សុខភាព

ការជៀសវាងផលវិបាកនៃជំងឺទឹកនោមផ្អែម

បានផុស

៤ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

ជំងឺទឹកនោមផ្អែមដែលមិនបានព្យាបាល ឬគ្រប់គ្រងមិនបានល្អអាចបណ្តាលឲ្យមានផលប៉ះពាល់ពីយ៉ាងជាសំខាន់ គឺផលប៉ះពាល់ភ្លាមៗ (ដូចជាចុះជាតិស្ករ ការសន្លប់បាត់ស្មារតី ឫស្មារតីរវើរវាយ) និងផលវិបាករ៉ាំរៃរយៈពេលវែង។ កត្តាសំខាន់គឺត្រូវកាត់បន្ថយភាពប្រឈមនៃបញ្ហាដែលបណ្តាលពីទឹកនោមផ្អែម និងរកឲ្យឃើញទាន់ពេល បើជាករណីកើតមានឡើង ដើម្បីយើងសម្រេចធ្វើការព្យាបាលដោយជោគជ័យបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) ផលវិបាករយៈពេលវែង

ភាគច្រើននៃផលវិបាករយៈពេលវែងគឺ បណ្តាលមកពី ការមិនបានព្យាបាល ដោយកម្រិតជាតិស្ករនៅខ្ពស់ សម្ពាធឈាមខ្ពស់ វិបត្តិលើសជាតិខ្លាញ់ក្នុងសរសៃឈាម។

ដូច្នេះហើយគោលដៅរបស់អ្នកគឺ ត្រូវរក្សាកម្រិតជាតិស្ករឲ្យនៅប្រហាក់ប្រហែលនឹងធម្មតា។ ការឡើងជាតិស្កររយៈពេលយូរអាចបណ្តាលឲ្យអ្នកខូចខាតប្រព័ន្ធសរសៃឈាម និងសរសៃប្រសាទ ដែលអាចបណ្តាលឲ្យមាន៖

– បញ្ហាបេះដូង និងសរសៃឈាម

– ជំងឺលើបាតភ្នែក

Diabetes Tips: Managing and Living With Diabetes

– ជំងឺលើតម្រងនោម

– ជំងឺលើសរសៃវិញ្ញាណ

– ដំបៅលើធ្មេញ និងអញ្ចាញធ្មេញ

– បញ្ហាលើជើង និងប្រអប់ជើង។

ខ) ចូរការពារបេះដូង និងសរសៃឈាមរបស់អ្នកដោយ៖

– រក្សាកម្រិតជាតិស្ករឲ្យនៅក្បែរឬកៀកធម្មតា តាមដែលអាចធ្វើបាន (សូមពិគ្រោះជាមួយគ្រូពេទ្យ)

– កាត់បន្ថយការបរិភោគអាហារដែល សម្បូរជាតិខ្លាញ់ និងកូលេស្តេរ៉ុល

– កាត់បន្ថយការប្រើអំបិល និងអាហារដែលប្រៃ

– គ្រប់គ្រងនូវសម្ពាធឈាម និងកម្រិតខ្លាញ់ក្នុងសរសៃឈាម តាមការកំណត់របស់គ្រូពេទ្យជំនាញ

– ឈប់ពិសាបារី

– ធ្វើលំហាត់ប្រាណ បញ្ចេញញើស ឲ្យបានទៀងទាត់ជាប្រចាំ គ្រប់រូបភាពដែលអាចធ្វើទៅបាន។

គ) ចូរការពារប្រព័ន្ធសរសៃប្រសាទ ធ្មេញ និងតម្រងនោម៖

ការគ្រប់គ្រងកម្រិតជាតិស្ករ អាចជួយកាត់បន្ថយភាពប្រឈមនឹងជំងឺលើតម្រងនោម ខូចខាតសរសៃវិញ្ញាណប្រសាទ និងខូចខាតធ្មេញ និងអញ្ចាញធ្មេញ។

5 Tips to Prevent Gum Disease If You Have Diabetes – Health Essentials from Cleveland Clinic

– សញ្ញានៃការខូចខាតសរសៃវិញ្ញាណរួមមានវិលមុខពេលក្រោកឈរភ្លាមៗ ស្ពឹក ឬចាក់ឆៀបៗប្រអប់ដៃ ឬប្រអប់ជើង។

– ចំពោះបញ្ហាតម្រងនោម វាមិនមានរោគសញ្ញាអ្វីពិសេស ឲ្យអ្នកដឹងថាប៉ះពាល់តម្រងនោមនោះទេ រហូតដល់បញ្ហាតម្រងនោមនេះធ្ងន់ធ្ងរជ្រុលពេលវេលាទៅហើយ។

– កម្រិតជាតិស្ករ និងកង្វះអនាម័យមាត់ធ្មេញ អាចបណ្តាលឲ្យមានដង្កូវស៊ីធ្មេញ និងអញ្ចាញធ្មេញ។ ចូរដុសធ្មេញ និងអណ្តាត ក្រោយរាល់ពេលអាហារ និងត្រូវពិនិត្យធ្មេញយ៉ាងហោចណាស់រាល់ ៦ខែម្តង ហើយត្រូវច្បាស់ថា អ្នកប្រាប់ពេទ្យថាអ្នកមានជំងឺទឹកនោមផ្អែម។

ឃ) ចូរការពារស្បែក និងប្រអប់ជើងអ្នក៖

អ្នកមានជំងឺទឹកនោមផ្អែមច្រើនតែមានបញ្ហាប្រអប់ជើង។ ប្រអប់ជើងមានបញ្ហាមិនបានពិនិត្យ និងព្យាបាល (ដែលបណ្តាលមកពីដំណើរឈាមរត់មិនល្អ ការប៉ះពាល់សរសៃវិញ្ញាណ ឬមានដំបៅក្លាយ) អាចនឹងបណ្តាលឲ្យអ្នកបាត់បង់ម្រាមជើង ប្រអប់ជើង និងជើងតែម្តង។

Suffering from diabetes and wanting to “avoid” complications, these 3 individual examinations are the key | DayDayNews

អ្នកអាចកាត់បន្ថយភាពប្រឈមនៃបញ្ហាលើប្រអប់ជើង ដោយគ្រប់គ្រងកម្រិតជាតិស្ករនិងការពារប្រអប់ជើងអ្នក បើអ្នកមានសញ្ញាព្រមានណា ឬអាសន្នមួយនៃបញ្ហាប្រអប់ជើងដូចខាងក្រោម៖

– ឈឺចាប់ ស្ពឹក ឬហើមលើ ប្រអប់ជើង និងជើងទាំងមូល

– ដំបៅដែលមិនព្រមជា

– ស្បែកប្រែពណ៌ទៅជាក្រហម ឬជាំ

– មុតដាច់ ស្នាមជាំ ឬមានរបួស ប្រអប់ជើងណាមួយ

“ដើម្បីស្វែងយល់ព័ត៌មានបន្ថែមលំអិតអំពីវិធីសាស្ត្រថែរក្សាសុខភាពឲ្យបានល្អ សូមបងប្អូនមកទទួលប្រឹក្សាជាមួយនឹងក្រុមគ្រូពេទ្យឯកទេសជំងឺទឹកនោមផ្អែមនៅមន្ទីរពេទ្យកាល់ម៉ែត ”៕

អត្ថបទ៖ រស្មី

សូមចុចអាន៖ មកដឹងពីមេរោគក្រពះ រោគសញ្ញានិងវិធីព្យាបាល

Related Topics:ជំងឺទឹកនោមផ្អែម