សុខភាព

ហេតុអ្វីបានជាទឹកចូលសួត? តើមានអាការៈអ្វីខ្លះ?

បានផុស

៤ years មុន

នៅ

ថ្ងៃសុក្រ ២៥ មិថុនា ២០២១

ដោយ

ជាធម្មតា នៅចន្លោះស្រោមសួតទាំងពីរស្រទាប់ ពុំមានទឹកច្រើនឡើយ គឺមានប្រហែលជា១០ ទៅ១៥ មីលីលីត្រប៉ុណ្ណោះ តែបើទឹកនេះមានកម្រិតច្រើននោះគេចាត់ទុកថាជាជំងឺទឹកចូលស្រោមសួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) តើជំងឺនេះមានរោគសញ្ញាដូចម្តេច?

– ក្អកស្ងួត ជាពិសេសនៅពេលប្តូរជំហរខ្លួន ដូចជាក្រោកពីដេក ឬ ផ្អៀងខ្លួនជាដើម

– ហត់

– ឈឺទ្រូងផ្នែកចំហៀងឆ្វេងឬស្តាំ អាស្រ័យទៅលើការមានទឹកចូលស្រោមសួតខាងនោះ

– និងមានរោគសញ្ញាផ្សេងៗទៀតអាស្រ័យលើមូលហេតុនៃជំងឺនីមួយៗ

ខ) ហេតុអ្វីបានមានជំងឺទឹកចូលសួត?

មូលហេតុមានច្រើនដែលភាគច្រើនគេជួបញឹកញាប់មានដូចជា៖

– រលាកស្រោមសួតដោយមេរោគបាក់តេរី ឬ របេងជាដើម

– ជំងឺមហារីកស្រោមសួត ឬក៏ មហារីកសរីរាង្គផ្សេងតែវារាលដាលដល់ស្រោមសួត

– ជំងឺខ្សោយបេះដូង

– ជំងឺខ្សោយតម្រងនោម

– ជំងឺក្រិនថ្លើម

– និងមូលហេតុផ្សេងៗជាច្រើនទៀត

គ) តើធ្វើយ៉ាងណាទើបដឹងមូលហេតុទាំងនេះ?

ជាទូទៅគ្រូពេទ្យធ្វើការវិភាគតាមសញ្ញាណគ្លីនិកល្អិតល្អន់ និងបន្ថែមដោយមធ្យោបាយថតសួតដោយកាំរស្មីអិច ឬ អេកូសួត និងក៏អាចធ្វើការថតស្កែនសួត។ ភាគច្រើនតម្រូវឲ្យមានការបូមទឹកស្រោមសួតដើម្បីធ្វើការវិភាគអមវេជ្ជសាស្រផ្សេងៗ។ ទាំងអស់នេះ សុទ្ធតែជាមធ្យោបាយដែលមាននាពេលបច្ចុប្បន្ននៅមន្ទីរពេទ្យកាល់ម៉ែត។

ឃ) ការព្យាបាល៖

ការព្យាបាល គឺអាស្រ័យទៅលើមូលហេតុផ្សេងៗដែលបង្កឲ្យមានជំងឺនេះ។

បើលោកអ្នកមានរោគសញ្ញាដូចបានរៀបរាប់ខាងលើ សូមលោកអ្នកអញ្ជើញមកជួបពិគ្រោះជំងឺជាមួយគ្រូពេទ្យឯកទេស នៃមន្ទីរពេទ្យកាល់ម៉ែត ដើម្បីព្យាបាលបានទាន់ពេលវេលា និងមានប្រសិទ្ធភាព៕

អត្ថបទ៖ រស្មី

សូមចុចអាន៖ ភាពខុសគ្នារវាងការពុលស្រា និងស្រវឹងស្រា គួរប្រុងប្រយ័ត្ន

Related Topics:សុខភាពសួត