សុខភាព
ជំងឺ ១០ មុខ ឧស្សាហ៍កើតបំផុតអំឡុងខែភ្លៀង គ្រប់គ្នាត្រូវប្រយ័ត្ន
ដូចដឹងស្រាប់ហើយ រដូវភ្លៀងទោះបីជាសីតុណ្ហភាពត្រជាក់ស្រួលមែន ប៉ុន្តែបាក់តេរី មេរោគ និងជំងឺឆ្លងផ្សេងៗ ក៏ងាយកើតឡើងដែរ ហេតុនេះប៉ាម៉ាក់ត្រូវប្រយ័ត្នកូនៗឲ្យបានច្រើន។ អត្ថបទនេះនឹងលើកឡើងពីជំងឺមួយចំនួន ដែលឧស្សាហ៍កើតមាន ពិសេសកើតលើក្មេងៗ និងរោគសញ្ញាឲ្យបានដឹងទាំងអស់គ្នា។
១- ជំងឺគ្រុនឈាម
![Dengue Fever : Causes and Symptoms - Mediwheel](https://www.mediwheel.in/blog/wp-content/uploads/2019/07/02-14.jpg)
គ្រុនឈាម ជាជំងឺឧស្សាហ៍កើតមានបំផុតអំឡុងពេលរដូវវស្សា ឆ្លងរាលដាលតាមរយៈមូសខាំ ដែលជាពពួកមូសខ្លា ខណៈរោគសញ្ញាមានដូចជា៖
– ក្តៅខ្លួនខ្លាំង
– ឡើងកន្ទួលលើស្បែក
– ចំនួនប្លាកែតធ្លាក់ចុះ
– ងាយរងប្រតិកម្មលើស្បែក ឬច្រមុះជាដើម។
២- ជំងឺបង្កដោយវីរុស Chikungunya
![Chikungunya - Wikipedia](https://upload.wikimedia.org/wikipedia/commons/3/34/2012-01-09_Chikungunya_on_the_right_feet_at_The_Philippines.jpeg)
ជំងឺ Chikungunya គឺបង្កឡើងដោយសត្វមូស ដែលរស់នៅក្នុងថ្លុកទឹក ហើយមូសទាំងនោះ ត្រូវប្រទះឃើញមានគ្រប់ទីកន្លែងជុំវិញបរិវេណផ្ទះរបស់យើង មានទាំងក្នុងផើងផ្កា ទុយោទឹក នឹងវត្ថុផ្សេងៗទៀតដែលដក់ទឹកបាន ខណៈភ្នាក់ងារចម្លងជំងឺនេះ គឺជាពពួកមូសខ្លា។ រោគសញ្ញាមានដូចជា៖
– ឈឺសន្លាក់ស្រួចស្រាវ
– គ្រុនក្តៅខ្លាំង
– រងារញាក់
– អស់កម្លាំង។
៣- ជំងឺគ្រុនចាញ់
![The 'last mile' of malaria elimination in Cambodia](https://www.who.int/images/default-source/global-malaria-program-(gmp)/feature-stories/cambodia-1.jpg?Status=Master&sfvrsn=3af2c52d_7)
ជំងឺគ្រុនចាញ់ គឺចម្លងពីមូសដែកគោល ខណៈករណីឆ្លងជំងឺនេះ តែងកើនឡើងខ្លាំងអំឡុងពេលរដូវភ្លៀងចូលមកដល់ ដោយពពួកមូសនឹងបន្តពូជនៅតាមកន្លែងដក់ទឹកផ្សេងជុំវិញព្រៃក្បែរៗផ្ទះរបស់យើង ខណៈរោគសញ្ញាមានដូចជា៖
– គ្រុនក្តៅខ្លាំង
– ឈឹចុកចាប់រាងកាយ
– គ្រុនរងារញាក់
– បែកញើសខ្លាំង។
៤- ជំងឺអាសន្នរោគ
ជំងឺអាសន្នរោគ គឺបណ្តាលមកពីការញ៉ាំអាហារ និងទឹកដែលមានផ្ទុកមេរោគ។ កង្វះអនាម័យ ក៏ជាមូលហេតុចម្បងបង្កឲ្យកើតជំងឺនេះដូចគ្នា។ អាសន្នរោគ គឺត្រូវការការព្យាបាលឲ្យបានឆាប់បំផុត ព្រោះអាចបណ្តាលឲ្យស្លាប់ក្នុងរយៈពេលប៉ុន្មានម៉ោងប៉ុណ្ណោះ ខណៈរោគសញ្ញាជាទូទៅមានដូចជា៖
