល្អ ក្នុងថ្ងៃចូលឆ្នាំ

ជីវិតកម្សាន្ដ១ ម៉ោង មុន

អេមមី ប៊ិះសន្លប់ក្រោយឆាក ធ្វើឱ្យ ខាន់ ជេមស៌ ពោលសរសើរកូនស្រីព្រោះទំនួលខុសត្រូវខ្ពស់នឹងការងារ

ព័ត៌មានជាតិ១ ម៉ោង មុន

កម្មករ-កម្មការិនី ២៣នាក់ ត្រូវបានបញ្ជូនទៅមន្ទីរពេទ្យ សង្ស័យពុលអាហារ

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី អញ្ជើញសំណេះសំណាល និងពិសាអាហារសាមគ្គីជាមួយសមាគម វិទ្យុ និងទូរទស្សន៍អនឡាញសំឡេងជនពិការភ្នែក

Sokha Hotels

ព័ត៌មានពេញនិយម