– ធ្លាក់ចុះសម្ពាធឈាម
– រមួលសាច់ដុំ
– ចង្វាក់បេះដូងលោតញាប់
– ស្ងួត ភ្នាសសើមនៅត្រង់បំពង់ក និងច្រមុះជាដើម។
៥- ជំងឺគ្រុនពោះវៀន
![My Stomach Hurts So Bad | Causes Of Lower Abdominal Pain - Virinchi Hospitals](https://virinchihospitals.com/wp-content/uploads/2019/02/stomachpain-1024x555.jpg)
គ្រុនពោះវៀន ជាជំងឺឆ្លងឧស្សាហ៍កើតមានដូចគ្នាអំឡុងរដូវភ្លៀងចូលមកដល់។ ជំងឺនេះ ធម្មតាបង្កឡើងដោយការញ៉ាំអាហារ និងទឹកមិនមានអនាម័យ ហើយរោគសញ្ញាមានដូចជា៖
– គ្រុនក្តៅរយៈពេលយូរ
– អស់កម្លាំង
– ឈឺពោះ
– ទល់លាមក
– ឈឺក្បាល
– ក្អួត។
៦- គ្រុនក្តៅដោយសារឆ្លងរោគ (Viral fever)
![Viral Fever: How to beat viral fever? - Vikram Hospital Blog](http://www.vikramhospital.com/blog/wp-content/uploads/2020/03/viral-fever-how-to-beat-viral-fever.jpg)
ជំងឺនេះ អាចកើតឡើងគ្រប់ពេលវេលាពេញមួយឆ្នាំតែម្ដង ប៉ុន្តែហានិភ័យកើតជំងឺនេះ នឹងកើនឡើងកាន់តែខ្ពស់អំឡុងពេលរដូវភ្លៀង ដោយរោគសញ្ញាជាទូទៅមានដូចជា៖
– គ្រុនក្តៅ
– អស់កម្លាំង
– វិលមុខ
– ល្ហិតល្ហៃ
– គ្រុនញាក់
– ឈឺចាប់រាងកាយ សាច់ដុំ និងសន្លាក់។
៧- រាក
![When to See a Doctor for Diarrhea | Severe Diarrhea Treatment](https://d33ljpvc0tflz5.cloudfront.net/dims3/MMH/62e5916/2147483647/strip/true/crop/4145x2699+0+240/resize/768x500!/quality/75/?url=https%3A%2F%2Fd26ua9paks4zq.cloudfront.net%2F65%2F99%2F2d59e83a46aca8ad4ded4aa19076%2Fgettyimages-964136016.jpg)
រាក ជាបញ្ហាសុខភាពមួយឧស្សាហ៍កើតមាន និងអាចកើតលើមនុស្សគ្រប់វ័យ ពិសេសអំឡុងពេលរដូវវស្សាតែម្តង។ ជំងឺរាកអាចបណ្តាលមកពីញ៉ាំអាហារ ឬទឹកគ្មានអនាម័យ ហើយរោគសញ្ញាមានដូចជា៖
– លាមករាវ (សុទ្ធតែទឹក)
– រមួលពោះ
– គ្រុនក្តៅ
– ហើមពោះ
– ក្អួតចង្អោរ
– ឈាមក្នុងលាមក។
៨- ផ្តាសាយធម្មតា និងផ្តាសាយធំ
![Can You Catch a Cold and the Flu at the Same Time? | Live Science](https://cdn.mos.cms.futurecdn.net/ahBxzg3vSEoGbA2aaU59Wj-1200-80.jpg)
នៅពេលអាកាសធាតុប្រែប្រួលភ្លាមៗ នឹងបង្កឲ្យសីតុណ្ហភាពរាងកាយយើងប្រែប្រួលដូចគ្នា ហើយបញ្ហាចម្បងអាចកើតមានឡើងចំពោះសុខភាព គឺផ្តាសាយធម្មតា និងផ្តាសាយធំ។ អំឡុងពេលរដូវភ្លៀង ប្រព័ន្ធការពារក្នុងរាងកាយយើងនឹងចុះខ្សោយ ដែលជាកត្តាកាន់តែងាយធ្វើឲ្យកើតផ្តាសាយ ក្អក និងផ្តាសាយធំ ខណៈរោគសញ្ញាជាទូទៅមានដូចជា៖
– ក្តៅខ្លួន
– ឈឺសាច់ដុំ
– ហៀរសំបោរ
– កណ្តាស់
– តឹងច្រមុះ។
៩- ជំងឺ Leptospirosis (ឆ្លងមេរោគពីសត្វ)
![All About Leptospirosis](https://www.stlukes.com.ph/assets/images/news/Leptospirosis_870x620.jpg)
ជំងឺ Leptospirosis សំដៅលើការឆ្លងបាក់តេរីមួយប្រភេទដែលជាការចម្លងពីសត្វមកលើមនុស្ស នៅពេលមានស្បែកយើងមានការដាច់រលាត់កន្លែងណាមួយ។ ជំងឺនេះជាធម្មតាឆ្លងរាលដាលតាមរយៈមុខរបួស អំឡុងពេលយើងធ្វើដំណើរលុយទឹកមានមេរោគ ប៉ះលើមុខរបួស ខណៈរោគសញ្ញាមានដូចជា៖
– គ្រុនក្តៅខ្លាំង
– ឈឺក្បាល
– ឈឺសាច់ដុំ
– ឈឺពោះ និងរាក
– ឡើងកន្ទួលលើស្បែក។
១០- ឆ្លងមេរោគក្នុងក្រពះ
![7 characteristics of colon cancer that are rarely realized – Netral.News](https://primaberita.com/wp-content/uploads/2021/01/Ciri-ciri-Kanker-Usus-besar.jpg)
ឆ្លងមេរោគក្នុងក្រពះ កើតឡើងនៅពេលយើងញ៉ាំអាហារ ឬផឹកទឹកដែលមិនស្អាតល្អ។ ជំងឺក្រពះពោះវៀន ជាជំងឺមួយ ជាទូទៅកើតឡើងពេលក្រពះមានឆ្លងមេរោគ និងឧស្សាហ៍កើតមានបំផុតអំឡុងពេលរដូវភ្លៀង។ សូមផឹកទឹកដាំពុះឲ្យបានគ្រប់គ្រាន់ និងញ៉ាំអាហារចម្អិនឆ្អិនល្អ ដើម្បីអាចបង្ការបញ្ហាទាំងនេះ។ រោគសញ្ញាជំងឺនេះមានដូចជា៖
– គ្រុនញាក់ដោយសារសីតុណ្ហភាពរាងកាយធ្លាក់ចុះ
– ក្អួត និងចង្អោរ
– រមួល ឬឈឺពោះ
– រាក។
* វិធីបង្ការជំងឺរដូវភ្លៀង
មានតិចនិកមួយចំនួនជួយយើងចៀសឆ្ងាយពីជំងឺឧស្សាហ៍កើតមានអំឡុងរដូវភ្លៀង ដោយគ្រាន់តែអនុវត្តដូចខាងក្រោម៖
– ព្យាយាមនៅក្នុងផ្ទះ និងកន្លែងដែលគ្មានមូស
– ប្រើថ្នាំបាញ់មូស និងស្លៀកពាក់ជិតៗពេលចេញទៅក្រៅផ្ទះ
– កុំព្យាយាមទៅកន្លែងមានមនុស្សកកកុញច្រើន ដើម្បីកាត់បន្ថយអត្រាឆ្លងមេរោគ
– ផឹកទឹកដាំពុះ
– ញ៉ាំអាហារស្រស់ៗធ្វើឲ្យផ្ទាល់ដៃ
– ត្រូវប្រាកដថា ផ្ទះរបស់យើងមានខ្យល់ចេញចូលគ្រប់គ្រាន់
– លាងដៃឲ្យបានស្អាតមុនពេលញ៉ាំអាហារ
– កុំយកដៃប៉ះច្រមុះ ឬមាត់មុនលាងសម្អាត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ភេសជ្ជៈ ៤ មុខជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវភ្លៀង
ចុចអាន៖ ឆ្ងល់ទេ ខែភ្លៀង សីតុណ្ហភាពចុះត្រជាក់ តែសម្បូរអ្នកឈឺច្រើន? នេះមូលហេតុ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?